Muryango wa Kumi na Tandahu
1
Wakati sabato irivosikira, Mariamu Magdalena na Mariamu ameye Jakobo, na Salome agula mafuha (manukato) madzo, ili aweze Kwenda na kuuvaka mafuha mwiri wa Jeso.
2
Chiramko na mapema tsiku ya kwanza ya juma, akwenda kwenye mbira wakati dzua ririvoombola (lilipochomoza).
3
Achigombezana ao kwa ao, nyani yundarivingirisha dziwe kwa ajili yehu ili huinjire mbirani?
4
Wakati arivolola, aona dziwe ridzivingirishwa kare, naro rakala bomu sana.
5
Achinjira kwenye mbira na achimona chijana yurava zurungi reruve (joho jeupe) yusagala mkono wa kurya na achishangazwa.
6
Achaambira, msiogove, mnamuyeya Jeso Mnazareti ariyesulubiwa, yudzifufuka kavo vava. Lolani varahu arivokala adzimwiika.
7
Ela! Enendani mkaambire anafunzie na Petero ya kukala yudziatangulia kuelekea Galilaya. Kuko munda muona, here arivyokala waambira.
8
Achiiuka na kuenda kahiza kwenye mbira (kaburi), achitetemeka na kushangaa. Kagombere chochosi kwa mtu yeyosi sababu aagava sana.
9
Mapema kahiza tsiku ya kwanza ya juma, baada ya kufufuka, wamombozera kwanza Mariamu Magdalena ambaye kwakwe wamuomboza pepo afungahe (saba).
10
Wauka na kuambira arahu ambao akala vamwenga naye, wakati arivokala achiomboleza na kurira.
11
Achisikira kukala yu moyo (hai) na yudzionekana naye, ela kamwaminire.
12
Baada ya mautu gaga, achonekana kahiza sura tofauti na airi ao arivokala anenda mindani.
13
Achuuya na kuambira anafunzi anjine ariosala, Ela! Kaaminire,
14
Jeso baadaye achidzomboza kwa arahu kumi na mumwenga, arivokala anarya mezani, na achiachemera kwa kutsaamini kwao na ugumu a mioyo, kwa sababu kaaminire arahu ariomona baada ya kufufuka kahiza kwa wafu.
15
Achiamuru, enendani urimwenguni mosi, na kuhubiri injili kwa viumbe vyosi.
16
Yeyosi aaminiye na kubatizwa yundaokoka, na yuyahu asiye amini yundahukumiwa.
17
Ishara zizi zindatuwana na ao aaminio kwa dzina rangu andaomboza pepo. Andagomba kwa lugha pya.
18
Andagwira nyoka kwa mikono n ahata achinwa chitu chochosi cha kulaga kachinda adhuru, andaika mikono yao dzulu ya akongo, nao andapata afya (andavola).
19
Baada ya Bwana Jeso kugomba nao achihalwa dzulu Mulunguni na wasagala mkono wa kurya wa Mulungu.
20
Anafunzi achuka, achihubiri chila vatu, naye Bwana achihenda kazi vamwenga nao na kurithibitisha rire neno kwa ishara zirizo zizizoambatana nao.