¹ Muhuchaka,siumao sindu sindi siosisiosi yaruo imbosi ne imbosi yaba nende Nyasaye ne imbosi yari Nyasaye. ² Imbosi yeneyo yaba nende Nyasaye. ³ Muhuchaka yaba nende Nyasaye hunie bindu biosi bialongwa handi niyarari nie siumao sindu esiaralonga. ⁴ Hunie huari nobulamu handi obulamu obuo bwari obulafu obwa abandu. ⁵ Obulafu obuo bwaduha musirima handi sirima sisinyala obusimia. ⁶ Nyasaye yaruma omundu olangwa Yohana. ⁷ Yecha huekesia abandu obalafuobuo mbwe abandu basubire. ⁸ Siyari obulafu obuo, neyarumwa ohwekesia obulafu obuo. ⁹ Obulafu obwa adieri, obwaduhira buri mundu ,bwicha husialo ¹⁰ Yari musialo handi niwalonga sialo nesialo siamukorwa. ¹¹ Yecha musialo siaye nabandu bae siabamwingisia. ¹² Abandu bosi abamwingisia yababeresia obunyali obwahuba abana ba Nyasaye kata baria abasubira hurira riaye. ¹³ Sibebulwa nende machai kata hudaha hwa mubiri, kata hudaha hwa omundu na nohudaha hwa Nyasaye mwene ¹⁴ Ne imbosi yaba omundu handi yamenya nende efwe handi hulola obuhongo obwae ni obuhongo ngori bwa omwana noluyari nende obuadieri. ¹⁵ Yohana yekesia abandu imbosi yae, handi yarira, nabola, uno nie uria nie ndabolaho owicha inyuma yange handi yabao niisiri huibulwa. ¹⁶ 16 hulondohanai nende obworerefu bwaye,efwe fuoosi hunyorere inema ¹⁷ Musa yarurerera malako hurula hu Nyasaye, ne Yesu Kristu yarera chinema nende obwadieri. ¹⁸ Aumao omundu omalire hulola Nyasaye, ne omwana omuderwa ori ambi nende Baba niye owekesie Nyasaye huefwe. ¹⁹ 19 Abeemeresi aba bayahudi baruma abekesia nende Abalawi hurula Yerusalem barebe Yohana "Newe wina?" ²⁰ Yohana yabakalusia narakise sindu nababorera esie sindi Kristo. ²¹ Nibamureba "newe wina mani?", ori Eliya?nakalusia haba sinesie. "Newe nabii uria?"nakalusia "haba" ²² Mani ruborere mbu ori wina? huchie hukalusirie waria abarurumire. Ewe obola ori wina?. ²³ Yababolera, esie ndi isauti iria iyirira musichimi, muhuanisirie omwami ingira ingololofu nga omunabi Isaya yabola. ²⁴ Na abandu abarumwa abo waba abafarisayo. ²⁵ Handi wamureba husi nobatisia norari Kristo kata (Elija) kata omunabii?. ²⁶ Yohana yabakalusia, nabola, esie mbatisia nende amachi: Handi aruo owemere akarieng'u ano, owamuramanyire. ²⁷ Niye oria owecha inyuma yange wa sinyala obolola mikoye kia bilaro biaye. ²⁸ Bindu bino biosi biahoreha Bethania ingereha ya oluchi lwa Yordani, abundu wa Yohana yabatisiangia abandu. ²⁹ Inyanga yalondaho Yohana yalola Yesu niyecha huniee, nabola, mulole urie nie rikondi ria Nyasaye erirusia chimbi chiesialo. ³⁰ Uno nie ndabolaho, omundu yecha inyuma yange ori nende obuhongo ohuhira owabao imberi yange. ³¹ Esie siosi sindaba mumunyire ni ndabatisia nende amachi awana wa Israeli wamumanye. ³² Handi Yohana yababorera,ndalola iroho ni yicha hurula mwikulu eifuana nende erigugu mani nirimwemaho. ³³ Handi ndari mukoribwe,ne owaanduma hubatisia nende amachi yari yambolere mbwe omundu owalole iroho ni imwichireho ni imwemaho oyo nie mundu owabatisie nende Roho omutakatifu. ³⁴ Handi marire olola handi mbaborera endi uno nie omwana wa Nyasaye. ³⁵ Inyanga ilondaho Yohana neyari yemere nendi abeeki baye babiri. ³⁶ Yalola Yesu nakenda yababorera mulole Rikondi eria Nyasaye. ³⁷ Handi abeeki baye babiri abu baburira imbosi yaye eyo handi bamulonda. ³⁸ Yeso ngayakaluhana na balola ni bamulonda yabareba, mwenya sina? bamuborera Rabii (nie ohubela mwekesia) ewe wamenyae? ³⁹ Yababorera, mwiche mulole.Endiyo bachia naye nibalola eyamenya. Handi behala naye inyanga eyo yosi: Yari isaa kumi ya sichiambo. ⁴⁰ Mulala hubeeki ba Yohana owaurira yohana nalomaloma namulonda, yari Andreya mwanang'ina Simion Pita. 41Luunyuma lwa kano Andreya yaakonya musiani waabwe namuborera hualola Mesia yaani Kristo . ⁴² AndereaYarera Simion hu Yesu. Yeso yamuringala namuborera ori Simion musiani wa Yohana: yalangwa Kefa mulugiriki petero yaani olwanda. ⁴³ Inyanga eyalondaho Yeso yari yenya ochia Galilaya yabukanana hence Filipo namuborera noonde . ⁴⁴ Filipo yari mundu wa Bethsaida abundu wa Andreya nende petro baamenya. ⁴⁵ Filipo yakonya Nathaniel namuborera ari humalire onyola mundu wa Musa yamwandikaho husibo sia malako nende banabii bosi wamwandikaho, Yesu wa Nasareti, omusiani wa Yosefu. ⁴⁶ Ne Nathanieli namureba, sinyala obao sindu silai orula Nasarethi? Filipo yamuborera, icha olole. ⁴⁷ Yeso yalola Nathanieli namwichaho, yabola hunie, mulole omundu wa Israeli obula ebiononi. ⁴⁸ Nathanieli yamureba omanyire orie? Yesu yamukalusia namuborera, Filipo narahulanga nori asi wo musala niehuluchi ⁴⁹ Nathanieli yamukalusia namuborera Rabii ori musiani wa Nyasaye, ori mwami wa Israeli. ⁵⁰ Yesu yamukalusia namuborera waburira nga ndabola mbu huluchi asi wo musala ne onalola bindu bihongo ebihira bino. ⁵¹ Handi yamuborera, adieri, mbaborera mwahalole rikulu nirifungulwa mani mwalole Malaika ba Nyasaye nibanina handi becha hwiha asi hwesie omwana womundu.