¹ Chichi ndo chaho cha Injili ya Jesu Kiristito, Mwana wa Mulungu. ² Here irivyoandikwa ni nabii Isaya, 'Lola ninamuhuma mujumbe wangu mbereyo, mumwenga andiyetayarisha njirayo. ³ Kauli ya mutu ariyaye nyikani, "Ikamilisheni njira ya Bwana; zigoloseni njiraze. ⁴ Johana wakudza achibatiza nyikahi na kuhubiri ubatizo wa toba urehao msamaha wa dambi. ⁵ Tsi yosi ya Judea na atu osi a Jerusalemu akwenda kwakwe. Were anabatizwa ni iye kahiza muho wa Jordani, achikiri dambi zao. ⁶ Johana were yunavali vazi ra nyoga za ngamira na mukumbuu wa chingo chununi mwakwe, na were yunarya nzije na nyuchi ya tsakani. ⁷ Wahubiri na achamba, “Yuvavo mumwenga yunadza badala yangu mwenye nguvu muno kuriko mimi, na sina ruhusa hata ya kuzama tsi na kufugula nyugwe za virahuvye. ⁸ Mimi naabitiza kwa madzi, lakini iye yundaabatiza mwimwi kwa Roho mutsunyu. ⁹ yaomborera kahi za tsiku zizo kukala Jesu wakudza kula Nazareti ya Galilaya, na achibatizwa ni Johana Kahi za muho wa Jordani. ¹⁰ Na Jesu arivoinuka kula madzini, waona Mulungu ufuguka lwazu na Roho achitserera dzuluye mfano wa ngiyamanga. ¹¹ Na kauli yombola mulunguni “Uwe ndiwe mwanangu muhenzwi. Nihenzezwaye muno ni uwe”. ¹² Chisha mara mwenga Roho achimulongoza kwenda nyikani. ¹³ Wakala nyikani tsiku mirongo mine achijezwa ni shetani. Were yu vamwenga na anyama a tsakani na malaika achimuhumikira. ¹⁴ Vikara baada ya Johana kugwirwa, Jesu wakudza Galilaya achitangaza injili ya Mulungu. ¹⁵ “ Achamba, muda ufika, na ufalme wa Mulungu uvevi. Tubuni na muamini kahi za Injili.” ¹⁶ Na arivokala yunachira kandakanda ya bahari ya Galilaya, wamona Simoni na Andrea nduguye anavuwa samaki na vinia vyao baharini, kwa kukala were ni avuvi. ¹⁷ Jesu achiamba, Nzoni, nituani, na nindaahedya avuwi a atu” ¹⁸ Na mara mwenga aricha vinia na achimutuwa. ¹⁹ Muda Jesu arivosengera mbere chidogo, wamuona Jakobo mwana wa Zebedayo na Johana nduguye; were akwenye dau anatengeneza vinia. ²⁰ Mara achiaiha na ao achimuricha beyao Zebedayo ndani ya dau na ahumiki ariokodishwa, achimutuwa. ²¹ Na arivofika Kaperinaumu, tsiku ya sabato, Jesu wainjira kwenye sinagogi na achifundisha. ²² Aangalazwa ni funzyore kwa vira were achiafundisha here mutu ariye yuna mamlaka na si here aandishi. ²³ Muda uo uo kwakala na mutu kahi za sinagogi rao ariyekala na roho muchafu, na achipiga lonzo, ²⁴ achamba, "Huna chitu chani cha kuhenda nawe, Jesu wa Nazareti? Wakudza kuhangamiza? Nakumanya u ani. Uwe u Mtakatifu wa Mulungu”. ²⁵ Jesu wamchemera ye pepo na achamba, “ Nyamala na wombole ndaniye”. ²⁶ Na roho mchafu wamugwaga tsi na achombola kwakwe na achirira kwa sauti ya dzulu. ²⁷ na atu osini aangalala, vivyo achuzana chila mumwenga, “Nituwani vino mafunzyo mapya genye mamulaka? Hata yunaamurisha pepo achafu na anamusikisa!” ²⁸ Na uvoro kumuhusu iye mara mwenga uchitsalarira chila vatu ndani ya mkoa wosi wa Galilaya. ²⁹ Na mara mwenga baada ya kombola nze ya Sinagogi, ainjira nyumbani mwa Simoni na Andrea achikala na Yakobo na Johana. ³⁰ Mtsedzawe Simoni wa Chiche were yu rere ni mkongo wa homa, na mara mwengo achimwambira Jesu uvoro uo. ³¹ Vivyo wakudza, achimugwira mukono, na achimuunula dzulu; homa ichimuukira, na achanza kuashuhulikira. ³² Dzulo riro vokala dzuwa rizama, amurehera osi ariokala akongo, na ariogolomokwa ni pepo. ³³ Mudzi wosi uchidza vamwenga nze ya muryango. ³⁴ Wa avoza anji ariokala akongo a makongo mbalimbali na komboza pepo anji, ela karuhusire pepo kunena kwa sababu amumanya. ³⁵ Walamuka chiramuko cha kurauka ta were kuchere dziza; wauka na achenda vatu va hacheye na achivoya kuko. ³⁶ Simon na osini ariokala vamwenga naye achimuyeya. ³⁷ Amupata na achimwamba, “Chila mumwenga yunakuyeya” ³⁸ Achiambira “Huanenzekana hende vatu vanjine nze ya midzi idziyohuzunguluka ili niweze kuhubiri kuko pye. Ndo sababu nakudza vava” ³⁹ Wakwenda achichira Galilaya yosi, achuhubiri kahi za masinagogi gao na kuchemera pepo. ⁴⁰ Mwenye ukoma mumwenga wakudza kwakwe. Were yunamuvoya, wapiga magoti na achimwambira, “Uchihenza, unaweza kunihenda nivole” ⁴¹ Jesu wamuonera mbazi achigolosa mukonowe na achimugusa, achimwamba, "Nahenza kala musafi". ⁴² Mara mmwenga mahana gachimombola na wehendwa kukala musafi. ⁴³ Jesu achimwonya muno na achimwambira aende mara mwenga, ⁴⁴ Wemwambira, “Hakikisha usimwambire mutu yoyosi, ela enda, ukadzionyese kwa kuhani, na ulavye sadaka kwa ajili ya utakaso ambao Musa walagiza, here ushuhuda kwao.” ⁴⁵ Ela wakwenda na kwanza kumwambira chila mumwenga na kutsalariza neno muno hata Jesu kawezere kaviri. Kwinjira mudzini kwa uhuru. Vivyo wakala vatu kanda na atu akudza kwake kula chila vatu.