¹ Bafarisayo baurira mbwe Yesu yaanyola nende hubatisia abeeki baangi ohira Yohana. ² Ne hubwadieri Yesu siyaabatisia,abeeki baye niebabatisiangia abandu. ³ Mwami niyaulira chimbosi chino yarula Yudea nafunya Galilaya. ⁴ mulukendolo biamuika abirire Samaria. ⁵ yYola mulokongo lulala Samaria olulangwa Sikari,ambi nende indalo iria aya Yakobo yaberesia omwanae olangwa Yusufu. ⁶ Esisima sia Yakobo siari ambi ao ne huluohuba Yesu yari ajong'ere hulondohana nende lukendo yeehala ambi nende esisima esio,chiari saa chisasaba sideere.. ⁷ Ao muhasi musamaria yecha odaya amachi, Yeso yamuborera, mbeho machi, Ng'we. ⁸ Abeki baye bari bachire husiiro okula biahuria ⁹ Muhasi oyo yamukalusia,ewe ori Muyaudi nasi ndi Musamaria binyalihana birie usabe hube machi kong'ua? Hubera abayahudi nende basamaria sibaurisaniangia ¹⁰ Yesu yamukalusia, niwahamanyire Nyasaye yeenya ohuberesia sina,nasi ohusaba machi koong'wa ndi wina wahaasabire ndaahuba machi kobulamu. ¹¹ Omuhasi oyo yamuborera muhulundu ouma sidairo siodaya machi ne esisima sino nesireyi. Unarusiaye machi kobulamu? ¹² Ewe ori muhongo ohira kuka efwe Yakobo,obaruberesia esisima sino, handi mwene, nende abana baye, nende biayo biaye bosi bang'wamo machi. ¹³ Yeso yamukalusia namuborera, omundu yosi ongwa ong'wa machi kano asiri anaburira ulwo handi. ¹⁴ Ne omundu yosi ong'wa machi ka mberesania sanyala oburira oulwo handi, Ne amachi kandamuba kanamurera ikisima muaye akarera obulamu oburabua. ¹⁵ Omuhasi oyo yamuborera muhulundu mberesia machi ako obuluo burandira handi, kata njiche odaya machi handi. ¹⁶ Yeso yamuborera, chia, olange omusacha wao, mani wiche naye ano ¹⁷ Omuhasi oyo yamukalusia nabola, esie mbula musacha. Yesu yamuborera, obolere obwadieri, mbwe obula musacha. ¹⁸ Huba omalire oba nende abasacha baranu Handi owa orinaye uno sini musacha wao. ¹⁹ Omuhasi oyo yamuborera, muhulundu, ndola mbwe ori omunabi ²⁰ Balarafwe baalamanga hulugulu luno nang'u abayahudi muboola mbwe huchie hulame Yerusalemu. ²¹ Yesu yamukalusia,"mama"ndeesike ebihabiicha simunalamiranga hulugulu luno. ²² Eng'we basamaria mulamanga esiamukoribwe efwe Bayaudi huinamiranga Nyasaye owahumanyire hubeera huonisibwa hurula Mubayahudi. ²³ Ne ebiha bicha handi bimalire hula mbwe abeenamiranga Baba ngolwabidahihana beecha huinamira baba mumuoyo nende obwadieri.abandu balama mungira ino nibo ba baba adaha. ²⁴ Nyasaye nomwoyo mulafu handi bandy wamulama Barsa omulama mumuoyo mulafu nende obwadieri. ²⁵ Muhasi uno yamuborera, manyire mbu Mesia yaheche, olangwa Kristo. Ni yaheche, yaruborere amahua kano kosi. ²⁶ Yeso yamuborera esie olamaloma nawe nesie Mesiya. ²⁷ Ebiha ebio abeeki baye baafunya baukamuno umulola nalomaloma nende muhasi, ne aumao owamureba "wenya sina nuniye?" au "husiina olomaloma naye". ²⁸ Muhasi uria yareha isiongo yaye nachia musiro yabarera bandu. ²⁹ Mwiche mulole mundu, umborere mahua kange kosi kandamala ohola.binyarihana uno nie masihi?. ³⁰ Beechula abandu barula musiiro nibachia hu Yesu. ³¹ Siha eso beki baye bari ni bamusabanga, ni babola, Rabi riaho. ³² Naye yababorera,ndi nende ebiahuria ebie ng'we mukorirwe. ³³ Huluako abeki baye bachaka hurebana arihoo mundu omugamire biahuria? ³⁴ Ne yesu yabakalusia "ebiahuria biange nihuhola ohwenya hwa Nyasaye owaanduma ,nende husirisia mirimo kiaye. ³⁵ muri nende olukado mbwe 'kidong'ere miosi kine nihukesa'muringaleho chindalo ngolwabiahuria biangale bienya hukeswa. ³⁶ Okesa arungwangwa,nae abuusiangia rikesa hulwobulamu aburalibwayo dawe.huako owaraka imwo nende owakesa basangariranga alala ³⁷ olukado luhare mbu " mulala araka ne oundi akesa. noobwadieri ³⁸ Ndabaruma okesa mukese imere yamuraraka,abandu bahola mirimo ekio eng'we munyorere buhala orula huluya lwabwe. ³⁹ Obungi bwa Basamaria bomutaoni omuo basubirira hunie huluolomaloma huomuhasi oyo, hubulori bwaye, mbu yamborere mahua kange kosi kandahola. ⁴⁰ Basamaria nibecha ambi naye,bamusaba mbuyehalo ni nabo, yafukirira mani yehala nabo chindalo chibiri. ⁴¹ Handi bandu bangi basubirira hulondohana nechimbosi, chiaye mwene. ⁴² Ne baborera muhasi uria, haro husubirire, sio huluobera obola huao, humuburire efwe beene, handi humanya mbu nie Kristo, omuonia wesialo. ⁴³ Chindalo chibiri echio nichiabwa Yesu yarula yachia Galilaya ichiauya . ⁴⁴ Ne Yesu mwene yaboola, mbu omunabi auma siribwa musialo siabu. ⁴⁵ Handi yengira Galili, abagalili wamungisia, nibamarire olola bindu biosi biahorere Yerusslemum murisabo. Hubabosi bari bachire murisabo omo. ⁴⁶ Yeso handi yachia yafunya Kana eya Galili, ayakaluhania machikawa idivai. Handi awo yariwo musacha wesiribua, wo mwana wae yari omuluaye Kapernaumu. ⁴⁷ Niyaburira mbu Yeso yarula Yudea eyagalili, yamuchiaho, mani namusaba mbu yecheho, awonie mwana waye, Huba yari ambi nohufua. ⁴⁸ Ne Yeso yamuborera birisa mbu paka mulole bifuaniro nende akaukisia, simunyala ⁴⁹ okanya. Owesiribwa oyo yamuborera, muhongo icha mwana wange arafua. ⁵⁰ Yeso yamuborera, funyayo sa; mwana wao nomulamu. Musacha uno yasubirira chimbosi chino echia Yesu yamuborera, mani yabwawo. ⁵¹ Niyari nabwawo, abahosi baye bamwakanira, mani bamuborera mwana wao nomulamu. ⁵² Yaborera nebiha sina biakano kachaka hwehoreha. Bamuborera, kulo hurisa ria saba nilwa imbowo yamurehere. ⁵³ Haro larang'ene yechurira mbu bino nebiabere biha, ebia Yeso yamuborere,mbu musiani wao nomulamu. Handi mweni yasubirira alala neyinyumba yaye yosi. ⁵⁴ Y kano kari kamakana kohubiri aka Yesu yahola, niyarula Galilaya nachia Yudea .