¹ Nibiahabira endiyo Yeso yakenda mu Galilaya, Ne siyadaha hukenda mu Judeya hubera abayahudi wadaha huwira. ² Haro risabo riye rikadi ria Abayahudi riari riurire. ³ Mani basiani babu bamuborera, rulano, handi ochie mu Judeya, ohole mirimo ili abeki bao balole osiohorere. ⁴ Hubera aumawo mundu owahahola sindu mubwekisi, ne mwene adaha bamumanye, nire bahola bindu bino, mani weyekesie husialo. ⁵ Ata basiani babu aumao owamusibiraho. ⁶ Mani Yeso yababorera, biha biange birola: Nebiha bieng'u biruwo buri buhia. ⁷ Nesialo sisinyala huba swila, ne esie siaswila hubera ndimulori, humirimo kiaye mibi. ⁸ Eng'we muchiesa murisabo erio. Esie sindachia hubera biha biange birola. ⁹ Yari yahamala hubaborera chimbosi chino, yadong'a Galilaya. ¹⁰ Ani basiani babu bari bahachiayo yosi yachiayo muri sabo, ne siyachia niyeyangire ne yachia mubwekisi. ¹¹ Mani Bayahudi bamukonya murisabo, nibabola ariena. ¹² Handi hwaruo hung'ung'ura hungi hubandu nibabola. Bandi babola mbu nomundu mulay; ne bandi babola, haba, abeya bandu. ¹³ Mani aumao owamuloma lomaho niyeyangire hubera bari abari abayahudi. ¹⁴ Haro biari biahola akari ye risabo Yeso yachia mukanisa handi niyekiya. ¹⁵ Abayahudi bauka, nibabola, mundu uno yanyolayo makesi, ne siyahasoma? ¹⁶ Yeso yabakalusia, handi nabola, ohuekia huno sini hwange, ne nubwa uria owanduma. ¹⁷ Nire mundu yosi yosi nadaha huhola hudaha hwaye, yecha humanya amekesio, niri nika Nyasaye ama niri nikange mwene. ¹⁸ Uria owe lomalomaho huniye mwene akonya huenula hwaye; ne naye okonya obuinuli bwo owamuruma. Oyo ni wo buadieri, handi aumamo amahundu. ¹⁹ Ngandi Musa yababa amalako, aumao yosi yosi hweng'we owabiha malako ako? husina mudaha hunjira? ²⁰ Abandu bakalusia handi babola, ori nende sihieno; niwina okonya huhwira? ²¹ Yeso yabakalusia handi baborera, esie hola murimo mulala, ne eng'we mwosi mwesinduha. ²² Musa mani yababa ohuhebwa (sini hubera Musa, ne hulwa Baba), handi nang'u mwaheba mundu inyanga yeisabato. ²³ Niri mwahaheba mundu inyanga ye isabato, huniho rilako ria Musa rirecha riafuniha; husina ririma ribadira nasi, hubera ndahola mundu yaba mlamu inyanga ya isabato? ²⁴ Mani murahenga musango hulondohana nende ebiloloha, ne muhenge musango kobwadieri. ²⁵ Mani abayerusa! lemu bandi, babola uno sinie, owabakonyanga humwira? ²⁶ Ne hane, alomaloma najing'ire, handi sibaborera siosi siosi. Ama biahaba bahongo befu bamanyire mbu niye Kristo mwene?. ²⁷ Hubera mumanyire arula mundu uno; ne Kristo niyaheche, aumao owahamanye arula. ²⁸ Mani Yeso narira mukanisa niyari niyekia nabola, esie mumanyire, handi andula mumanyire. ne sindecha huhudaha hwange, ne uria owanduma niye mwene bwadieri, owamukoribwe. ²⁹ Esie mumanyire; hubera ndurire hwaye handi niye hundumire. ³⁰ Mani batema humudira, ne yaumao mundu owamuraho amahono, hubera biha biari birola. ³¹ Handi bungi bwa bandu basubira niye, handi nibabola niyaheche Kristo, yahole amahiya masabi huhira kano ko mundu uno a hola? ³² Bafarisayo mani nibaborira bandu nibamonya bindu ebo hulondohana, handi abawafarisayo nende balamisiria barumana bahosi humudira. ³³ Mani Yeso nababorera siri ano nang'u bididi, huniho njicha huchia hu owanduma. ³⁴ Mwicha hungonya, handi simwahanyole; ne handi simahecheyo. ³⁵ Mani bayahudi nibabola bene, yenya huchiaena, ahuranyala humunyola? yenya huchia hu abarari Bayahudi humenya nende abarari Abayahudi handi hwekesiayo abarari Bayahudi? ³⁶ Imbola ino yekesiasi, mwahangonye, ne simwahanyole handi andi simwahecheyo. ³⁷ Inyanga imaririha, niye inyanga ihongo ye risabo, Yeso yema handi narira, nabola, niri mundu yosi yosi ori nobulwo, reha yeche hwesio handi ang'we. ³⁸ Uria osubira hwesie, ngori maandiko kabola, mialo kia machi ko bulamu kamole mukamurulaho. ³⁹ Niyari alomaloma humwoyo, kuria kwabari abasubira huniye banyole; ne mwoyo mtakatifu kwari kuranwa; hubera Yeso yari asiri hwanirwa luyari. ⁴⁰ Mani bandu bangi, bari baburira hubola huno, babola hu bwadieri uno niye munabi. ⁴¹ Bandi babola,uno niye Kristo. bandi babola, ne Kristo arula Galilaya? ⁴² Maandko sikabola, mbu Kristo arula hubumuo bwa Daudi, handi mutaoni ya Bethlehemu, A Daudi yari?. ⁴³ Haro hwaruo hukabuhana hubera niye. ⁴⁴ Bandi hunibo badaha humudira, ne yaumao owakingula mihono ya muraho. ⁴⁵ Mani basikari bachira balanirisia nende Abafarisayo; handi nibaborera, husina simwahamurera? ⁴⁶ Abasikari bakalusia, aumao mundu olomaloma ngo mundu uno. ⁴⁷ Mani bafarisayo bakalusia, mwosi mumarire hubeywa. ⁴⁸ Ni wina hu bahongo ama bafarisayo osubira hunie. ⁴⁹ Bandu bano abakoribwe rilako nababuabwe. ⁵⁰ Nikodemo yababorera, (niye uria owecha hu Yeso musiro, niye mlala wa bwe). ⁵¹ Ngandi rilako riefu rikana hurahengera mundu yosi yosi musango, oramuburira mberi,handi nende humanya esiahorere. ⁵² Bakalusia handi nababorera, wosi ori Mgalilaya? konya, hamdi olole; mbu Mgalilaya yaharulemo mnabi. ⁵³ Handi buri mundu yachia munyumba yaye.