¹ Mafarisayo na Masadukayo amukudzira Jeso na achimujeza aonyeshe ishara yombolayo mainguni. ² Ela Jeso wa-ajibu na achiamba, '' ichikala ni dziloni muna-amba kukala hali ya hewa ni mbidzo, kwa kukala maingu ni matune; ³ Na chiramuko, muna-amba, hali ya hewa rero si mbidzo, kwa kukala mulunguni ni-kutune na maingu gadzitanda kosini. 'munamanya kumanyisa vindivyo kala dzulu za mulungu ela kamumanya kumanyisa ishara za nyakati. ⁴ chivyazi chii na chenye uzinzi china yeya ishara ela kakuna ishara yoyosi chindicho hewa isivho kala irahu ya Yona,'' chisha Jeso achiaricha na achenenda. ⁵ Anafunzi arivho mufikira nyambu ya vhiri,ela achikala kutsukula mikahe. ⁶ Jeso achi-amba, ''dzirindeni na tsatsu ya Mafarisayo na Masadukayo.'' ⁷ anafunzi achiuza-uzana achiamba, '' ni kwa kukala kahuka tsukula mikahe.'' ⁸ Jeso warimanya riro na achi- amba, ''mwino murio-na imani tite, kwa utuwani muna uzana-uzana vyakukala kamuka tsukula mikahe? ⁹ Vino kamwelewa? vino kamuikumbukira ira mikahe mitsano kwa atu elufu tsano na vikavhu vingavhi murivyo-vikusanya? ¹⁰ hebu mikahe mifungahe kwa elufu ne,na nivikavhu vingavhi murivyo-vihala? ¹¹ ni utu urio-dze hata kamwelewa kukala were sinena namwi kuhusu mikahe?Dzirindeni na mukale matso na tsatsu ya Mafarisayo na Masadukayo.'' ¹² chisha amanya vya-kukala were ka-ambira kuhusu mikahe ya tsatsu, isivho kala kudirinda na mafaundisho ga Mafarisayo na Masadukayo. ¹³ Jeso arivho fika kaisaria ya filipi, achi-auza anafunzi akwakwe, achi-amba, '' Atu anamba vyakukala Mwana wa Adamu ni-ani?'' ¹⁴ achi-amba, ''anjine anamba u Johana mubatizaji,ayawe,Eliya;na anjine, Yeremia,hebu mumwenga wavho kahiza manabii.'' ¹⁵ Achi-amba, ' mwino muna-niamba ni-ani?'' ¹⁶ Simoni petero achimujibu,achimwamba, '' uwe u Krisito,Mwana wa Mulungu ariye moyo.'' ¹⁷ Jeso achimujibu na achimwamba, '' uhaswe uwe Simoni Bari Yona, Kwa kukala mulatso na nyama kavika kufunurira riri,ela Baba isivho-kala ni Baba ariye Mulunguni. ¹⁸ Nami nina kwambira kukala uwe u Petero, na dzulu ya mwamba uu ninda rijenga kanisa rangu. Miryango ya kuzimu kaindarishinda. ¹⁹ Nindakuvha ufunguo za ufalume wa Mulunguni.chochosi undichochifunga duniani chindafungwa Mulunguni,na chochosi undichochifugula duniani chindafugulwa Mulunguni.'' ²⁰ Chisha Jeso achi-alagiza anafunzie asiambire mutu yoyosi vya kukala iye ni Kristo. ²¹ kwanzira muda uo Jeso achi-anza kua-ambira anafunzi a kwakwe vya kukala nilazima aenende Jerusalemu, ateswe kwa mautu manji kahiza mikono ya vilongozi na abomu a makuhani na andishi,aulagwe,na afufuke tsiku ya hahu. ²² Chisha Petero achimwiha kanda achi-amba, '' utu uu-ukale kure na-uwe, na riri risihendeke kwako,Bwana! '' ²³ Ela Jeso achimugalukira na achimwamba Petero, ''uya nyuma yangu, shetani! uwe uchikwazo kwangu, kwa kukala kugajali mautu ga Mulungu isivho kala mautu ga anadamu.'' ²⁴ chisha Jeso achiambira anafunzie, '' ichikala mutu yoyosi yundahenza kunituwa mimi, ni lazima adzikahale iye mwenye,auhale musalabawe , na anituwe. ²⁵ kwakukala ahenzaye kugativya maisha ga kwakwe yunda ga-angamiza,na yoyosi aga-angamizaye maisha ga kwakwe kwa ajili ya kwangu yundagativya. ²⁶ vino ni faida yani andiyo ipata mutu achi-ipata dunia yosini ela a-angamize maisha ga kwakwe? Ni chitu chani mutu andicho omboza ili agaluze na maisha ga kwakwe? ²⁷ Kwa kukala Mwana wa Adamu yunda-kudza kahiza utukufu wa Abaye na malaika a kwakwe. Na iye yunda- murivha chila mutu karakara na na mahendo ga kwakwe. ²⁸ Nina mwambira ujeri mwimwi, anjine enu mudzio ima vhavha kamundafa muhadi mundivho mona mwana wa adamu achidza kahiza ufalume wa kwakwe.''