¹ Esie omukhulundu, khumuheelwa Gayos, owa ndaheela mubwatoto. ² Omuheelwa, esaya mbu bulishindu shibatsiire obulayi khandi mube nende obulamu mumubili shinga emioyo chienywe chili obulayi. ³ Ndatsaatsaala olwa khubana befwe abakristo boola hano nibamboolela mbu oli omusubilwa mubwatoto shinga omenyanga mubwatoto. ⁴ Shibulaho eshinjamisinjia muno okhushila okhuhulila mbu abaana baanje muchendanga mubwatoto. ⁵ Mwana wanje omuheerwa oli omusubilwa muno mumilimo echia okhalabanilanga abakristo bashienyu kata ni baba nibali abacheni. ⁶ Booolela abeikanisa khu akobuheeri ibwo, olaba nokholele obulayi. ⁷ Nochama obakhoonye batsililile khuluchendo lwabwe shichila khwulwa eliiralie khwatsililila nikhulabukulakhwo eshindu okhurula khu abanashialo tawe. ⁸ Kho khunyalilwe okhwinjisia abeimbia iyo, mbu khube abakhalabani baashienywe mubwatoto. ⁹ Ndahandichila likanisa, habutswa Diotrefas, owaliniyachama obwimilisi, shiyachama okhuhulila akandaboola tawe. ¹⁰ Olwa nandiitse okhumuchendela, nilwo olwa ndiliboola koosi akayakhola akeshisinyo nende obubeyi obwa yabolanga khu yifwe. Ne shikali yako konyene ta, shiyeenjisia abakristo ta khandi yabalonda okhurula mukanisa. ¹¹ Omuheerwa olalonda akali amabi tawe nebutswa olonde akali amalayi. Yesiyesi oukhola amalayi nowa Nyasaye; Naye ulia oukhola amabi ashili okhulola Nyasaye. ¹² Bulishiamundu amwitsominjia Demeterio khandi nobwatoto bwene bwimwitsomijia. Ne emetakhwo obuloli bweefwe, obwamumanyile nobwatoto. ¹³ Embeere nende amanji akohumuboolera, shindiikomba okhubahandichila neikalamu noobwino tawe. ¹⁴ Habutswa endi nobunayi emulole mubwangu buno, nakhuboole moni na moni. ¹⁵ Omulembe kube inawe. Abalina bamushesia. Sheesia abalina iyo khumeera kabwe.