^{3 1} kwa kukala nahenza nimung'aze mwimwi jinsi nidzivyo kala na tabu nyinji dzulu yenu, mwimwi murio Laodikia,na kwa osini ambao kadzaniona uso wangu kahiza mwiri. ² nahenda kazi ili myoyo yao ifarijiwe kwa kurehewa vamwenga kahiza henzo na utajiri wosi wa uhakika kamili wa kwelewa na ufahamu wa siri za Mulungu ,iriyo ni,Krisisto. kahiza iye hazina zosi za hekima na ufahamu zafitswa. ⁴ nagomba vivi ili yeyosi asimukenge na maneno na maneno ga ushawishi. ⁵ hatakala kahuvamwenga kahiza mwiri,kisha nivamwenga namwi kahiza roho.nina raha sana nichiona utu uzo wa chimipangilio na mukotse wa imani yenu kahiza Krisito ⁶ dzamurivyo muvokera Krisito Jeso Bwana wehu,enendani kahiza iye. ⁷ mukale na mizi ndaniye ,mujengwe kahiza iye ,muimarishwe kaiza imani dza atu muriofungwa kahiza chifungo cha shukurani nyinji. ⁸ lolani ili kusikale na mutu yoyosi asiakenge kwa elimu na maneno na mavuvu na ukengi kulengana na mavokero ga anadamu, na kanuni za chiubinadamu na garigo siga Krisisto. ⁹ kwa kukala kahiza iye ukamilifu wosi wa Mulungu unaishi kahiza mwiriwe . ¹⁰ namwimwi mukamilika kahiza iye na iye ndiye chitswa wa chila mutawala na mamulaka. ¹¹ kahiza iye pia mwa bumwa lwembeni kwa tohara isiyo hendwa ni mwanadamu kahiza mwiri na nyama .,ela ni kahiza tohara ya Krisito. ¹² mwazikwa vamwenga naye kahiza ubatizo,na kahiza iye mwafufulwa kahiza imani na nguvu za Mulungu,ariye mufufula kula kwa ariofa. ¹³ murivokala mwafa kahiza makosa genu na kutsabumwa lwembeni kwa miri yenu,iye wamuhenda mukale moyo vamwenga na iye na kuhusamehe makosa gehu gosini. ¹⁴ wafuta kumbukumbu za madeni garigo andikwa ,na taratibu zirizo kala chinyume naswi.wausa gosi na kugongomerwa musalabani. ¹⁵ waziusa silaha za atawala na enye mamulakana na waika lwazu na kugafunga na kukala sherehe ya ushindi kwa njira ya musalaba. ¹⁶ kwa vivyo, mutu yoyosi asimuhukumu mwimwi kahiza kurya au kunwa ,sherehe za kulumba mwezi,au tsiku za sabato. ¹⁷ vivi ni vivurivuri vya mautu gadzago ,ela chiini ni Krisito. ¹⁸ mutu yeyosi ahenzaye kunyenyekea na kuabudu malaika ahukumu nze ya kutuzwa kwenu.mutu here iye ni kuinjira kahiza mautu arigo gaona na kushawishiwa na mawazoge ga chimwiri. ¹⁹ iyeiye kagwiririra chitswani .nikula chitswani mpaka mwiri wosi kuchirira vilungovye na misoza ye ni kulunganywa vamwenga,na kukula na kuko kukula kuna laviwa ni Mulungu. ²⁰ ichikala mwafa vamwenga na Krisito kwa tabia za dunia, kwadzee munaishi dzahere munaitabukira dunia; ²¹ musigwire,wala musitate,wala kugusa? ²² Gaga gosini mwaamriwa kwa ajili ya ubananzi [uharibifu]udzao namahumizi karakara na malagizo ga anadamu. ²³ sheria zizi zina hekima ya dini zirizo tengenezwa kwa ubinafsi na unyeyekevu na mateso ga mwiri.ela kazina thamani dhidi ya tamaa za mwiri.