¹ Yeso, niyechule omwoyo mutakatifu,yakaluha hurula Yorodani yemererwa nende omwoyo huchindalo amahumi kane musichimi. ² Natemwa nende ibilisi. Neechindalo echo chiosi siyalia sindu siosisiosi. Chindalo echo nichiola injala yamuluma. ³ Ibilisi yamubulera ari nori omwana wa Nyasaye bolera rikina rino rikaluhane mugati. ⁴ Yeso yamukalusia ari omundu salanyala omenya hulwomugati kwong'one. ⁵ Yamuninia akulu mani namwekesia obwami bwosi bwomusialo hudakika ndala. ⁶ Ibilisi namubolrra ari, ndahuberesia obwami buno bwosi, noluyari lwabwo, hubera buri mu mihono kiange, handi mberesiangia omundu yosi yosi nga ndaha. ⁷ Ewe niunama, biosi binaba biao. ⁸ Yeso yamukalusia nabola "Biandikwa mbwe lama omwami Nyasaye wao handi omusabe yong'one. ⁹ Yamwemera hula Yerusalemu mani namuninia husisuri sie ihekalu mamubolera ari nori adieri omwana wa Nyasaye, duma ulakahe asi, ¹⁰ Hubera biandikwa biri yahabolere Malaika bahulinde. ¹¹ Handi bahubukule mumihono hiabwe, orecha wegumula hukulu hwao hurikina . ¹² Yeso yamukalusia ari biabolwa mbwe oratema omwami Nyasaye wao. ¹³ Niyamala matemo kaye kosi,ibilisi yarulao yabwao mubiha bimbikiri. ¹⁴ Yeso yafunya mumwoyo mullafu mani yachia Galilaya handi ifume yaye yasuana mubialo biosi biri hundulo we inyanga. ¹⁵ Naye yameda hwekesia muchisinagogi chiabu, napakwa nabandu bosi. ¹⁶ Yachia Nasarethi ayahurira, ne kori nga kwa muluha kwaye, yengira musinagogi inyanga yeisabato mani yema asome. ¹⁷ Yyaberesebwa sitabo sia nabii Isaya, nafumula andikwa mbwe. ¹⁸ Omwoyo kwomwami kundiho hubera yambaha mafura njalire bandu masikini chimbosi chindayi, yandumire njekesie ababoye hubololwa hwabwe, ne abofu balole handi ababoywa banyole obweyanga. ¹⁹ Nende ohuyala omwaka kwa Nyasaye okukanyirwe. ²⁰ Yafuniha sitabo, narulao aberesia omuyali, narulao yehala asi. Ne chimoni chiabandu bosi abari musinagogi bamuraho. ²¹ Yachaka obabolera ari, inyanga yarero injili ino yurire mumarwi keng'we. ²² Ne bosi bali masaidi kaye handi bauka muno chimbosi chinamu echiarula mumunwa kwaye. Handi babola, uno siniye musiani wa Yusufu?. ²³ Yababolera ari, munambolera olukado luno, omudakitari wewonie mwene; biosi bia hwaulira mbu bieholire mu Kapernaumu, biholeho ano musialo siao. ²⁴ Yabola, adieri mbabolera, aumao omunabii okanywa musialo siaye. ²⁵ Ne mbabolera adieri, abahasi bafwire bali bangi mu Isaeli mu chindalo chia Eliya, erikulu ngariekalwa hu miaka kidaru nende emiosi kisasaba, injala ihongo ngayakwa musialo siosi. ²⁶ Eliya siyarumwaho hu yosiosi omaho mulala yong'one omuserepta, mutauni ya Sidoni, humuhasi awari mufwire. ²⁷ Handi abamakere bari bangi mu Irsaeli muchindalo chia Elisha ne bosi sibaonisibwa omalaho namani omusiria. ²⁸ Bosi abari musinagogi, nibaulira bindu bino ririma riabahiba. ²⁹ Besingira akulu mani bamuusie rwanyi weitaoni, bamunyira paka hundulo yoligulu hweitaoni, yabu yenbahwa, nibenya bamusuhune asi. ³⁰ Naye yabira akari wabu mani yabwao. ³¹ Niyehirira hula mutauni ya Kapernaumu musialo sia Galilaya nabekesia muchindalo chiesabato. ³² Bauka muno hu mekesio kaye,hubera chimbosi chiaye chiari namani. ³³ Ne musinagogi omwo yarimo omundu,owari nesihieno, yarira nomwoyo kwakulu. ³⁴ Nabola ari, rurehe, huhuholire hurie, newe Yeso wa Nasareti? wichire orumala? humanyire,ori mutakatifu wa Nyasaye. ³⁵ Yeso yamwalabira nabola, wewoye, omurulemo. Esihieno siamukwisia asi mani siamurulamo. ³⁶ Bosi bauka muno, nobabola bene hubene ino nimbosi sina, humani nende obunyalo yerusia ebihieno paka biamurulamo. ³⁷ Ifuma yaye yameda muchingongo chiosi. ³⁸ Yarula musinagogi mani nachia munyumba ya Simioni. Mafialaang'ine Simioni yari omulwaye muno, yamusaba hulwaye. ³⁹ Yama ambi naye mani yahuma obulwaye obwo bwamuleha handi yabarumihira. ⁴⁰ Okubasi nikwarula, bandu bosi abari namalwaye kakabuhane, yabakerehaho omuhono mani nibaona. ⁴¹ Ebihieno biarula hubandu bangi nibihola biri, ee newe Kristo mwana wa Nyasaye. Yabialabira nabola ari binyire chi, hubera bamanya mbwe nie Kristo. ⁴² Nibiola sidere yarulao yachia musipararane abandu bamukonya, paka bannwakana arabahamaho. ⁴³ Yababulera ari paka njie njale obwami bwa Nyasaye mubialo biosi hubera ebio nibiandarumwa hwicha ohola. ⁴⁴ Hurulao nachaka oyala muchisinagogi chia Galilaya chiosi.