¹ Paulo ne kigikuur koek ne kiyoktoi ne bo Jeiso Kristo eng' magetab Jehovah ak tupchenyo Sostena. ² eng' kanisetab Jehovah ne mi korintoek eng' icheket che kigitilil eng' Kristo Jeiso ak keguurji lewenisiek si eng' Kristo, Kiptayandengwai ak nenyor. ³ Ngotebi kororindo kobotok ak kalieyet ne bune Jehovah . ⁴ Amwachini Jehovah kongoi kotugui akobo akwe, amu kororindab Jehovah ne kigonok Jeiso Kristo. ⁵ Si eng' tuguk tukul komokornonok indendet eng' twekunet ak n'gomnatet, ⁶ agot ye tooku baornatetab Kristo eng' akwe. ⁷ Si mororuok konunotiot age tugul keganyi nyonunetab kiptayandenyo Jeiso Kristo. ⁸ Ne igimitok agoi kagesonet asi oegu che ititootin eng' betutab kiptayandenyo Jeiso Kristo. ⁹ Iyanat Jehovah, ne kigeguurok eng' yamdaetab werinyi Jeiso Kristo kiptaiyandenyo. ¹⁰ Osomok anyun nguno topchosiek eng' kainetab kiptaiyandenyo Jeiso Kristo, ale ong'ala kit agenge, si maiit besiosiek eng' kwenung'won'g, ago si oegu che igesunotinge eng' kibagenge eng' kabwatet agenge ak kiruoget agenge. ¹¹ Amu kigemwowo agobo akwe, tupchosiekechu, icheket che bo ketab Kloe kele mi ng'usetabge kwenung'wong'. ¹² Lin alak eng' akwe abo Paulo, Kolin alak abo Apolos, kolin alak abo Kepas nda Kristo. ¹³ Tos pcheat Kristo? Kigigartat Paulo akobo akwe? nda kigibatisanak eng' kainetab Paulo? ¹⁴ Amwochini Jehovah kongoi amu mami ne kiabatisan eng' akwe kobate Krispo ak Gaio. ¹⁵ Si ma le chi kabatisan eng' kainenyu. ¹⁶ Ak kiabatisan kotab Stepanas agiche mobwoti ngo kiabatisan che chi age kokeny. ¹⁷ Kiyokwo Kristo aamda logoiywek che kiroron ma abatisanis, ma eng' ng'omnotetab n'galek si maek buch kimurtoryotab Kristo. ¹⁸ Amu berberiet amdaetab kimurtoyot eng' che lustos, ago kimnatetab Jehovah eng' che siku. ¹⁹ Amu kigisir kele ,ak ang'eme ng'omnotetab che ng'omen ak aesioi kauiyetab icheget che iguitos. ²⁰ Mi ano ne n'gom? Mi ano sirindet ? Mi ano Kipsuriotiotab ng'wenyuni? Tos mayai Jehovah n'gomnatetab ng'wenyuni koek berberiet? ²¹ Amu eng' n'gomnotetab Jehovah ko manai ng'weny Jehovah eng' n'gomnotenyi, kicham Jehovah kosor icheket che iyoni, eng' berberindo ne bo ng'olyot ne kiamdoi. ²² amu mache youtik koborunoik kocheng'e yunanik ng'omnatet. ²³ Ago kiamdoi Kristo ne kigigartat ne kanakut eng' yahudik ago berberindo eng' Bororiosiek. ²⁴ Ako eng' iche che kigiguur, yahudik ak yunanik Kristo Ko kimnatet ak ng'omnotetab Jehovah. ²⁵ Amu berberietab Jehovah ko ng'om kosiir biko ago nyalulnatenyi ko kim kosiir. ²⁶ Okeero Kuurseng'won'g topchosiek, ma kiguur che chang' che ng'omen eng' atebtab borto ma che chang' che kimen ama che chang' che tookunotin. ²⁷ Ago kilewen Jehovah tuguk che berber che bo ng'weny si kogooch kalilanet che ng'omen, ak kileewen che tuguk che nyolulyotin che bo ng'weny si kogochi kalitanet che kimen; ²⁸ Agi tuguk che mi ng'weny che bo ng'weny ak tuguk che sosotin si kowal koek buch tuguk che mi. ²⁹ Asi metororge chi eng'tainyi. ³⁰ Kionyoru anyun Jeiso kobun inendet ne kigiyai eng' Jehovah koek ng'omnotet ak imanda ak tililindo ak katiakanatet. ³¹ Asi ko u ye kigisir, indenet ne itororeke kootororke eng' kiptaiyat.