¹ Bulano orangirira isabo ria Pasaka Yeso yari amanyire wari biha biaye biurire bio hubwabo orula husialo sino ochia hu lara, handi yari naherire bandu baye bari musialo,yabahera paka omaririsia. ² Ne wari bamarire oria ebiohuria ebie sichiambo, esihieno siaba simarire hungira mwoyo kwa Yuda Iskarioti, musiani wa Simoni, ohoba. ³ Yeso namanyire wari lara arere bindu biosi mumahano kaye, ne yarula a Nyasaye, ne handi yafunyayo. ⁴ Yasingira namarire oria ebiahuria ebie sichiambo, ne ara chinguo chiaye hu ndulo, na abukula itaoni ni yeboya. ⁵ Inyuma ya ako yachuha machi muibeseni mani nachaka oyosia makulu ka wekesi, nende obe eya ne itaoni e yari niye oboyere. ⁶ Yechera Simoni Petro, ne Petro naye namuborera mbu omwami, huwosia makulu kange? ⁷ Yeso yamukalusia ne nomuborera, esie hola sinomanye bulawo, ne nomanye inyuma. ⁸ Petro yamuborera, sino asie makulu kange.Yeso yamukalusia, nindarahuosia, sorinasi. ⁹ Simoni Petro yamuborera Omwami sina makulu kange sa kong'one ne namahono kange nende omuruwe kwange. ¹⁰ Yeso naye yamuborera omwene oosibwe makulu kaye, owera nomulafu mubiri kwosi nang'u muri balafu ne sine mwosi. ¹¹ Yali amanyire owuicha omnjoga; sakira nabola mbu, si ne mwosi balafu. ¹² Yali amala huwwosia makulu, ne abukula chinguo chiaye, ne yehala asi handi, ne ababorera, m'manyireho ebia mbahorere? ¹³ Yeng'we munanga Mwekesi handi Omwami ne mubola abwene, obera ni esie. ¹⁴ Haro ni kari, mbu ndi Omwami nende omuhongo weng'u mboosisiye makulu keng'we, mwosi muhoyerwa hwosia makulu ka buri mundu. ¹⁵ Marire owekesia esiekesi, wari muhole nga mbahorere . ¹⁶ Adieri, adieri, mbaborera omuhosesi sino muhongo ohira Omwami waye ata sa oyo orumirue siyahawa muhongo ohira omurumire. ¹⁷ Nimumanya kano, nemuba nimukahola muba we ihabi . ¹⁸ Simbalomereranga mwosi, manyire oba ndobole; ne endi maandiko koole, oyo orire mugati ne esie yehuhe sianyanya. ¹⁹ Mbeekesia ne irawola, wari niicha mani niyehola ne musubire sri esie niomwene. ²⁰ Adieri, adieri, mbaborera, Ouingisia mundu yosi yosi ba ndumire yanyingisiye; ne ounyingisia yengisia oyo owanduma. ²¹ Yeso namala obola ako, yanyahana mmwoyo yainia obusuda, ne nabola, adieri, adieri, mbaborera, mulala hweng'we ananjoga. ²² Mani abeeki baringalana, nibandondokana omanya ababola. ²³ Haro yaruwo oundi ni yengeng'ere mu sirifu sia Yeso mulala hu weekesi waye owari naherire. ²⁴ Simoni petro yamusima nomuhono ari narebe niwina oyo oba alomalomangaho. ²⁵ Nakonere mu sirifu sia Yeso yamuborera, Omwami, ne niwina? ²⁶ Yeso yamukalusia, ne omwene oyo, obanjicha oberesia esilore esia nyinihire. Ne yari amala oyinihira esirore, yaberesia Yuda Isakarioti musiani wa Simoni. ²⁷ Ne inyuma we esirore Satani yamwingiramo. Mani Yeso namuborera, esia wenya ohola hola lwangu. ²⁸ Bulano abari hu mesa yabulahoyo mundu abari namanyire maparo kaba nari nako nomulomerera aka. ²⁹ Bandi hu bene abo bapara, obera yuola yali muwihiwo mufuko, wari Yeso amuborere, kula bindu bienyiwua mu isabo; ata ne aberesie abaari esindu. ³⁰ Naye namala onyola esirore yarula erwanyi esiha eso; na yali siro. ³¹ Mani, namala orula erwanyi, Yeso yabola, bulano mwana wa Adamu ari okingulwa ne Nyasaye akingulwa hu mwene. ³² Ni kari Nyasaye okingulwa hu mwene oyo, Nyasaye mwene yosi anamukingula naye anakingulwa ochiririra hu mwene. ³³ Yeng'we wana baraga, siri ndi nang'u hu bweyangu mwimbikiri mwahangonye; ne nga ndababorera Abayahudi, i njiya simunyala mwechayo, bulano mbekesia. ³⁴ Echiki imbiaha mbaberesia, muherane buri mundu ne owasie. ³⁵ Hu kano bandu boosi balimanya bali muli beekesi wange, nimuli oherana. ³⁶ Simoni Petro yamuborera, Omwami, ochiaye?Yeso yamukalusia abundu anjia sonyola baalonda bulano; ne bahanonde inyuma. ³⁷ Petro namuborera, Omwami, obera si ni ndaranyala ohulonda bulano? Ndara asi bulamu bwange obera ewe ³⁸ Yeso yamukalusia, baha ra asi bulamu bwawo obera esie? Adieri, adieri, huborera ingoho idaywa sinaihoriohe ne ora ngana hadaru.