¹ Khubeera buli omukukhani olobolwe akari wa baandu, yabakhwa amafura khulwa baandu Khu khulwa makhuwa kalondana nende Nasaye, khulwokhurusia ebianwa nende ebisahiro biobwononi. ² Onyala okhubeerera nende abo abaramanyirisianga, nibabachwa mubukori, khulwo khuba omwene yesi nomudekheri. ³ Khulwa akene ako akhoyere arusie esisahiro siebionono khulwa baandu nende ye omwene. ⁴ Ne abulao owefwasianga esiriibwa sino omwene, arali ulia owalangwa nende Nasaye nga Aaruni. ⁵ Khu kario, Kiristo yesi siyefwasia omwene oluyali nga omukukhani mukhongo. Arali ulia owaboola mbwe, ''Ewe oli Omwana wange; inyanga ino khwibule.'' ⁶ Nga yaboola abuundu andi ari, ''Oli omukukhani buli lwosi mubuchiane bwa Melkisediki.'' ⁷ Ewa muchindaalo chiaye chiomubiri, nga yaana echisala nende amasabo mukhulira nende amasika mumaani khu ulia owala anyala okhumuonia mulifwa, ne nabulirikhana okhuba yali omweyocherefu mubulamu bwo buNasaye. ⁸ Kata kario yali Omwana , yeeka okhweduduyia khubirira mukhusanda. ⁹ Ne niyakhakholwa omwolerefu, yekhola omuchaakisi wobuonia bwobumeri khu boosi abamuria ¹⁰ Yalangwa nende Nasaye ngomukukhani mukhoongo mufwaani ya Melkisedeki. ¹¹ Naye khuli nende amaangi kokhuboola kata kario nebidinyu khurumbula, okhuba simuli abaangu bokhubulira. ¹² Okhuba ebikha bia mwakhabeere nimwekesianga, musiiri khandi mwenya omuundu abekesie amekesio kokhuchaaka mumakhuwa ka Nasaye. Musidaakha mabeere, arali ebiakhulia biomu! ¹³ Khulwo khuba oyo yeesi owekhoonyera amabeere abula obumanyirisi mulikhuwa lio bulungifu, okhuba no mwaana mudoro ¹⁴ Arali esiakhulia sioomu nikhubalia abaangafu, okhurulana nende oburumikhi bamanyire okhukabukhania amalayi nende amabii.