¹ kahiza tsiku iyo Jeso wauka nyumbani na achisagala kanda kanda ya bahari. ² lukwili luboma lwa atu luchimuzunguluka,iye achiinjira dauni achisagala mumo lo lukwili losini luchima ko kanda kanda ya bahari. ³ kisha Jeso achinena mambo manji kwa kuhumira mafumbo. achiamba,'' lolani, mukurima wakwenda nyala mbeyu. ⁴ arivho kala yuna nyala, mbeyu zinjinezagwa kandakanda ya njira, na tsongo akudza zichota. ⁵ mbeyu zinjine zichigwa dzulu ya mbarara ya iwe,vhvho kazipatire mutsanga wa kutosha.zirivho loha tu kwa kukala mutsanga were ni muchache. ⁶ dzuwa ririvho ala ,za nyuluka kwa kukala were kazina mizi ya ndani, zichinyong'onyera zichiumalala. ⁷ mbeyu zinjine zichigwa kahiza mihi yenye miya.mihi ya miya ichikula ichiziziza. ⁸ mbeyu zinjine zichigwa kahiza mutsanga mudzo na zichivyala mbeyu zinjine mara gana mwenga zaidi,zimjine mara mirongo mihandahu,na zinjine mirongo mihahu. ⁹ ariye na masikiro,na asikire.'' ¹⁰ anafunzi akudza na achimwamba Jeso, '' kwa utuwani unanena na lukwili kuchirira mafumbo?'' ¹¹ Jeso achiajibu achiamba mwimwi mudziajaliwa ni kumanya siri za ufalume wa mulunguni,ela ao ka-ao ajaliwirwe. ¹² ela yoyosi ariye nacho iye yundaonjezerwa zaidi, na yundapata kwa unji.ela asiye kala nacho, hata chirahu arichonacho yundavhokwa. ¹³ kwa vivyo nina nena nao kwa mafumbo; kwa kukala ingawaje anaona, esione ujeri;ingawaje ana sikira,asisikire wala kumanya. ¹⁴ unabii wa Isaya udzitimira kwao,urahu unenao, 'musikiravho, mundasikira,ela kwa vyovyosi kamunda elewa; mundivho lola,mundaona,ela kwa vyovyosi kamunda manya. ¹⁵ mioyo ya atu aa idzikala dziza, ni vifu kusikira na matso gao akafimba ili asiweze koona kwa matso ga kwao hebu kusikira kwa masikiro ga kwao hebu kuelewa kwa mioyo yao,anganigalukira kavhiri na nika avhoza.'' ¹⁶ ela matso ga kwenu gadzibarikiwa kwa kukala ganaona na masikiro ga kwenu ganasikira. ¹⁷ kwa ujeri manabii anji na enye hachi were anahamu ya kugaona garahu mugaonago na kagaonere.were anahamu ya kusikira mautu garahu mugasikirago ela kagasikirire. ¹⁸ hikara sikizani mufano wa munyali. ¹⁹ wakati wowosi asikiravho neno ufalume na asirielewe ndivho mui nikudza na kuchihala chidzichoikwa moyoni mwakwe.ii nimbeyu iriyo nyalwa kandakanda ya njira ²⁰ iye ariye nyalwa kahiza mawe ni yuyahu asikiraye neno na kurivhokera upesi na nyemi, ²¹ ela kadzangwe kuhenda mizi ndani kwakwe ela ni kuvumurira kwa chiseho chifuhi.wakati matatizo au mateso gaomboreravho kwa sababu ya ro neno, yunadzikwala gafula. ²² ariye nyalwa kahiza mihi ya miya, ni yuyahu arisikiraye neno, ela mahangaiko ga urimwenguna ulongo wa utajiri ni kurihala rirahu neno, risidze rikavyala matunda. ²³ ariye nyalwa kahiza mutsanga mudzo ni yuyahu asikiraye neno na kurielewa.yuyu ni yuyahu avyalaye matunda na kwenderera kuvyala,mwenga zaidi ya mara gana mwenga, na mara mirongo mihandahu na injine mirongo mihahu.'' ²⁴ Jeso wa avha mufano munjine . achiamba, '' ufalume wa mulunguni udzihalanishwa na mutu ariye nyala mbeyu mbidzo mundani mwakwe. ²⁵ ela atu arivho lala, hadui wa kwakwe achidzanyala musunye wa ngano kahiza ngano kisha achienenda. ²⁶ badaye ngano irivho mera na kuvyala ndivho musunye wa ngano urivhoombola nao. ²⁷ Ahenzi a kazi a mwenye munda akudza na achimwamba, 'bwana, kunyarire mbeyu mbidzo mundani mwako? vikaladze vino muna musunye wa ngano? ²⁸ ''achiambira,' hadui ndiye adziye henda riri.' ''ahenzi a kazi achimwambira,vikara vino unahenza hukaung'ole ? ²⁹ mwenye munda achiambira, 'musihende vivyo. kwa kukala mundivho kala muna ng'ola musunye wa ngano mundang'ola vhamwenga na ngano yenye. ³⁰ viricheni vimere vhamwenga muhadi vindivho vunwa.vhavho vhondokala ina vunwa ninda ambira ao avunao,ng'olani o musunye kwanza na muufunge mahiha mahiha na mugaoche, muchimarigiza muhale yo ngano yenye muyike lutsagani mwangu.'''''' ³¹ chisha Jeso achiaombozera mufano munjine.achiamba, '' ufalume mulunguni udzihalana na mbeyu ya haradali iriyo mutu waihala na achiinyala mundani mwakwe. ³² kwa ujeri mbeyu ii ni tite kuriko mbeyu zinjine zosini.ela indivho mera nikukala bomu kuriko mihi yosini ya mundani.unakala muhi mubomu, chasi cha kukala tsongo a angani nikudza akajenga nyumba za kwao kwenye tahize.'' ³³ achiambira mufano munjine kahiri. ''ufalume wa mulunguni ungadza here ni tsatsu iriyo halwa ni mwanamuche na achi itsanganya na vipimo vipimo vya unga ili uhuhumuke.'' ³⁴ Jeso waganena gago gosini kahiza lukwili kwa mifano; na vhasivho mifano kanenere chochosi kwa ao. ³⁵ vya kala vivi ili chirahu chiricho nenwa ni nabii chitimire,arivho nena,'' nindafugula kanwa rangu kwa mifano. ninda nena mautu garahu garigo fitsika kulahangu kuikwa kwa musinzi wa urimwengu.'' ³⁶ chisha Jeso achiluricha lukwili lwa atu na achienenda nyumbani. anafunzie achimudzira na achimwamba, '' hambire mufano wa musunye wa mundani.'' ³⁷ Jeso achia jibu na achi amba, '' anyalaye mbeyu mbidzo ni mwana wa Adamu. ³⁸ munda ni urimwengu; na mbeyu mbidzo , aa ni ana a ufalume. misunye ni ana a yuyahu mui, ³⁹ na hadui ariye zinyala ni ibilisi. mavuno ni mwisho waq urimwengu na avunao ni malaika ⁴⁰ ngadza here virahu musunye ukusanywavyo na kuochwa mohoni,ndivyo vindivyo kala mwisho wa urimwengu. ⁴¹ Mwana wa Adamu a kwakwe, na kukusanya kula kahiza ufalume wa kwakwe mautu gosini garogo sababishwa ni dambi na arahu ahendao mai. ⁴² anda atsupha osini kahiza kome ra moho,kuko kundakala na chiriro na kusaga meno. ⁴³ ndivho atu enye hachi andivyo nga'la ngadza here dzuwa kahiza ufalume wa Beyao.iye ariye masikiro, na asikire. ⁴⁴ Ufalume wa mulunguni ningadza here hasiza iriyofitswa mundani.mutu wayona na achiifitsa.kahiza furaha ya kwakwe wakwenda,achiviguza vitu vyosini arivyokala yunavyo,na achiugula urahu munda. ⁴⁵ kisha kahiri, ufalume wa mulunguni ningadza here mutu ahendaye biashara ayeyaye lulu iriyo na thamani. ⁴⁶ vhavho arivhoyona irahu ya thamani,wakwenda guza chila chitu aricho kala nacho na achiigula. ⁴⁷ ufalume mulunguni ningadza here chinia chiricho tsuphiwa baharini, na chinakusanya chila aina ya samaki. ⁴⁸ chinia chirivho udzala,muvuvi achichiomboza kandakanda ya bahari.chisha achisagala na achikusanya adzo kahiza viya,ela o ai achiatsuvha kure ⁴⁹ ndivyo vindivyo kala kahiza mwisho wa dunia. malaika andakudza na kuatenga atu ai kahiza enye hachi. ⁵⁰ na anada atsuvha kahiza kome ra moho,kundiko kala na chiriro na kusaga meno. ^{53 51} '' mudzigaelewa mautu gosini gano ?'' anafunzi a kwakwe achimujibu , ''Ndiyo.'' ⁵² chisha Jeso achiambira,'' chila mwandishi adziye kala mwanafunzi wa ufalume mulunguni yudzihalana na mwenye nyumba , aombozaye kahiza hazina ya kwakwe vitu vivhya na vyakapindi.'' 53 Jeso arivhokala yudzimarigiza mifano yosini, wavhauka vhavho vhatu. ⁵⁴ chisha Jeso arivhoinjira kahiza lalo ra kwakwe na achiafundisha atu kahiza sinagogi.chiricho-omborera atu aangalala na kwamba, '' mutu yuno waupatavhi ulachu uno na miujiza ino ? ⁵⁵ Mutu yuno si mwana wa seremala? Ameye si Mariamu? na nduguze si Yakobo, Yusufu, Simoni na Yuda? ⁵⁶ Na ndiguze a chiche si hunao vhavha vhehu? Be- mutu yuno wagapatavhi gano gosini?'' ⁵⁷ Waatsukizya.Ela Jeso achiamba,'' nabii kakosa kukala na heshima isivhokala kwao nakahiza itsi ya kwao. ⁵⁸ Na kawezere kuhenda miujiza minji kwa kukala kamwaminire.Mwana wa Adamu yunadaahuma malaika a kwakwe, na kukusanya kula kahiza ufalume wa kwakwe mautu gosini garigo sababisha na arahu agahendao