1 Oramukondoshelo omundu omukofu ta, habula okhumuchesia shingana olwali sa. Okholenje abasaatsa bashilikhwo, shinga abaana benywe. 2 Abakhasi abalikho abasheele shingana abamawo, abashilikhwo shinga abambootsoyo; ne mubweleleshe bwasi. 3 Obeetsulilenje abakhasi abalekhwa abali abalekhwa toto. 4 Ne omukhasi omulekhwa naba nali nende abaana beebe, kata abetsukhulu, bo baranjilile beeche okhukolosia akeidini yabwe khubeinzu yabwe, nokhubakalusila abeebuli babwe ebibakhoyele, shichila niko aka Were Khakaba achama. 5 Ne oyo ouli omukhasi omulekhwa toto, owatong'a yenyene, abeetsanga nahaandiye obunayi bwe khu Were Khakaba nalumililanga khukhusaaya nokhusaaba eshilene neshilo, 6 nabula oyo owihana khumwenyu, nomufu kata nashiliho mwoyo. 7 Amakhuwa kano nako, alachenje m bu baleshe okhuba neshikha. 8 Ne omundu yesi orainilia abeebe ebibahela ta, nokhushila muno abelitaalalie ye yambakhane obuusubili, nomubii okhushila huyo ohubula obusuubili. 9 Omukhasi omulekhwa ahandiikwe khulwanzile naba nahalema khumiyikachie amakhumi kasasuhata, niyalinji omukhasi womusaatsa mulala. 10 Nali owefuma indayi khulwa ebikholebie ebilayi, naba niyakhusia abaana, naba niyenjisinjia abacheni naba niyosinjia abatakatifu ebilenje, naba niyakhonyanga abasandibwa, naba niyalinji omulumilifu mubikhole ebilayi biosi. 11 Ne abakhasi abalekhwa abashili okhuhela bario obuyindefu, obakaanie; shichila obasikombi bwabwe bubakhwesanga okhurula khu Kristo, nebeenya okhuleeshibwa. 12 Nibaba bario neshiina khulwa okhulekha obusuubisii bwabwe obwambeli. 13 Khandi bachendanga mutsinzu eyinende eyi. Nebeeka bario akobulofu, ne shibuli obulofu bwonyene ta, habula nende okhubetsanga abebitoonyo, abeyinjisia mukaabene, nibaboola amakhuwa akalakhoyeele ta. 14 Kho niko akachila ninzenya mbu abakhasi abalekhwa abashili okhukofula bateeshibwe nebeebula abaana nibaruka tsinzu tshiabwe oburaheelesia omusukuulia obwiyango bwosi okhunyeka ta. 15 Okhuba abaandi bamalile okhushiama nibamulo ndakhwo shetani. 16 Omusuubili yesi, omusaatsa kata omukhasi, naba nalikhwo nabakhasi abalekhwa, abakhoonye, oburachila ikanisa niyisitohelwata, mbu mana yinyale, okhukhonya abo abali abalekhwa toto. 17 Abakofu abamanya okhuruka bulayi bapaarwekhwo mbu nabakwanile emikabo chibili, okhushila mno abo abanyakhana mukwilwatsa nende okhwechesia. 18 Okhuba amaandiko kaboola kari orabohanga ing'ombe omunwa olwa yihuulanga imele ta. khandi kari omukholi wemilimo akwanine omushaara kwe. 19 Orafuchilila obwinjililwi bwosi bwomukofu ta, habula nibaliho abaloli babili balaro. 20 Ababa niboonoonile, obahalabile imbeli wa bosi, mbu abandi bosi baritsenje. 21 Ekhulaka imbeli wa Were Khakaba nende Kristo Yesu nende abamalaikabe abalobole, kholenje ako kosi oburakhalaka amakhuwa khale, kata okhukhola nebiela ta. 22 Oratetekhana okhumurakhwo omundu amakhono ta, orasanjilana mubionoono bia abandu bandi tawe wilinde obe omweleleshe. 23 Lekha okhunywetsanga amatsi konyene. Ne wikhoonyele idivai induutu khulwa amakhuwa akeinda yiyo, khulwa obushele bwo. 24 Baliho aba ebionoono biabwe bimanyikha ebulafu nibibaranjilila okhuula khushiina; khandi baliho aba ebiabwe biba londachilila. 25 Khandi biliho ebikhole ebilayi ebimanyikhananga birio ebulafu, ne kata ebirali birio, shibibisikha tawe.