¹ Biecha biaba mbwe Yesu niyaamala obola chimbosi chino chiosi, ² yabolera abeki baye ari "Mumanyire muri Ipasaka yicha inyuma yechinyanga chibiri ne omwana womundu anabukulwa huchiobambwa." ⁶ Yesu yari Bethania munyumba ya Simoni owamakere, ⁷ Ngayari niyehale hu mesa, omuhasi undi yamwichira nari nende ahabuka ha alabasta ahakingire mafura kobukusi bwakulu, namuchuha humurwe. ⁸ Abeki baye nibaalola bario, basambiha nibabola bari "Asara ino neyasi? ⁹ Amafura kano kahakusibwe amapesa mangi muno mani baberesie masikini. ¹⁰ Ne Yesu namanyire ario, yababolera ari "Husina nimunyasia omuhasi uno? Aholere sindu silayi. /v 11 Masikini mubechanga nabo, nasi simunaba nasi chindalo chiosi. ¹² Ngaachuhire amafura kano humubiri kwange, aholire ario hulwamasika kange. ¹³ Mbabolera adieri, buri abundu aimbosi ino iyalwa musialo siosi, esiomuhasi uno aholire sialomalomweho nibamupara. ¹⁴ Mulala hulihumi nende babiri owalangwa Yuda Isikarioti, yachia humakuhani bahongo ¹⁵ Mani nabola ari "Mukanya humberesia sina, mbarerere Yesu? Bamuberesia chisilingi amahumi kadaru. ¹⁶ Ohurula siha esio yakonya chingira chiohubairira Yesu. ¹⁷ Inyanga yomwimo kwomugati abeeki beecha babolera Yesu bari "Wenya huhwalire abundu sina nolia siahulia sieipasaka?" ¹⁸ Yababolera ari "Muchie mutauni mubolere musacha undi muri " Omwekesia abola ari "Esiha siange siri ambi. Ndalia ipasaka munyumba yao alala nende abeki bange." ¹⁹ Abeeki bahola nga Yesu yabekesia, handi bahwania biahulia bieipasaka. ²⁷ Yabukula esikombe, yahuba orio muno mani yababeresia nabola ari "Mung'we mwosi. ²⁸ Kano niko machai kange keindagano akedihira abangi, hubureheri bwebibi. ²⁹ Ne mbabolera endi, sindang'weho handi ebiamo biomusabibu ohula inyanga yandahang'we biyiaha alala neng'u mubwami bwa Baba. ³⁰ Nibamala hwemba lwimbo, bachia hulugulu lwa Olivia. ³¹ Yesu yababolera ari "Mwosi munandulaho siro siarero, Huber'a biandikwa mbwe, " 'Ndahuya omwayi ne amakondi kanasalana.' ³² Ne nimala olamuha, ndachia imberi weng'we mu Galilaya. ⁶² Omukuhani muhongo yasingira yamureba ari " Nawe sokalusia? Buloli sina buno bwabahusitaka nabuo? ⁶³ Yesu yabulerasa. Omukuhani yamubolera ari "Huba amuri murira ria Nyasaye mulamu, "Rwekesie nori Kristo omwana wa Nyasaye." ⁶⁴ Yesu yamukalusia ari "Obolire orio mwene. Ne hubolera, hurula isaino huchia imberi, wicholola omwana womundu niyehale omuhono mulungi kwamani handi niyechera humaresi komuikulu." ⁷³ Abandu bari nibemire ambiao becha babolera Petero bari, "Adieri orimulala hubandu abo, nga olomaloma bihukusia."Yachaka hwebwaba nabola, " ⁷⁴ Esie simanyire omundu oyo."Esiha sienesio, idaywa yaholioha. ⁷⁵ Petero yechulisia chimbosi chia Yesu yabola ari "Idaywa niisiri oholioha onandekana mara hadaru. Petero yarula rwanyi màni nachaka orira masika.