¹ Paula murumwa [shivwarula khuvandu,khandi shivwali khu mundu, navutswa vwali khu yesu kristo nende nyasaye tata wa mwisimushitsa khurula muvakhutsu. ² khandi vaana veru vosi vali nende inzi mumakanisa kosi mu Vagalatia. ³ Tsimbavasi nende milembe khurula khu nyasaye tata weru nende mwami yesu kristo, ⁴ wihana mwene shichila vwoni vweru khu atushi khukhuhonyinya mumatukhu kanunundi matamanu yaka, khulu vulalili vwa nyasaye tata weru, ⁵ vukhumi vuve khuye mihika ni mihika Amina. ⁶ njenyanga shichila mwalekha oyo wamulanga mu tsimbavasi tsia kristo khandi njenyanga shichila mwalonda tsivanjeli tsindi. ⁷ Nayo shili ivanjeli yindi tawe, navutswa khuli na vandu valala vanyashitsanga khandi venya khukalukhanyinya ivanjeli ya kristo. ⁸ Khali niva khutsi inoho injelosi khurula mwikulu inyala khumwilwatsila ivanjeli yu lukanu lundi khuvira yakhwilwatsa khu munyi , nu vulayi nalaamilwi. ⁹ khuli lwa khwavola khale, khandi khuvolanga khandi, niva mundu alilwatsa ivanjeli yu lukanu lundi khuvira khu ya mwanyola ,kenyekhanga alaamwi. ¹⁰ Nyala khuva ninenyanga khuyanzitsa vandu inoho nyasaye? inoho khuyanzitsa vandu?niva natsilila khuyanzitsa vandu shindushili khuva murumishi wa kristo tawe. ¹¹ Mbolela munyi vasuvili vashianje, ivanjeli yamwilwatsilanga shiyali khu yu mundu tawe. ¹² Shinachinyola khurula khu mundu, inoho khwechitswa . navutswa , nachinyola lwa yesu kristo yamanyinya. ¹³ Mwahulila makhuva khulondokhana khuli nali nindi muidini ya vayahudi, khuli natambitsa likanisa lia nyasaye khuvira shichelo, khandi khuli nachelitsa khulitivitsa. ¹⁴ Khandi nali namanya makhuva khulondokhana khu idini ya vayahudi khuvira vayahudi vi likhula lianje, nali nu vuha vukali khushila muno khulonda mechitso ka vakuka vanje. ¹⁵ Navutswa nyasaye niyandovola nishili munda mwa mama wanje, khandi wananga khutsimbavasi tsietsie. ¹⁶ lwa nyasaye yamanyinya mwana wewe ndushi khwilwatsa ivanjeli khulondokhana khuye khu vandu vitsimbia tsindi, nonoho shinayenya khandi kumumbili na masayi tawe. ¹⁷ khali nali nishili khutsiakhu Yerusalemi khulola vandu vali vukhuranga khuva varumwa imbeli wanje inzi nishili. navutswa natsia mu shivala shia Arebia khandi ningalukha mu litala lia Damasika. ¹⁸ Mihika chivaka nichiakhavira, natsia Yerusalemi khuchendelela Kefa namenya naye matukhu lokhomi na karanu. ¹⁹ Navutswa avulakhuho murumwa wundi wa nalolayo nikhali Yakobo,amwavo mwami. ²⁰ nunundi makhuva kamuhandichila, muhenze imbeli wa nyasaye shimbola vuveyi tawe. ²¹ Khandi natsia mushivala shia Siria nende kilikia. ²² khandi inzi nali nishili khumanyikhana mumoni mwanje mu mavukana ka vayahudi kali mu kristo. ²³ Navutswa vali vahulila vutswa,"mundu wakhutambitsanga niyilwatsa makhuva malayi ki lisuvila yachelitsa khulitivitsa" ²⁴ khu vahana vukhumi khu nyasaye shichila inzi.