¹ Jeso achiaiha anafunzi a kwakwe kumi na airi vhamwenga na achiapa mamulakadzulu ya pepo achafu,aachemere na kuaomboza,na kuvhoza chila aina ya manyonge na chila aina ya makongo. ² Madzina ga mitume kumi na mairi ni higano.ra kwanza Simoni(ariye pia yunaihiwa Petero).na Andrea nduguye,Jakobo mwana wa Zebedayo na Johana nduguye; ³ Filipo ,na Batelemayo,Tomaso,na Matayo mutoza kodi,Jacobo mwana Alfayo na Tadeus; ⁴ Simoni Mkananayo,Juda Isikarioti,ariye wamusaliti. ⁵ Aa kumi na airi Jeso waahuma.Naye achiaerekeza achiamba, ''musienende sehemu zirizo zinaishi amataifa na musiinjire kahiza midzi yoyosi ya Asamariya. ⁶ badalaye, enendani kwa ng'onzi arioangamikaa nyumba ya Izraeli; ⁷ na mwenendavho,hubirini na muchiamba , ufalume wa Mulungu udzifika.' ⁸ vhozani akongo,fufulani atu ,takasani enye mahama,na chemerani pepo. mudzivhokera bule, lavyani bule. ⁹ musitsukule dahabu,alimasi hebu shaba kwenye mikuchu yenu. ¹⁰ usihale mukoba kahiza charo cha kwenu,au nguo mbahe,au virahu au ndata,kwa kukala muhendi wa yunastahili chakuryache. ¹¹ mudzi hebu chidzidzi mundichoinjira,muyeyeni afaaye na mukale vhavho muhadi mundivhouka. ¹² mundivho injira kahiza nyumba, lamusani. ¹³ ichikala iyo nyumba inafaha, reri ya kwenu ikale dzulu ya kwao.ela ichikala nyumba kaifaha ,reri ya kwenu imuuyire enye. ¹⁴ na kwa arahu asiomu vhokera mwimwi hebu kumusikiza maneno ga kwenu,vhavho mundivho ombola kulahiza iyo nyumba hebu mudzi,kutanikutani vumbi ririro kahiza nyayo zenu. ¹⁵ ujeri nina mwambira mwimwi,vyakukala vinda kala vya baha muno kwa midzi ya sodoma na gomora kahiza tsiku ya hukumu kuriko mudzi uo. ¹⁶ Lolani,nina muhuma mwimwi ngadza here ng'onzi kahi kahi ya kuro mbewa, kwa vivyo kalani alachu ngadza here nyoka na mukale apore ngadza here ngia manga. ¹⁷ dzimanyirireni, kwa kukala Atu andamugwira amuvhirike manenoni,andamupiga masinagogini mwao. ¹⁸ na mundarehewa mbere za abomu za afalume kwa ajili yangu,ngadza here ushuhuda kwa Ao na kwa Amataifa. ¹⁹ hikara andivho mushutashuta, musikale na wasiwasi vya kukala mundanenani, kwa kukala gago gaku nena munda gahewa kwa wakati uo. ²⁰ kwa kukala si mwimwi mundio ganena ,ela Roho wa beyenu ndiye andiye ganena ndani yenu. ²¹ ndugu yundamuunukira nduguye amulage,na baba kwa mwanawe. Ahoho andala chinyume cha avyazi na kuahendya aulagwe. ²² na mwimwi munda menwa ni chila mutu kwa sababu ya Dzina rangu.ela yoyosi andiye vumurira muhadi mwisho, Mtu iye yundaokolwa. ²³ vhavho andivho mutesa kahiza mudzi uu,chimbirirani mudzi utuwirao,ujeri nina mwambira, kamunda imala midzi yosini ya Israeli kabila mwana wa Adamu kadzangwe kuuya. ²⁴ ''mwanafunzi kaweza kukala mubomu kuriko mwalimu wa kwakwe wala muhumwa ariye yu dzulu ya Bwana wa kwakwe. ²⁵ vinatosha kwa mwanafunzi kukala akale ngadza here mwalimu wa kwakwe.ichikala adzimwihai iye bwana wa nyumba Belizebuli,ni kwa chasi chani muno andivyo muvhurya mudamu wa nyumba ya kwakwe? ²⁶ kwa vivyo be musiaogovhe Ao, kwa kukala kakuna jambo ambaro karinda funulwa, na kakuna ridziro fitsika ambaro karfinda manyikana. ²⁷ chiricho nina mwambira dzizani,muchinene lwazulwalu mwangazani, na chirahu udzicho chisikira kwa sauti tite sikironi mwako,chitangaze dzulu ya nyumba. ²⁸ musiaogovhe arahu ario anaulaga mwiri ela kana uwezo wa kuyulaga roho.badalaye,mogovheni yuyahu ariye yunaweza kubananga roho na mwiri kuko kuzimu. ²⁹ Je vitsongo viri kavinguzwa pesa tepe? hata vivyo kakuna awezaye kugwa tsi vhasivho Abeyenu kumanya. ³⁰ ela hata chasi nyere za kwenu wazitala. ³¹ musiogovhe. kwa kukala munathamani bomu kuriko dulu ra tsongo. ³² kwa vivyo yoyosi andiye nikubali mbere za Atu,mimi nami ninda mukubali mbere za baba ariye Mulunguni. ³³ ela iye andiye mimi mbere za Atu, mimi nami nindamukahala mbere za Baba ariye Mulunguni. ³⁴ musi oneni kukala nakudza kureha reri vhavha duniani. sirehere reri,ela upanga. ³⁵ kwa kukala nakudza kumuhenda mwana wa chilume apingane na Abaye,na mwana wa chiche apingane na Ameye,na mkaza mwana apingane na mevyalaye. ³⁶ mahadui a mutu andakala ni arahu ario a nyumbani mwakwe. ³⁷ iye ariye yuna muhenza Abaye hebu Ameye muno kuriko mimi iye kanifaa mimi; yoyosi amuhenzaye mwanawe wa chilume hebu mwanawe wa chiche kuriko mimi iye kanifaa. ³⁸ iye asiye utsukula musalaba na kunituwa mimi kanifaa. ³⁹ iye andiye yeya maisha ga kwakwe yunda gaangamiza.ela iye andiye gaangamiza maisha kwa ajili ya kwangu yundagapata. ⁴⁰ ''Iye andiye mukaribisha mwimwi yudzinikaribisha mimi, na iye andiye nikaribisha mimi yudzi mukaribisha yudzimukaribisha Iye ariye nihuma. ⁴¹ Na Iye andiye mukaribisha nabii kwa kukala ni nabii yundavhokera zawadi ya nabii,na andiye mukaribisha mutu mwenye haki kwa kukala ni mutu wa haki yunda vhokera zawadi ya mtu wa haki. ⁴² yoyosi andiye muvha mumwenga wa atite aa, gaa chikombe cha madzi ga kunwa ga pyeho kwa kukala iye ni mwanafunzi, ujeri nina mwamwabira , iye chivyovyosi kaweza kukosa zawadi.''