¹ Haro mundu undi yari mulwaye, yalangwa Lasaro, yari wa Bethania itaoni eya Maria nende muhaniabu Maritha bari, bamenyamo. ² (Nie Maria wabala mwami mafura, handi namweya makulu hurifwiri riaye, yari muhanabu Lasaro owari mulwaye). ³ Mani bahana babu bamurumira imbosi, nibabola mwami, mwicha wao nomulwaye. ⁴ Yeso yari aburira endiyo, yabola, obulwaye buno sini bohufwaa, lakini ni hubongo bwa Nyasaye, mwana wa Nyasaye alwaye. ⁵ Yeso yahera Maritha nende muhanabu nende Lasaro. ⁶ Mani yari aburira bu alwalala, yehala ao huchinyanga chibiri ari ayari. ⁷ Nibiahabira yao yaborera abeki baye, reha huchie Judeya. ⁸ Abeki baye bamuborera, Rabi, bayahudi huniho badahire huhuhuya nende makina: Handi wenya hufunyao handi?. ⁹ Yeso nakalusia, ngandi sidere silala siri nende biha ehumi nende chibiri? Mundu nakwenda sidere siyechwanya, hubera alola bulafu bwasialo sino. ¹⁰ Ne nakenda siro niyechwanya hubera bulwafu bumumamo. ¹¹ Bindu bino yabilola, niyahamala nabanorera, mwicha wefu Lasaro akona, Lakini njia humusumusia. ¹² Mani abeki bamuborera, mwami, niri bu akona, yecha huona. ¹³ Yeso yari alomalome hu mbosi yo hufua hwaye, Nabo baparabu yalomaloma huhukona hwe chindolo. ¹⁴ Mani Yeso nababorera buadieri bwene bu Lasaro afwire. ¹⁵ Sangala bu ndaumayo, hubera bicha hubahonya huniho ninyole huomina. Mani humchieho. ¹⁶ Huniho Thomasi walangwa mahurana, yaborera beki basie, reha bwosi liuchie, mani hufue alala naye. ¹⁷ Mani Yeso yari yola nanyola namarire chinyanga chine mung'ani. ¹⁸ Ne Bethania yari ambi nende Yerusalemu, ebiera maili chibiri endi. ¹⁹ Bayahudi bangi becha hubadunyia mioyo hulondohana nende hufwaa hwo musiani wabu. ²⁰ Mani Maritha yari aburira bu Yeso yecha, yachia humubukanira, Ne Maria yari asiri yehale munyumba. ²¹ Maritha naborera Yeso, mwami, ibere bu obere ano, musiani wefu siyahafwire. ²² Ne haro ata manyire bu siososi osionasaba Nyasaye, Nyasaye anahuba. ²³ Yeso namukalusia, musiani weng'u sumbuha hubafwa. ²⁴ Maritha namuborera, manyire bu yasumbuhe hubaafu inyanga imaririha. ²⁵ Yeso yamubolera ari, nesie obomulahi handi obulamu: osubira muesie, ata nafwa, anabasi mulamu. ²⁶ Buri omenya nende hunyamina siyafwe, mu kanya kano bwadieri?. ²⁷ Yamuborera,yukirira, mwami: Nyamina bu yewenie Kristo, mwana wa Nyasaye, uria wicha husialo. ²⁸ Yari yahabola endiyo, yabwawo,handi yalanga Maria muhanabu bwekisi, nabola, mwami yecha ahulanga. ²⁹ Yosi yari yahaburira endiyo, yasingira hanguhangu, handi namuchiaho. ³⁰ Ne Yes yari arula mtauni, ne yari asiri abundu a Maritha amukanirira. ³¹ Mani bayahudi abari nende Mariamu munyumba, nibamwoni mwoyo, balola Maria ingeri yayasingiramo hangu hangu narula rwanyi, bamulonda, nibabola, bu achia hurira husirindwa aria. ³² Mani Maria niyola Yeso ayari, namlola, yamkwaho humakulu, namuborera, mwami, obereo abundu ano, musiani siyahafwire. ³³ Mani Yeso yari olola narira, handi bayahudi abamulonda bosi borira, ririma riamuhira handi biamuchuna. ³⁴ Nabola, mumusihire ena?nibamuborera, mwami, icha olole. ³⁵ Yeso yarira masika. ³⁶ Bayahudi babola, muloleho ngori yamuhera. ³⁷ Bandi hunibo babola mundu uno yafunula mwofu chimoni, ngandi yahanyarire hugeng'a hufwa hwaye. ³⁸ Yeso handi ririma riamudira, niyahola husirindwa. Riari rina, handi paroraho rkina. ³⁹ Yeso nabola, mumaleho rikina ero.Maritha muhanabu mufuu, namuborera, mwami, hubiha bino aunya: Hubera amarire chinyanga chine. ⁴⁰ Yeso namuborera, huborere bunuwamina ne wicha hulola buhongo bwa Nyasaye? ⁴¹ Bainia erikina abandu yo mufu yaruo, huniho Yeso yakingula chimoni chiaye akulu, nabola Baba, hubira orio muno hubera oburire. ⁴² Manyire bu oburiranga chinyanga chiosi: Ne hubera ya bandu bemere ano, bamanye niyerwe wanduma. ⁴³ Niyahamala hubola endiyo yarira nende mwoyo muhongo, Lasaro, rula rwanyi. ⁴⁴ Mani mufu yarula rwanyi makulu nende mahono kae ni kaboyerwe nende chingubo chiobusihi: Yeso yababorera, mumubolole ili achie. ⁴⁵ Bayahudi bangi abecha hu Maria, balola bindu bia Yeso yahola mani Baba nende risubira hunie. ⁴⁶ Bandi bachia hu bafarisayo, bababorera bindu bia Yeso ahorere. ⁴⁷ Bebusia alala bakuhani bahongo nende Abafarisayo nibabola, “Huhole hurie? Hubera abandu bano chihono chinyingi. ⁴⁸ Nihumureha endi, bandu bosi becha huba nend e risubura huniye: Handi baroma banyala hwicha babukula abandu yefu nende sialo siosi. ⁴⁹ Mulala hunibo,olangwa kayafa, niewari kuhani muhongo omwaka okwo, yababolera ari siumao esia mumanyire. ⁵⁰ Ngandi ne bilayi afwe mundu mulala huhira salo siosi. ⁵¹ Ne bemeresi beyikanisa nende bafarisato bayinia malako mbu omundu yosi yosi onyalo omanya a Yesu ari,yekesanie mani bamudire. ⁵² Sini hu sialo esio siong'one, alala nende ako abusie bana ba Nyasaye abari basalana babe alala. ⁵³ Hurula inyanga eyo bachana humwira. ⁵⁴ Haro Yeso siyakenda nachomana nende bayahudi, Mani narula eyo nachia husialo siri ambi nende sichimi, mpaka hutauni ilangwa Efraimu, naba eyo nende beki baye. ⁵⁵ Risabo ria bayahudi ria Pasaka riari ambi, Bandu bangi barula mchingongo ni bachia Yerusalemu ili betakasie. ⁵⁶ Bapara Yeso, handi babola bene, nibemere mukelesia, mpara mrie, yecha hwicha murisabo rino adieri? ⁵⁷ Bakuhani bahongo nende Abafarisayo barusia rilako mbwe omundu yosi yosi omanyireaba nari,abekesia bamudire.