¹ Judah, Muhumwa wa Jesu Masihi, na nduguye Yakobo, kpwa mvario ehewa, ahenzwi kahi za Mulungu Paba, na mvachi tunzwa kpwa ajili ya Jesu Masihi. ² Navoya, rehema na amani na uhenzo wonjezeke kpwenu. ³ Ahenzwi, wakati niriho kala nichihenda chila njira kumvandikira dzulu ya wokofu wehu, nelazimika kumvandikira kpwa ajili ya kumva shauri ili mu piganire kpwa wamifu imani iriyo kala idzi laviwa lumwenga tu kpwa mva-aminio. ⁴ kpwa kukala atu anjine mvedzenjiza chisiri kahi yenu . Atu ambao mvepigbwa mihuri kpwa ajili ya hukumu. Atu mvasokala a hachi ambamvo niku galuza neema ya Mulungu wehu kukala uzembe, mvario ni kumu kahala Bwana wehu wa hacheye, Jesu Masihi. ⁵ Sasa namala nimva kumbushe mwimwi- idzaho kuna wakati mwemanya-kukala Bwana weokola atu kula ntsi ya Misiri, kula haho achi mvangamiza mvara mvaso amini. ⁶ Na, malaika ambao kamva rindire enzi yao enye, ala mvachi garicha makalo gao maalumu-Mulungu adzimvaika kahi za nyugbwe za milele, ndani ya chiza kpwa ajili ya hukumu siku iyo bomu. ⁷ Here Sodoma na Gomora na midzi iriyo imva zunguluka ambayo yedzenjiza yenye kahi za uzinzi na kutua tamaa isiyokala ya mwanzo. Mveonyeswa here mufano wa mvo ambavo niku teseka kpwa hukumu ya moho wa kare na kare. ⁸ Hali, ni kpwa njira iyo mvalohao namvo niku chafua miri yao. Niku kahala mamulaka na kunena ulongo dzulu ya utukufu. ⁹ Ala hata Mikaeli malaika mubomu, wakati ariho shindana na Shetani na ku nenezana kpwa ajili ya mwiri wa Musa, kawezere kureha hukumu ya ulongo dzuluye, badalaye weamba, "Bwana akuchemere!''' ¹⁰ Ala atu aa mvareha ulongo dzulu ya chochosi mvaso chimanya; here hayawani, gaga ndigo garigo mvangamiza. ¹¹ Shaka rao! Kpwa kukala mvatsembera njira ya Kaini na kurituwa kosa ra Balamu kutafuta faida. Mvadzangamizwa kahi za makosa ga Kora kupingana na Mulungu. ¹² Atu mvamva ni mawe hatari gazuliago sherehe zenu, mvaryao hamwenga namwi bila woga- ni arisa mvadzi risao enye. Ni maingu gasiko kala na mvula gatsuku lwago ni peho; ni mihi iriyo pukusa isiyo na matunda -iriyofa mara mbiri, iriyo ng'olwa mizi. ¹³ Ni maimbi ga bahari, garigo na fujo, gombozago aibu zao; ni nyenyezi zitanga tangazo ambazo wiruwe wa chiza wetunzwa kpwa ajili yao kare na kare. ¹⁴ Enoko, mutu wa fungahe kula kpwa Adamu, wetabiri kumva husu, achamba,''Lola! Bwana wadza na maelifu na maelifu ga atakatifue. ¹⁵ Wadza chiza hukumu kpwa chila mutu. Wadza hukumu mvosi mvario chinyume kpwa gosi mvario gahenda chinyume na Mulungu, na maneno gosi makali mvario ganena chinyume na Mulungu mvarigo ganena dzuluye." ¹⁶ Mvamva ni mvanung'unikao, mvalalamikao ambao nikutua tamaa zao mbii. Mvadzivuna kpwa maneno gao, kukenga anjine kpwa faida. ¹⁷ Ala mwimwi, ahenzwi, kumbukani maneno garigo nenwa kapindi ni mitume a Bwana Jesu Masihi. ¹⁸ Mvemwamba, "Kahi ya siku za mwisho kundombolera atu a mizaha (kejeli) mvandotua tamaa zao." ¹⁹ Ni atu mvagavyao atu; mvana tamaa za chi rimwengu wala kamvanaye Roho. ²⁰ Ala mwimwi, ahenzwi, dzijengeni kahi za Roho za imani, na muvoye kahi za Roho Mutakatifu. ²¹ Dzitunzeni kahi za uhenzo wa Mulungu, na mutarizire rehema ya Bwana Jesu Masihi ambayo inda mvapa uzima wa kare na kare. ²² Kalani na mbazi kpwa mvario na shauku. ²³ Mvokoleni anjine kpwa kumva nyakula kula kpwa moho, kpwa anjine, mvonyeseni mbazi na woga, muchi tsukirirwa ta vazi ridziro enjizwa najisi ni mwiri. ²⁴ Sasa kpwa iye awezaye kumva rinda hata musi dzikpwale na kumva henda mweme mbere za utukufuwe bila makosa na kukala na furaha bomu, ²⁵ Kpwakpwe Mulungu hacheye mokoli kuchirira Jesu Masihi Bwana wehu, utukufu ukale kpwakpwe, ubomu ,uwezo na nguvu wakati wosi, sasa na hata kare na kare. Amina.