¹ Kuruma n'ampo, Yesu warondora tu bhampe ntumwa makumu arinda, n'ituma bho bhabhibhabhi mwimusondore mo nsambungu nkirinkiri e kuti kwamendange we. ² Washisha bho: e mirime mingi, iina e bhakauri bhakeke muheme kuri mukakare we mirime warebheke bhakori bhingi kakao. ³ Mwendi nabhutura bhuri mburi munkati na ngoi. ⁴ Ang' ironge ngombe, kirato, kakumbu, n'ang'ikea mweya mo munse. ⁵ Mumakime, mo numba nti mwebha bhuno: E bhuhoro bhubhesi mo numba ino! ⁶ Na kubha muri mweya mukeke wa bhuhoro, e bhuhoro bwinu bhubhesi hambasiro nae, ntimbo, nti bwabukuruketu. ⁷ Murikanga mumo, murise , mwomu byaninkwa bhaanu, bwishw'e mweya w'emurimo wakomenwa ohembo. Angiikime numba mu numba. ⁸ Musambungu sima insi sakime mo bhaanu, sakia bhabhukoke, murise byaninkwa bhaanu. ⁹ Muramye bhakoni ambi bhakumana bhanu n'ishisha bho: e bhubhake bwa Ongo buri kwihi n'iinu. ¹⁰ Iina, musambungu nku kwakime bhaanu bhamatin'ibhukoke, mwendi mo mwengere, n'ieba. ¹¹ Twabututure mukungu we rubhungu rwinu ingo wakurande mu bhisando bhitu; musibhanga e bhubhake bwa Ongo iye bhuri kwihi. ¹² Nabhushisha murotu ndo, e rubungu ndo rwasungi chasuma irenga byetanga ku Sodoma. ¹³ Bhoonso kuri Korasini, bhoonso kuri ongo Betesaida, bhushwa e tushingishiro tuti twamabhesa musambungu twametange mo chuo cha ku Tiro na ku Sidoni, bhamubhundukange karekare mwimbara makunia na mote. ¹⁴ Ngi chasingwa, e rotu rwerikera er'obhansa, ku Tiro na ku Sidoni bhakerwi rohoha ibhurenga. ¹⁵ Na ongo kapernaumu, utarishiwanga kwiyo uhichiwi mo rotu rwa hende. ¹⁶ E wabworukire nti wanorukire, n'ewabhunena nani namuneni. N'angu waninena, nt'wanenangu wantumanga. ¹⁷ E makumi arinda bhakuruka kwa tumwanga bho nti bhari na ngowa bhebha; e Mukota; e bhashumbu bhakutorukire morina rabe. ¹⁸ Yesu w'ire bho: Nakusunga bwa kusika nyamuraire mo mwanya bhuri kimpenya. ¹⁹ Nakubhuninka maa inanta nsoka na nkutu na mumaa ati e murenda, na kusira chamu bhubhabhaya tu. ²⁰ Ang'imoa mbu e bhashumbu bhakubhorukire iina bhushwa ne mina inu amatiranyiwa ko kwiyo. ²¹ Mukashangi nko warisa ngoa mo mutima mushasha n'iebha: Na kutata Tita. Mukota we kwiyo n'e kwansi, mwibhisa e bhasengeha n'ambi bhari na bwenge e bhinwa mbi n'insonsomora byo mo bhaana. Aee Tita, na kutata bwakushima Ongo bhibhesi mbo. ²² Naninkwanga e bhikai bhiti kuri Tita,na kusira mweya wosi mbu inye ngi musike wae, Kubha nti iwe wesine, na nye ngi Tita kubha nti musike wae ntiwe ngusonding'imutumbiya. ²³ Wikebhera kuri e santumwa sae, n'ishishabho kwesine; Akasanirwe e meso ngo akaengi bhukaengi bhanu! ²⁴ Bhushwa n'ibwirengi; bhatahwa bhiingi na bhabhake bhashimanga nabho bhasunge bhisungange bhaanu, bhatasungi; bhorukire ebyorukirange bhanu, bhatorukiri. ²⁵ Murenga mukiri we myomba uma wasimana n'ieebha mwisheya Yesu mbu iwe ng'osibhiti imurenga: e Muhani namukiya bhuni nani nishei karamo kako kwiyo? ²⁶ Yesu wa mushisha; byatiranyiwa bhuni mo myomba? usoma nki mo mitiro y'e myomba? ²⁷ Wamusubhiye; ushimanga Mukota, Ongo wabhe, mo mutima wabhe uti , mu mwanikiri wabhe uti, mu maa abhe ati, na munakinu, bhuri ong'wisine. ²⁸ Umasako shu, Yesu wamushisha; ronja mbo umane matu mingi. ²⁹ Iina iwe mo kwitondeka webha kuri Yesu: Na nti nye nge munakitu wakumushi nani? ³⁰ Yesu webha tu; Mweya uma watukanga ku Yerusaremu mwihite ku Yeriko. Watingirwa mo munse na bhashumba, bhamubhaka, imukama n'imusiya mo munse mu ngerero y'ikwa. ³¹ Mukungu uma nae wahita munse njo, wamukumana hakumusiya bho, wamusunga na kwiire rae. ³² Murawi nae weya mpo, imusunga nae w'eire. ³³ Iina musamariya uma nae nti uri mu munse, wiya mpo, wasunga bhoonso murisunga e mweya ngo. ³⁴ Washeere kwihi nae, wamukamure bhukumu n'imina nsiri mo bhihuru, n'imukambisha mo mbunda yae, wenda kamushakire mo numba yi koke bhendendi. ³⁵ Mukakoma, waninka mine numba faranga sibi n'imushisha: Nkairi kuri e mweya uno, na kinsi chasemuninka ongo mumurao wae, nisekukuruchiecho. ³⁶ Inye mubashatu mbo ngi munachae wa kwihi nae ngu watingirwanga n'ebhashumba? ³⁷ Uungu wamukwirenga bhoonso, n'imushakire, bwa sakonga e muhanga. Yesu wamushisha: Enda na ongo ukore bho. ³⁸ Yesu nti uri mumunse n'e sa ntumwa sae weya m'obhungu ruma, nti kuri momina uma ngi Marita wakoke bho mu mwae. ³⁹ Wabhesenga na moto wae ngi Mariya warika mu makako na Yesu, mw'iyorukira e mwasi wakonda. ⁴⁰ Marita wabucha murimo witeka bhiyo, waruka wimusake webha; e Mukota, nti uyongwa mor'esunga mwisi itu wanisierere mo murimo we numba? Mushishe wansaki mo murimo. ⁴¹ Mukota wa musubhiye: Marita, Marita, ong'winyonsange n'isuwa mu bhikai bhingi. ⁴² Kikai kima ho ngi chakomenwa. Maria wakurondora muhango wakonda ung'utamutukiyo tu mo.