¹ kwa kukala ufalume wa Mulunguni udzihalana na mwenye munda, ariyelamuka chiramuko chiti ili kuandika ahenzi a kazi kahiza mundawe wakwakwe wa mizabibu. ² Baada ya kukubaliana na ao ahenzi a kazi dinari mwenga kwa tsiku, waahuma enende kahiza mundawe wa mizabibu. ³ . Achenenda kahiri baada ya masaa mahahu hivino na achi-aona ahenzi a kazi anjine achikala here adzima kana kazi adzidziimira vhavho lalo ra soko. ⁴ Achiamba,‘Mwimwi namwi , enendani kahiza munda wa mizabibu, na ninda muvha chochosi chiricho cha karakara. 'Hivyo achenenda kuhenda kazi. ⁵ Achenenda kahiri baada ya masaa mahandahu na chisha saa chenda achihenda vivyo hivyo ⁶ . Mara iyawe kahiri saa kumi na mwenge, wakwenenda na achiaona atu ayawe adzidziimira. Achi-amba, ‘Kwa utuani mudzima vhano bila kazi yoyosi tsitu nzima? ⁷ . Achimwambira kwa kukala kahuna mutu yoyosi adziye-huajiri. Achiamba, ‘Mwimwi namwi piya enendeni kahiza mundu wa mizabibi.’ ⁸ dziloni univhofika, mwenye munda wa mizabibu achimwambira mwimirizi wa kwakwe, ‘Aihe ao ahenzi akazi na uarivhe mishahara, kwanzira wa mwisho muhadi wa kwanza.’ ⁹ Arivhokudza arahu ariandikwa kazi saa kumi na mwenga, chila mumwenga wao wavhorera dinari. ¹⁰ . Ahenzi akazi a kwanza arivhokudza, aona vya kukala audavhokera chinji, ela avhokera nao chila mumwenga dinari mwenge chila mutu. ¹¹ arivho vhokera morivho ga kwao, amulalamikira mwenye munda ¹² Achimwamba, ‘Ahenzi akazi a mwisho adzihumira risaa ri mwenge tu kahiza kuhenda kazi, ela udziahalanisha na swiswi, swiswi hudzitsukula mzigo kwa tsiku nzima na kuzuruzwa ni dzoho! ¹³ . Ela mwenye munda achi-ajibu na kuamba kwa mumwenga wao, ‘Musenangu, sikahenda jambo rii. Je! Kahukakubaliana dinani mwega? ¹⁴ . Vokera chirahu chiricho ni hachi ya kwako na wenende. Ni raha ya kwangu kuapa aa ahenzi akazi adzio ajiriwa mwisho kara kara na mwimwi. ¹⁵ Je Si hachi kwangu kuhenda chirahu nichihenzacho na mali zangu? Au dzitsoro ni rii kwa kukala mimi ni mwema? ¹⁶ . Hivyo wa mwisho yaundakala wa kwanza na wa kwanza yudakala wa mwisho” ¹⁷ Jesu arivhokala yuna-ambuka kwenda Jeruslemu, wa-ahala anafunzie kumi na airi vhamwenga nao, na njirani achi-amba, ¹⁸ “lolani, huna-ambuka muhadi Jerusalemu, na mwana wa Adamu yanda laviwakwa kuhiza mikono ya abomu a makuhani na andishi. Andamuhukumu chifo. ¹⁹ . na andamulavya kwa atu a mataifa ili kumamvhurya, kumchapa na kumusulubisha ela kuhiza tsitu ya hahu yudafufuka.” ²⁰ . Kisha ameye ana a zebedeyo akudza kwa Jeso vhamwengu na anae. Wapiga mavindi mbereye na kumuvoya chitu kula kwakwe. ²¹ . Jeshu achimwamba, “Unahenzani?”Achimwamba, “Amuru vya kukala a Anangu airi mumwengu akale mkono wa kurya na mumwengu mukono wa kumotso kuhiza ufalume wa kwako.'' ²² Ela Jeso achi-ajibu na achi-amba, “Kumanya chirahu uchivoyacho. Je! undaweza kuchinererwa chikombe chiricho nindachinwerera?” achimwamba, “Hundaweza” ²³ . Achia-amba, “Chikombe changu jeri munda chinwerera. Ela kukala mukono wangu wa kurya na mukono wangu wa kumotso si jukumu rangu kuapa, ela ni kwa arahu ario adziandarirwa ni Baba.” ²⁴ Anafunzi anjine kumi(mrongo mumwenga) arivhosikira vivyo, achishononeshwa muno ni arahu ndugu airi. ²⁵ ela Jeso mwenye achi-aiha na achiambira, “munamanya vya kukula atawala a atu a mataifa adzi-azidi,na ao enye vyeo anaonyesha mamaluka ga kwao dzulu yao. ²⁶ . Ela kwenu visikale vivyo. Badala ya kwakwe, yoyosi ahenzae kukala mubomu kahiza mwimwi ni lazima akale mutumishi wenu, ²⁷ Na yoyosi ahenzaye kukula wa kwanza kahikahi yenu lazima akale mutumishi wenu. ²⁸ . Ngadza here virahu Mwana wa Adamu kadzire kuhumikirwa, ela kuhumika, na kumboza uzima wa kwakwe kukula ukombozi kwa anji.” ²⁹ arivho kala anaombola Jeriko, lukwili lwa atu luchimutua. ³⁰ Na achiona vipofu airi asegere kandakanda ya barabara. Arivhosikira kukala Jesu yunachira, apiga lonzo na achi-amba “Bwana, mwana wa Daudi honera mbazi.” ³¹ Ela lukwili lwa atu luchi-achemera na kuamba anyamale,ela apiga keke muno na achi-amba , “Bwana, mwana wa Daudi, honere mbazi.” ³² Chisha Jeso waima na achi-aiha na achiauza, “munahenza nimuhendere utu wani?” ³³ Achimwamba, “Bwana,huna henza kukala matso gehu gafungulwe.” ³⁴ vhavho Jeso achivuhiwa ni mbazi, achiagusa matso ga kwao, vhavho vhavho achipata nguvu ya kona na achimutuwa.