¹ Nihehavho kwa lugha za anadamu na za malaika, ela! Kala sina uhenzo, nidzikala shaba irirayo au upatu uvumao. ² kisha nidzivokala nina karama ya unabii na ufahamu wa ujeri uriofitswa na maarifa, na kwamba ninayo Imani ya kutsamisha mirima, ela! Ichikala sina uhenzo mimi si chitu. ³ Kisha nichomboza mali zangu zosi kuarisa masikini, kisha nichiomomboza mwiri wangu uochwe moho, ela! Kala sina uhenzo, kainifaidi chitu. ⁴ Uhenzo unavumirira na unafadhili. Uhendzo kaudzilika kudzivuna kauna chiburi au jeuri. ⁵ Kauyeya mautuge, kaona utsungu haraka, wala kautala mai. ⁶ Kaufurahia nyemi udhalimu. Badalaye, una nyemikahiza jeri. ⁷ Uhendzo unavummirira mautu gosi, unaamini mautu gosi una ujasiri kahiza mautu gosi, na unastamili mautu gosi. ⁸ Uhendzo, kausira, Ichikala kuna unabii wosi undachira, ichikala kuna lugha, zindasira. Ichikala kuna maarifa, gandachira. ⁹ Kwa kukala hunamanya kwa sehemu na hunahenda unabii kwa sehemu. ¹⁰ Ela! Idzavo irahu iriyo kamili, irahu isiyo kamili indachira. ¹¹ Nirivokala muhoho, nagomba here muhoho, naza here muhoho, naamua here muhoho. Nirivokala mutu muzima, nagaika kanda nami mautu ga chihoho. ¹² Kwa kukala hikara hunaona here kahiza chilolo, here sura dzizani, ela muda urahu hundaona uso kwa uso. Hikara ninamanya kwa sehemu, ela! muda urahu nindamanya sana here na mimi nimanyikanavyo sana. ¹³ Ela! hikara mautu gaga mahahu ganadumu, Imani, kuluvhiro ridzaro, na uhendzo. Ela! Ririro bomu Zaidi ya gaga ni uhendzo.