¹ Musitabo siange esiamberi esiandandiika, ewe Thiofilo, ebia Yeso yachaaka okhukhola nende okhwekesia, ² okhuula khunyaanga eyayabukulwa akulu, namalire okhubirira mu Rokho mutakatifu okhuberesania amalako khubarumwa abayali namalire okhuloboola. ³ Ao mwene khandi yelolosia omwene lunyuma lwokhusandisibwa khwaye niyeekesia nende ebilolero biingi nalolekha khunibo echinyaanga amakhumi kane, nalomaloma khukobwami bwa Nasaye. ⁴ Nabukanane nabo alala, yababoolera mbwe murarula Yerusalemu dawe, khuula sikha sielilakano lia Nasaye ngolwa yaboola, "mwabulira khurula khwesie ⁵ okhubeera obwadieri Yokhana yabatisia nende amaachi; arali eng'we muchia okhubatisibwa nende Rokho Mutakatifu imberi wechinyaanga chindiidi. ⁶ Ne ngolwa bali nibebusisie alala, bamureeba, nibaboola bari, omwami onabakalusiria Israili oburuki bulaano? ⁷ Naye nababoolera ari, khaba khasi nibieng'we okhumanya ebikha kose echinyaanga chia Baaba yara mubunyali bwaye. ⁸ Arali munanyoola amaani, Roho Mutakatifu namalire okhubeera; ne munaba a baloli bange Muyerusalemu nende Buyaudi nende Samaria nende muchimbeka chioosi musiaalo. ⁹ Ne namalire okhulomaloma makhuwa kano koosi, nibasiiri nibalingeeranga, yabukulwa akulu mumaleesi khurula muchimoni chiabwe. ¹⁰ Ngolwa bachirira okhuliingera mwikulu olwa yali naniina akulu, lola, abaandu babiri beema ambi ninabo muchingubo chindaafu. ¹¹ Nibaboola bari, "Eng'we abaandu ba Galilaya, khusiina mwemere okhuliingera mwikulu? Yeso uno obukuulwe khurula khweng'we nachia mwikulu, yakhakalukhe khandi ario ngolwa mubweene naachia. ¹² Ne nibakalukha Yerusalemu okhurula khulugulu olulangwa mbwe Miseituni oluli khu olukendo olwa isabato okhurula Yerusalemu. v 13 Ne niboola beengira nibanina mugorofa eyakulu, omwalimo Petero, nende Yakobo, nende Yokhana, nende Andereya, Philipo nende Tomasi, Matulumayo, nende Matayo,nende Yakobo omwana wa Alufayo, nende Simoni owa Siloti,nende Yuda omwana wa Yakobo. ¹⁴ Bano boosi bachiririra mubulala, mumasayo nende echisala, alala nende abakhaye nalimo Maria ng'ina Yesu nende abaana babwe. ¹⁵ Muchinyanga echio Petero nasingira akari wa abeeka, manu naboola, ( boosi alala obukhumi bwa meera kabwe bwali imia ndala nende amakhumi kabiri.) ¹⁶ Abakheerwa bikhoyera amaandiko kano kolerere, aka Rokho omutakatifu yalomaloma okhubirira mumurumwa waye Daudi mukhuchaaka okhulondana nende Yuda, owabemirira balia abamubukula Yeso. ¹⁷ Okhuba yali alala nafwe, khandi yali nabukule esimeka esiobukhalabani bwaye. ¹⁸ [Bulanu omuundu uno yakula omukunda nende amatongolo akechiimbi, nakwa niyandiikha nakabukhanamo akari, amala kaye nikedikha. ¹⁹ Nikamanyikha mubaandu boosi abamenya Yerusalemu; ngolwa omukanda okwo kulangwa mululimi lwabwe oluboola mbwe, Aceldanma, nikhwo okhuboola mbwe omukunda okwa mabaanga.") ²⁰ Okhubeera kandiikwa musitabo esia chisabuli mbwe, 'lekha obumenyo bwaye burabao, khandi omuundu yesi aramenyamo'; khandi obulaame bwaye omuundu undi abukule. ²¹ Bulanu khulwa abaandu bano abali nafwe, ebikha ebia Omwami Yeso yabechanga nafwe, ²² Okhuchaakira khububatisi bwa Yokhana okhuula khubikha ebia yabukulirwa khuchia akulu okhurula khwefwe, okhuula mulala abakhwe amafura abe mulala khulwa obuloli obwokhulamukha khwaye. ²³ Manu nibalobola babiri, Yosefu owalangwa Barisaba, owa elira liaye likhulundu lialangwa Yusito, nende Matiasi. ²⁴ Nibasaba, nibaboola, ewe Omwami; omanyire emioyo ekia abaandu boosi, yekesia nikali mbwe bano babiri baloboolwe? ²⁵ mbwe babukule esimeka esiomulango nende oburume, obwa Yuda anyale okhuchia mubweyango bwaye. ²⁶ Nibakhuba ikura; ikura nimukwira Matiasi, nabalwa alala nende abarumwa ekhumi na mulala.