¹ Bindu bino biosi nibiabwa Yeso yecha yalolhanira beka baye handi hunyanja ya Galili; handi yeyekesia mumakesi muno. ² Bari alala Pita,nende Thomas owalangwa 'Didimas', nende Nathaniel owa kana mugalili, nende basiani wa Ba Zebedayo nende abeka baye bandi babiri. ³ Simioni Pita yababorera, esie njia onaba.Nabo bamuborera, mbu hwosi huchia nawe. Barula awo siha eso mani bengira mubwaro; ne esiro siosi siumawo esia badira. ⁴ Ne ni siola ichuri, Yeso yari niyemere hundulo weyinyanja nabo beka baye abo sibecha namumanya nari Yeso. ⁵ Naye Yeso yababorera, basiani baranga muriho neying'ine yosi yosi? bamukalusia mbu haba. ⁶ Handi naye yababorera mbu mufunyiehomo ichinjero muhono musacha kwo bwaro, nang'u muchinyola. Hulwako bafubamo chinjero, handi haro ching'eni chiari chinyingi mno biabahaya oyinia rwanyi. ⁷ Hulwako uria omurumwa wa Yeso yari yaneramuno yaborera pita no mwami, naye Simion Pita niyaurira mbu nomwami, yefwala ingubo yaye yobunabi (Hubera yarisiekenye) mani handi yakwa mumachi munyanja. ⁸ Nabo abeka bandi baria becha mubwaro budidi; (Hubera sibari are nende humukulu, ne biari kama mita chimia chibiri) Nibahwesa chinjero chirumbire ching'eni. ⁹ Handi ngabolasa humukulu, balola muriri kubeha nibarereho ing'eni, handi busuma bwosi. ¹⁰ Yeso yababorera, mbu murereho ching'eni chiamudirire. ¹¹ Simion Pita yasingira akulu, handi yahwesa chinjero yosia humukulu nirumbire ching'eni chinyingi chihongo hongo, chiari ching'eni mia ndala mahumi karano nende chidaru; Ne kata ching'eni nechiari chinyingi sichia randula chinjero. ¹² Yeso yababorera, mwiche murie, handi abeka baye bari niburi omureba mbu ori wina? Nibamanyire mbu nimwami. ¹³ Yeso yecha yabukula mukati yababeresia, handi ing'eni yosi yababeresia. ¹⁴ Luno lwari lwo hudaru Yeso niyalolohanira beka baye, niyamala husingira mubafu. ¹⁵ Nibamala huria, Yeso yaborera Simion Pita, omusiani wa Yohana, wahera ohira kano koosi?naye yamukalusia, mbu ee omwami naye yamuborera mbu risia makondi kange. ¹⁶ Handi yamuborera lwohubiri, Simion musiani wa Yohana, wahera? Naye yamukalusia, mbu ee mwami; omanyire mbu ndahuhera, naye yamuborera mbu risia makond kange. ¹⁷ Yamuborera lwohudaru, Simion mwan wa Yohana, wahera? Petro yaparira muno hulwoberi yowari haro lwohudaru namureba, mbu yamureba? handi naye yamukalusia, mbu omwami, omanyire bindu biosi; nawe omanyire mbu ndahuhera, naye yamuborera risia makondi kange. ¹⁸ Adieri, adieri, mbaborera, nosiri muraga, onyala hwefwala mwene, handi wachia oherere, ne niwabe mukofu, wakololosiengie mahono kano, ne handi undi yahufwale, handi yahukinge yahuyira orenya. ¹⁹ Yabola kano hwekesia mbu muhufwa hwaye hwakingule Nyasaye, handi niyamala obola kano, yaborera Petro amulonde. ²⁰ Haro petro yabo mahemo inyuma, nalola omurumwa wa Yeso yari yahera muno nabalonda; owari yehale ambi naye nibari imesi yohwakama, ayamureba mbu omwami, ni wina wahukusie? ²¹ Petro niyamulola yareba Yeso, handi uno anahola sina? ²² Yeso yamukalusia, mbu ninyenya abe hulamu hula funye bihuchenirasi? ²³ Mahuna kano kebola mubungi akari wa baherwa, mbu omurumwa uno siyahafwe; naye Yeso yari aborere ario huniye, mbu siyahafwe; ne yabola mbu ninyenya mbu abe mulamu hula funye, ebo bihonyasiriasi? ²⁴ Uno nomweka wahola buloli humawa kano, handi nowakandika; handi humanyire mbu obuloli bwaye nobwobwadieri. ²⁵ Handi biruo bindu biingi bia Yeso yahola, niba mbu babiandika biosi, sindi ngesindi, mba katasa sialo silamba sisiyera okinga bitabo ebo biandikirwe.Amina.