¹ Jeso achi-ombola hekaluni na achienenda.Anafunzi a kwakwe achimutuwa na achimuonyesa mijengo ya hekalu . ² Ela achiajibu achi-amba.'' je kamugaona gano gosini? ujeri nina mwambira mwimwi,kakuna dziwe rindiro sala dzulu ya rinjine ambaro karinda-vomolwa.'' ³ Na arivhosagala kahiza murima wa mizeituni, Anafunzi a kwakwe achimutuwa chinjama na achi-mwamba, '' hambire mautu gano gandaomborera rini? ni chitu chani chindicho huonyesa kudza kwa kwako na mwisho wa uriwengu?'' ⁴ Jeso achi-ajibu na achiamba,'' dzimanyirireni asidze mutu akamwangamiza. ⁵ Kwa kukala anji andakudza kwa dzina rangu.anda-amba, ' mimi ndimi kristo,' na anda-angamiza anji. ⁶ mundasikira viha na habari za viha. Lolani musidze mukakala na wasi wasi, kwa kukala mautu gaga kagana budi kuomborera; ela 0 mwisho undakala kaudzangwe. ⁷ Kwa kukala tsi indaunuka dzulu ya tsi injine, na ufalume undaunuka dzulu ya ufalume munjine. kubdakala na nzala na kutetemeka kwa tsi vhatu kwa vhatu. ⁸ Ela mautu gaga gosini ndo mwanzo tu wa utsungu wa kudzifugula. ⁹ chisha andamulavya kwa ajili ya mateso na kumu-ulaga. Munda tsikirirwa ni mataifa gosini kwa ajili ya dzina rangu. ¹⁰ Ndivho anji andadzikwala,na kwenderana chinyume na anda tsikirirana enye kwa enye. ¹¹ manabii anji aulongo andaomborera na kuakenga anji. ¹² Kwa kukala ui undaonjezeka,uhenzo wa anji undavhunguka. ¹³ Ela andiye vumurira muhadi mwisho yundaokolwa. ¹⁴ injili ii ya ufalume indahubiriwa kahiza urimwengu wosini here ushuhuda kahiza mataifa gosini. ndivho urahu mwisho undivho timira. ¹⁵ ''kwa vivyo, mundivho-ona tsukizyo ra kubananga, ririro nenwa ni nabii, Danieli ridzi-ima vhatu vhatakatifu'' ( asomaye aelewe ina maana yani). ¹⁶ '' ndivho arahu ario yudea achimbirire mirimani. ¹⁷ Na yuyahu ariye dzulu ya muganganga wa nyumba asitserere tsi kuhala chitu chochosi kahiza iyo nyumba ya kwakwe, ¹⁸ na iye ariye mundani asiuye kuhala vazi ra kwakwe ¹⁹ Ela ni shoriyao ao ario ana tu'mbo na arahu ario ana-amwisa tsiku zizo! ²⁰ Voyana vya kukala kuchimbira kwenu kusikale ni wakati wa pyeho hebu tsiku ya sabato. ²¹ Kwa kukala kundakala na ta'bu, iriyokaidzangwe kukalavho kulahangu kuumbwa kwa urimwengu hata hikara,na wala kaindakalavho kahiri. ²² ichikala tsiku zizo kazinda hendwa fuhi kakuna andiye-okoka. Ela kwa sababu ya ario tsagulwa tsiku zizo zindahendwa fuhi. ²³ chisha ichikala Mutu yoyosi yunda-ambwa,' lola, Kristo yuvhavho ' hebu Kristo hiyuya kura musi- amini maneno gago. ²⁴ Kwa kukala Makrisito aulongo na manabii aulongo andakudza na kuonyesa ishara bomu na ma'ajabu,kwa kulongoza atu kui,ichiwezekana,hata arahu ario-tsagulwa. ²⁵ lolani, nidzimumanyisa chimbere kabila mautu gago kagadzagwe kuomborera ²⁶ Kwa vivyo, ichikala anda mwamba Krisito yu lwagwani; musienende kuko lwangwani.hebu, Lolani, yundani ya nyumba,'musi-amini maneno gago . ²⁷ ngadza here virahu chikwangwara chimwirikavyo kuomborera momborero wa dzuwa muhadi mutswerero wa dzuwa,ndivyo vindivyo kala kudza kwq mwana wa Adamu. ²⁸ vhovhosi vharivho na munyama adziye-fa( muzoga),ndivho makozi(tai)gakutanikavho. ²⁹ Ela tu baadaya tabu bomu ya tsiku zirahu dzuwa rindabumwa dziza, mwezi kaundomboza mwangazwe, nyenyezi zindagwa kula dzulu mulunguni,na nguvu za mulunguni zindatukusika. ³⁰ Ndivho vhavho ishara ya mwana wa Adamu indaonewa mainguni, na makabila gosini ga dunia gandaomboleza.andamona mwana wa Adamu yunadza kula mainguni kwa nguvu na utukufu mubomuj. ³¹ Yundsa- ahuma malaika akwakwe kwa sauti bomu ya tarumbeta, na ao andakusanya vhamwenga ario-tsagulwa kula pembe n'e za dunia, kula mwisho mumwenga wa mbingu muhadi munjine. ³² dzifunzeni somo kula kwa mtini. mara tu tahi ichikula na ichimera makodza munamanya vya kukala kazikazi rivhevhi. ³³ Kwa riro naro,mundivho-gaona mautu gago gosini munafaha kumanya vyakukala yufika vhevhi, na maryango. ³⁴ ninamwambira ujeri mwimwi,chivyazi chichi kachinda kaga tsupa muhadi mautu gaga gosini kanda kala gadzihendeka. ³⁵ Mbingu na t'si zindachira ela maneno ga kwangu kagandachira kamare. ³⁶ Ela kuhusu tsiku irahu na saa kakuna mutu amanyaye, hata malaika a mulunguni, hebu mwana,isivhokala Baba hacheye. ³⁷ Ngadza here virahu virivyo kala tsiku za Nuhu ndivyo vindivyokala kwa kudza kwa mwana wa Adamu . ³⁸ Kwa kukala kahiza tsiku zizo kabila ya mvhula ya garika atu were anarya na kunwa ,ana hala na kuhalwa muhadi tsiku irahu Nuhu arivhoinjira kahiza safina, ³⁹ na kamanyire chitu chochosi muhadi garika irivho kudza na kua-hohesha -ndivyo vindivyo kala kwa kudza kwa mwana wa Adamu. ⁴⁰ Ndivho Atu airi andaka amundani mumwenga yunda halwa na mumwenga yundarichwa nyuma. ⁴¹ Ana-ache airi andakala ana saga vhamwenga mumwenga yunda halwa na mumwenga yunda sala ⁴² Kwa vivyo kalani tayari, kwa kukala kamumanya ni tsiku yani andivhokudza Bwana wenu. ⁴³ Ela mumanye kukala,kala Bwana mwenye nyumba yunamanya saa ivhiyo mwivi yunda kudza, angaachesa na kangaricha nyumbaye kuvunzwa. ⁴⁴ kwa vivyo munahenzekana mudzi-ike tayari, kwa kukala mwana wa Adamu yundakudza kahiza saa musiyo itarajia. ⁴⁵ '' vikara ni yuvhiye ariye mwaminifu na muhumwa mwenye mitsunzu ariye bwana wa kwakwe yudzimuvha cheo dzulu ya ari-o kahiza nyumbaye ili a-avhe chakurya kahiza muda ufaao? ⁴⁶ baha muhumwa iye ariye bwana wa kwakwe yundakudza mutikiza yunahenda vivyo andivho kudza. ⁴⁷ Nina mwambira ujeri vya kukala Bwana yundamwika dzulu ya chila chitu chiricho chakwe. ⁴⁸ Ela ichikala muhumwa mui moyoni mwakwe, yunda-amba Bwana yudzitowa; ⁴⁹ na achi-anza kuapiga ahumwa akwakwe,na kurya na kureya vyakurevya, ⁵⁰ Bwana wa muhumwa iye yundakudza tsiku ariyo kaitarajia na saa ariyo kaimanya. ⁵¹ Bwana wa kwakwe yunda mutosa visiku-visiku na yundamwika kahiza nafasi mwenga karakara na anafiki,kuriko kuko kundakala na chiriro na kusaga meno.