¹ Ne lomaloma ebindu bikhoyera okhuba obu Were (Nyasaye) . ² Mbu abakofu babe abari nende amakosi malayi , babe besikwa , abalayi musubira, mumulukha nende obudemberefu. ³ Abakofu besikhaye bosi babe nende emulukha kiria ekihoyera nende ebulabora, baraba abokerekhera , baraba abameesi , ne babe abeksyabamalayi. ⁴ Mbwe bekesie besikhaye abesikhana okhera basacha babwe , nende okheraa abaana babwe. ⁵ Mbwe babe nende esikero, babe abalafu , bakhole emirimo kiabwe kio munyumba, babe abalayi , baberesie esiribwa abasacha babwe, mbu erikhuwa ria Were (Nyasaye) rirayekwa. ⁶ Mukario kario abasoriri obekesye babe abesikero. ⁷ Mumakhuwa kosi nuweyekesia ewe omwene oba esilorero esie ebikhole ebilayi, nende mumekesio kao nololosia. ⁸ Nende amakhuwa akobulamu akaranyala obuanuwamo amabi mbwe uria okhuyinganianga yambikhe chisoni khubera abula imbosi imbii yokhulomaloma khu efwe. ⁹ Abarumwa nabo bosi barie abaruki (abaami) babwe muburi imbosi yosi yosi. Baraba abookalusia dawe. ¹⁰ Baraba abeebi, ne bekesie obwesikwa bwosi mbwe basiaye amekesio akomuonia wefu Were mumakhuwa kosi. ¹¹ Khubera echimbabasi chia Were echioniangia abandu bosi chibwikhulwe. ¹² Nachio chirwekesia okhukhaya ohubi nende obwekombi obwe sialo sino, khunyole okhumenya mu sikero ,nende obulungukhi nende oburie musialo sino esia rero. ¹³ Nukhubaririra eriesika lie chikhabi nende obufunuli obwo yari lwa Kristu Yesu, Were mukali , omuonia wefu. ¹⁴ Uria oweinia obwamu bwaye khubera efwe, mbwe arununule nende amabii kosi nende okhwelafuyirisia abandu, babe oburuki bwaye omwene , baria abari nende esinani mubikhole bilayi. ¹⁵ Loma loma amakhuwa ako, kesiyia, nende okhwalabiia mubunyala bwosi ne aomeo omundu okhurekeresia.