¹ Vikara uhenzo wa ndugu na wenderere. ² Musisahahu kuakaribisha ajeni, kwa kukala kwa kuhenda vivi, anjene enu akaribisha malaika bila kumanya. ³ Kumbukira osini ario a-jela,ngadza here mwakala kuko vhamwenga na ao, na ngadza here miri yenu yahenderwa ngadza vivyo ao. ⁴ Vikara nyumba ya atu adzohaana(ndowa)na ihishimiwe ni atu osi, na chitanda cha atu adziohalana chihendwe chi safi, Kwa kukala Mulungu yunda-ahukumu asharati na azinzi. ⁵ Vikara njira za kwenu za chimaisha zikale huru kahiza uhezo wa pesa. Mutosheke na vitu murivyo navyo, Kwa kukala Muliungu mwenye wa nena achi-amba '' sindamuricha kamare mwimwi, hebu kumvungukira mwimwi.'' ⁶ Ili henene kwa ungumbao kukala Bwana ni mwavizi wangu;sindaogovha.Mwanadamu yundanihendadze?'' ⁷ Akumbukireni arahu ario-mulongoza, arahu ario-rinena neno ra Mulungu kwenu, na kumbukirani garigo omborera ga mienendo ya kwao, igani kulukirorao. ⁸ Jeso Krisito ni Iye dzana,rero na kare na kare. ⁹ usidze ukalongozwa ni mafundisho mbalimbali ga chijeni kwa kukala ni vidzo moyo ujengwe kahiza neema, na si kwa sheriya kuhusu chakurya gago gaganda afala arahu aishio kwa gago. ¹⁰ Hunago madabahu ambago arahu ahumikao ndani ya hekalu kana hachi ya kurya. ¹¹ Kwa kukala mulatso wa anyama, urio-ombozwa sadaka kwa ajili ya dambi, yarehewa ndani ya sehemu takatifu ni chilongozi wa dini mubomu, ela miri yao yaochwa nze ya kambi. ¹² Kwa vivyo Jeso naye wasirima nze ya ryango ra mudzi, ili kuchirira mulatso wa kwakwe Atu a Mulungu atakaswe. ¹³ Na kwa riro hinde henendeni kwakwe nze ya kambi,huchitsukula aibu za kwakwe. ¹⁴ kwa kukala kahuna makalo ga kutowa kahiza mudzi uu.badala ya kwakwe na huu-uyeye mudzi urahu udzao. ¹⁵ kuchirira Dzina ra Jeso hunafaha chila mara kudziomboza sadaka ya kumutukuza Mulungu,kumulika kwamba tunda ra milomo yehu iriungame dzina ra kwakwe. ¹⁶ Na usisahahu kuhenda madzo na kuavizana mwimwi kwa mwimwi,kwa kukala Mulungu yunafairwa muno ni sadaka ngadza iyo. ¹⁷ Ogokani na kudzitsereza kwa vilongozi enu, kwa kukala anaenderera kumurinda kwa ajili ya nafsi za kwenu ngadza here arahu andio lavya hisabu. Ogorani ili vyakukala vilongozi enu amutunze kwa furaha wala sikwa shonono , irio kaindamwaviza. ¹⁸ Huvoyereni, kwa huna manya vyakukala huna dhamira mbidzo,hunapola kuishi maisha ga hishima kahiza mautu gosini. ¹⁹ na mosini nina mubuma moyo muno muhende vivi,ili vyakukala niweze kuya kwenu vivi hikara. ²⁰ Hikara Mulungu wa reri, ariyemureha kahiri kahiza ario-fa murisa mubomu wa ng'onzi, Bwana wehu Jeso, kwa mulatso wa lagano ra kare na kare. ²¹ Yundamupatira uwezo wa chila chitu chidzo kuhenda mahendo ga kwakwe,achihenda kazi mbidzo ndani yenu ya kumufaha vhakwe matsoni, kuchirira Jeso Krisito, kwakwe kukale utukufu kare na kare. Amina. ²² Vikara nina mubuma moyo, enehu, muchitsukurirana na neno ra kubuma moyo ambaro kwa ufuhi narandika kwenu. ²³ Manya kukala ndugu yehu Timoteo yudzirichirwa huru,ariye vhamwenga naye nindaona ichikala nindakudza vivi vikara. ²⁴ Nilamusira vilongozi akwako osini na aumini osini. arahu aombolao Italia anakulamusa. ²⁵ Na neema ikale namwi mosini.