¹ Jeso wanena nao kahiri kwa mifano,achiamba, ² ''ufalume wa Mulunguni udzihalana na Mufalume ariye mu-usira mwanawe nyambura ya harusi. ³ achia-ahuma ahenzi a kazi a kwakwe kua-akaribisha ario- kala adzialikwa kudza nyamburani, ela kavhana ariye kudza. ⁴ Mufalume achi-ahuma kahiri ahenzi a kazi akwakwe, achiamba, 'ka-ambireni osini ario alikwa, '' lolani, nidzi-andaa chakurya . nzao na ndama akwangu adzio nona adzitsinzwa, na mautu gosini gatayari. inzoni kahiza nyambura ya harusi.'' ⁵ Ela atu ao kaubumire maanani mwaliko wa kwakwe,achivhauka,anjine aa atu anjine auya mindani mwao, na anjine auya kahiza biashara za kwao. ⁶ anjine a-agalukira ahenzi a kazi a iye mufalume, achi-avhurya na achi aulaga. ⁷ Ela mufalume achitsikirwa,na achihuma jeshi ra kwakwe na richenda aulaga arahu aulagi a ahenzi a kazi a kwakwe na achiwocha uo mudzi wa kwao. ⁸ Chisha achiambira ahenzi a kazi akwakwe, nyambura ya harusi itayari, ela ario-alikwa were kafaa. ⁹ Kwa vivyo enendani kahiza matano ga njira bomu na aalikeni atu anji here iwezekanavyo adze kahiza nyambura ii ya harusi.' ¹⁰ Ahenzi a kazi a kwakwe achenenda kahiza njira bomu na kuakaribisha atu osini ario-aona , osini atu ai na adzo. kwa vivyo ro dhumba ra nyambura richiudzala ajeni. ¹¹ 11 Ela mufalume arivho ili a-alole ajeni, achimona mutu mumwenga ariye kakavala nguo ya harusi! ¹² Mfalume achi- muza, 'musenangu , udziwezadze kwinjira muno ndani bila nguo ya harusi?' ela mutu yuyu kalavire jibu rorosi. ¹³ ndivho Mufalume arivho-ambira ahenzi a kazi a kwakwe, ' mufungeni mikono na magulu mutu yuyu na mumutsuvhe konze dzizani,kuriko ambako kundakala na chiriro na kusaga,' ¹⁴ kwa kukala atu anji ana-ihiwa ela ario tsagulwa ni-atepe.'' ¹⁵ Ndivho mafarisayo achivhauka na achenda panga jinsi andivyo muhega Jeso kahiza maneno ga kwawe' ¹⁶ Ndivho arivho ahuma anafunzi a kwao na maherode. na achimwamba Jeso, '' mwalimu , huna manya vya kukala uwe umutu wa ujeri, na vyakukala unafundisha mahenzo ga mulungu kahiza ujeri. kujali maoni ga mutu munjine, na kuna upendeleo kwa atu. ¹⁷ Kwa vivyo huambire, unaza utuwani? Je karakara chisheriya kurivha kodi kwa Kaisari hebu sevyo? ¹⁸ Jeso wamanya ui wa kwao na achiamba, '' ni kwa utuwani munanijeza, mwino anafiki ? ¹⁹ Nionyesani pesa ihumikayo kurivhira kodi.' ndivho achimurehera dinari. ²⁰ Jeso achi-auza, sura na dzina nivya yuvhiye?'' ²¹ achimujibu ni vya kaisari. '' Ndivho Jeso achiamba ao, '' muvheni kaisari chiricho cha kwakwe na vya Mulungu muvheni Mulungu.'' ²² Arivho sikira vivyo achiangalala. Chisha achimuricha na achienenda. ²³ Tsiku iyo baadhi a Masadukayo, akudza kwa Jeso na ni arahu anenao vya kukala kakuna kufufulwa kwa ariofa, achi- muza , ²⁴ achimwamba, '' Mwalimu Musa wanena vyakukala ichikala mutu yudzefa,na kadzangwe kuvyala mwana, nduguye ni amuhale ufa iye mwanamuche na amuvyarire mwana nduguye.' ²⁵ Kwa kala na ndugu afungahe, wa kwanza achihala chisha achifa. bila kupata mwana, achimurichira nduguye muche. ²⁶ chisha nduguye wa vhiri vichihendeka ngadza vivyo, na nduguye pia ngadza vivyo, vichienderera vivyo muhadi ndugu osini afungahe. ²⁷ baada ya kuhendeka gaga gosini, yuyahu mwanamuche naye achifa. ²⁸ Hikara kahiza kufufulwa yuno mwanamuche yundakala mukaza ani kahiza ano ndugu afungahe? kwa kukala osini amuhala.'' ²⁹ Ela Jeso achiajibu achiamba ao, '' munakosera kwa kukala kamuga-manya maandiko hebu nguvu za Mulungu. ³⁰ kwa kukala kahiza kufufulwa Atu andakala kaha hebu kahalwa.badala ya kwakwe, atu andakala here malaika kuko mulunguni. ³¹ Ela kuhusu kufufulwa kwa ariofa, kamudzangwe kusoma chirahu chiricho nenwa kwenu ni Mulungu,achiamba, ³² Mimi ni Mulungu wa Iburahimu, Mulungu wa Isaka,na Mulungu wa Yakobo? Mulungu si Mulungu wa ariofa ela ni Mulungu wa ario moyo.'' ³³ vhavho lulo lukwili lurivho sikira riri, angalazwa ni mafundisho ga kwakwe. ³⁴ Ela mafarisayo arivho sikira vya kukala Jeso yudzia-anyamazisha masadukayo,adzidziutsanya enye kwa vhamwenga . ³⁵ mumwenga wao ariye ni mwana sheriya, wa-muuza swali kwa kumujeza- ³⁶ Mwalimu,ni amuri ivhiyo iriyo bomu kuriko zosini kahiza sheriya? ³⁷ Jeso achimujibu, ''ni lazima umuhenze Bwana kwa moyo wa kwako wosini, kwa roho ya kwako yosini,na kwa akili za kwako zosini.' ³⁸ ii ndiyo amuri iriyo bomu na ya kwanza. ³⁹ na yavhiri idziyo halana na iyo - lazima umuhenze jirani wa kwako ngadza here vivyo udzihenzavyo uwe mwenye.' ⁴⁰ sheriya zosini na za manabii,'' ⁴¹ Na mafarisayo arivhokala adzidzikusanya vhamwenga, Jeso wa-auza swali. ⁴² achi-amba, '' munaza utuwani dzulu ya krisito? Ni mwana wa ani?'' nao achimujibu, '' Ni mwana wa Daudi.'' ⁴³ Jeso achi-ajibu , '' ni kwa namna yani Daudi kahiza roho yuna mwiha Bwana, achi-amba, ⁴⁴ 'Bwana wamwambira Bwana wa kwangu , ''sagala kahiza mukono wa kwangu wa kulume, muhadi nindivho aika mahadui a kwako vhako nyayoni?'' ⁴⁵ ichikala Daudi yuna- mwiha Krisito 'Bwana,' yundakala Mwana wa Daudi chidzedzedze?'' ⁴⁶ Kakuna ariyeweza kumujibu neno,na kakuna ariye subutu kumu-uza maswali kahiri kulahangu tsiku iyo.