¹ Nahenza mwimwi mumanye enehu a chilumo na achiche (kaka na dada) vya kukala bezehu akala tsini ya iinguna osi achirira kahiza bahari. ² Osi abatizwa akale a musa ndani ya iingu na ndani ya bahari. ³ na osi aarya chakurya chichochicho cha roho. ⁴ Osi anwa chinwadzi chichochicho cha roho. Maana aanwa kahiza mwamba wa roho urioatua, na mwamba uo wakala ni Kristo. ⁵ Ela! Mulungu kapendezerwe muno ni anji ao, na nyufu zao zatandazwa jangwani. ⁶ Kwa vivyo mautu gaga gosi gakala mifano kwehu, ili siswi husikale atu a kutamani mai here arivyohenda. ⁷ Musikale abudu vingongo, here anji ao, ariokala. Ii ni here irivyoandikwa, atu asagala tsi achirya na kunwa, na aima kuvina kwa tamaa za mapenzi. ⁸ Husihende usherati here anji ao arivyohenda. Achifa tsiku mwenga atu mirongomiri na tahu elifu kwa kukala iyo. ⁹ Wala husimjeze kristo here anji ao arivyohenda na achibanangwa kuchirira nyoka. ¹⁰ Na pye msinungunike, here anji ao arivyonung’unika na kubanagwa ni malaika wachifo. ¹¹ Basi mautu gago gahendeka here mifano kwehu. Gachaandikwa ili gahuonye siswi huriofikirwa ni mwisho wa kare ¹² Kwa vivyo chila adzonaye yudziima akale na kudulama asidze akagwa ¹³ Kakuna jezo ririro apata mwimwi risiro kawaida ya anadamu. Ela Mulungu ni mwaminifu. Kandamuricha mujezwe kuchira uwezo wenu. Vamwenga na jezo riro yandamuvha muriyango wa kuomborera, ili muweze kustahimili. ¹⁴ Kwa vivyo, ahenzwi angu, ichimbireni ibada ya vinyago. ¹⁵ Naheha namwi here atu enye akili, ili muamue dzulu ya nirigombaro. ¹⁶ Chikombe cha Baraka huhasacho si ushirika wa mulatso wa Kristo? Mukahe urahu huumwegao, si ushirika wa mwiri wa kristo? ¹⁷ Kwa kukala mkahe ni mumwenga, siswi hurio anji hu mwiri mumwenga. Siswi osi hunavokera mkahe mumwenga kwa vhamwenga. ¹⁸ Aloleni atu a Israeli. Je! arahu osi aryao dhabihu si ashirika kahiza ndala. ¹⁹ Naamba, nituwani be?vya kukala sanamu ni chitu? Au vya kukala chakurya chirichoombozwa sadaka kwa vinyago ni chitu? ²⁰ Ela! Nanena dzulu ya vitu virahu avyombozavyo sadaka atu asio na dini a mataifa, vya kukala anaomboza vitu vivi kwa mapepo na si kwa Mulungu. Nami tsenzi mwimwi mshirikiane na mapepo. ²¹ Kamuweza kanwerera chikombe cha Bwana na chikombe cha mapepo. Kamuweza kukala na ushirika kahiza meza ya Bwana na kahiza meza ya mapepo. ²² Au hundamubuma Bwana wivu? Huna mukotse zaidiye? ²³ Vitu vyosi ni halali, ela si vyosi vifaavyo. Vitu vyosi ni halali, ela! Si vyosi viajengavyo atu. ²⁴ Kakuna hata mumwenga angayegaya madzo ga tu. Badalaye madzo ga muyawe. ²⁵ Mnaweza kurya chila chitu chiguzwacho sokoni bila kuuzauza kwa ajili ya dhamiri. ²⁶ Kwa kukala dunia ni mali ya Bwana, na vyosi viidzaza vyo. ²⁷ Na mtu asiyeamini achimwalika kurya, na mnahenza kwenda iryani chochosi amuvacho vasivo kuuza maswali ga dhamiri. ²⁸ Ela! Mutu achimwambira, chakurya chichi chidziombozerwa na sadaka ya asio na dini msirye. Ii ni kwa ajiliye adziemwambira, na kwa ajili ya dhamiri. ²⁹ Nami simaanisha dhamiri zenu, bali ya yuyahu munjine. Maana kwatuwani uhuru wangu uhukumiwe na dhaimiri ya mutu munjine? ³⁰ ichikala mimi nahumira chakurya kwa shukrani, kwatuwani niukarwe kwa chitu ambacho dzishukuru kahiza chicho. ³¹ Kwa iyo, chochosi muryacho au kunwa, au chochosi muhendacho, hendani gosi kwa ajili ya utukufu wa Mulungu. ³² Mukale akamilifu kwa Ayahudi na Ayunani, na kanisa ra Mulungu. ³³ Jezani here mimi nijezavyo kuahenzeza atu osi kwa mautu gosi. Siyeya faida yangu mwenye bali ya anji. Nami nahenda vivi ili apate kuokolwa.