¹ Ndalingera, nindola, omwana we likoondi niyemere khulugulu lwa Sayuni, ne alala naye khwali nende omukanda kwe chilifi imia ndala nende amakhumi kane nende chine, abali nende obwaandike bweliira lia Samwana khubweni bwabwe. ² Ne nimbulira idoboosi ikhongo, khurula mwikulu, nga sioka sia maachi mangi, khaandi nga okhwadulukha khukhongo: Khandi nibulira idoboosi ya bakhubi abakhuba ebinanda biabwe. ³ Nabo nibeemba olwimbo luyakha nibemere imberi we sisala sio buruki, imberi we chisolo chine, nende abakofu: Ne abulao omundu yeesi owanyala okhweka olwimbo olwo,araali balia echilifu imia ndala nende amakhumi kane nende bane, abanunula okhurula musialo. ⁴ Bano nibo abaranyasibwa nende abakhasi, okhuba baali abasisira. Nibo abo abaloondanga omwana we likoondi wosi owaba nachia. Nibo abanunulwa khurula mubaandu, abali ebiamo birangirira khu Nasaye nende omwana we likondi. . ⁵ Khaandi mumimwa kiabwe bwabulano obubacha; okhubeera sibaali nende chiimbi imberi wesisala sio bwami bwa Nasaye. ⁶ Khandi nindola malaika undi naburukha akari welikulu, Bali nende ifanjili yobumeri eya yayalira abaandu bamenya khusialo, nende buli chibia nende echinimi nende baandu, ⁷ Naboola muidoboosi likhoongo ari, " Muwechoomie Nasaye nende khumufumia okhuba nebikha bia bukhaki builiri nende khumwinamire olia owaloonga likulu, esialo, nende inyanja nende chisebele chiamaachi." ⁸ Malaika undi owaloondakho, naboola ari, " Babeli yisasikhe, ikwiire,elidookho liria likhoongo, okhubeera yakhola ebialo bioosi okhungwa ifini ye elirima elia buyeyi bwaye. ⁹ Malaika owo khadaru, yeecha lunyuma, naboola mulidoboosi ikhoongo ari, " Nikaba mbwe omuundu yesi yenamira isolo nende sifwanani siayo, nende khufukirire esilolero siayo sirebwe khubweni bwaye kose khumukhono kwaye, ¹⁰ Omwene oyo yesi anangwa ifini eyelirima lia Nasaye, eyindikha oburaali eirachengusibwe musikombe esieririma liaye, ne omundu oyingwa anasandisibwa nende muliro nende sibiriti imberi wa bamalaika batakatifu nende Omwana we likondi: ¹¹ " Ne omwosi kwo khusandisibwa khwabwe kunadumukha buli lwoosi, ne khubulao khubukha sideere nende siro, khu balia abenamira isolo nende sifwanani siayo, nende balia abafukirira esilolero sià eliira liayo." ¹² Bulano khuli nende omulembe khu batakatifu: khaandi balia abalinda ebilagiro bia Nasaye, nende obusubiri bwa Yeso. ¹³ Ne nimbulira idoboosi khurula mwikulu niiboolera yiri, " Yandika kano, Nibeyikhabi balia abafwa nibali mu Omwami okhurula bulano nende okhuchiririra: Eee, aboola Rokho, mbwe banyale okhubuulukha okhurula mukhunyakhana kwabwe: ne ebikhole biabwe bibaloondakho. ¹⁴ khandi nindola esindu sindi siukisia. Liali elilesi lilafu, ne khulilesi elio omuundu yali yekhalekho oufwanana nende omwana wo muundu. Yali afwalire olusiimbi lweidakhabu khumurwe kwaye. Mumukhono adirire ingeso injoki. ¹⁵ Khandi malaika undi narula mukhekalu, nalilra mudoboosi ikhoongo, khu oyo owikhale khuliresi, bukula ingeso yao okese: " okhubeera ebikha bio khukesa biulire; okhuba elikesaa liesialo liangale. " ¹⁶ " Ne ula owali yekhale khulilesi yaucha ingeso yaye khusialo, esialo siakesibwa. ¹⁷ Malaika undi narula mukhekalu mwikulu. Yali nende ingeso injoki. ¹⁸ Khandi malaika undi yesi narula mubwali bwobubani. Owali nende obunyali khumuliro.Nalanga mudoboosi ikhongo khu oyo owali nadirire ingeso injoki, " Bukula ingeso yao injoki okhubusia mumasaga kemisabibu mumikanda khusialo! Omale obusie masaga kemisabibu alala okhuba ebiamo biakio biengere." ¹⁹ Kho malaika naucha ingeso yaye khusialo, nakesa emisabibu kiomusialo.Yasukuna musinyukhiro sikhongo esia misabibu muburima bwa Nasaye. ²⁰ Ne musinyukhiro siomisabinu siasenwesenwe erwanyi welidookho, amabaanga nikedikha okhurula musinyukhirookhula mubidiiri bie ifarasi ,buraambi bwe echimaili echimia chibiri .