¹ Kahiza siku iyo Jesu weuka nyumbani na kusagala kanda ya bahari. ² Umati mubomu wekusanyika kwa kumuzunguka, weenjira ndani ya dau na kusagala ndaniye. Umato wosi veemaa kandapembeni ya bahari. ³ Kisha Jesu achigomba maneno manji kwa mofano achamba, "Lola, munyali wekwenda kunyala. ⁴ Arihokala achinyala baadhi ya mbeyu zegwa kanda ya njira na tsongo vekudza vachizitota. ⁵ Mbeyu zinjine zegwa julu ya mwamba, ambaho kazipatire udongo wa kutosha. Gafula zechipuka kwa sababu udongo kaukarire na china. ⁶ Lakini jua ririhoombola zeochwa kwa sababu kazikarire na misiji, na zichikauka. ⁷ Mbeyu zinjine zegwa kahiza mihi yenye miya. Mihi yenye miya yekalamire julu ichiisonga. ⁸ Mbeye zinjine zegwa kwenye udongo mudzo na kuvala mbeyu, zinjine mara gana mwenga zaidi, zinjine sitini na zinyine thelathini. ⁹ Ariye na masikiro na asikire. ¹⁰ Anafunzi vekudza na kumwambira Jesu, "Kwa noni wanena na atu kwa mifano?" ¹¹ Jesu wejibu na achamba, "Mudzihewa upendeleo wa kumanya siri za ufalume wa Mulunguni, bali kwao kavadzapewa. ¹² Lakini yeyosi ariyenacho kwakwe iye andaonjezerwa zaidi, na andapata faida bomu, ela asiyenacho hata chiratu arichonacho andahokwa. ¹³ Vivyo nagomba nao kwa mifano kwa sababu ichikala vaona, vasone jeri na ichikala vasikira vassikire wala kumanya. ¹⁴ Ujumbe wa Isaya udzitimira kwao, uratu wambao, musikiraho musisikire, lakini kwa namuna yoyosi kamundaelewa, wakati muonacho mwaweza kuona, lakini kwa namuna yoyosi iratu musimanye. ¹⁵ Na mioyo ya atu vava idzikala chiza, Ni vigumu kusikira, na vadzifunga matsi yao, ili vasiweze kuona kwa matso gao, au kusikira kwa masikiro gao, au kufahamu kwa mioyo yao, vivyo vandenigalukira keheri, naningevahoza. ¹⁶ Bali matso genu gadzibarikiwa, kwa kukala ganaona, na masikiro genu kwa kukala ganasikira. ¹⁷ Hakika navambira njumbe anji na atu enye haki vekaka na hamu na kugaona mambo garatu mugaonago na kavawezere kugaona. Vetamani kugaona mambo garatu mugasikirago kavagasikirire. ¹⁸ Vivi sikirani mufano wa munyali. ¹⁹ Wakati wowosi asikiraho neno ra ufalume na asirelewe, ndiho mwovu nikudza akachinyakua chiricho goma kuikwa ndani ya moyowe. Ii ni mbeye iratu iriyonyalwa kanda ya njira. ²⁰ Iye ariyenyalwa kahiza miamba niyuyatu asikiraye neno na kuriho chera haraka kwa furaha. ²¹ Bado kana misiji ndaniye, ela kuvumirira kwa kapindi chidogo. Wakati matatizo au mateso gadzaho kwa sababu neno kudzikwala gafula. ²² Ariyenywala kahi ya mihi ya miya yuyu ni yuyatu asikiraye neno lakini masumbuko ga urimwengu na ulongo wa utajiri riratu neno risidze rikava la matunda. ²³ Ariyenyalwa kwenye udongo mudzo, yuyu ni yuyatu agwiraye neno na kurifahamu. Yuyu ni yuyatu avalaye matunda na kwenderra kuvalwa menga zaidi ya mara gana, nyinjine sitini na nyinjine thelathini. ²⁴ Jesu wevapa mufano munjine, achamba, ufalume wa Mulunguni unafananishwa na mutu ariyenyaka mbeye mbidzo kahiza shambare. ²⁵ Lakini atu variholalama, aduiwe achidza pia achinyala nyasi kahiza ngano kisha achenda zakwe. ²⁶ Badaye ngano irihomera na kuloha mazaoge, ndiho nyasi zichimera pia. ²⁷ Na atumishi a mwenye munda vekudza vachimwambira, Bwana, kunyarire mbeyu mbidzo kahiza mundao? Idzikalaze rinanyasi? ²⁸ Achivambira, adui/mubaya adzitenga riri. Atumishi vachimwambira, kwa vivyo unamala fende fukagang'ole magugu/nyasi mundang'ola achamba sevyo wakati mundagang'ola magugu mundagang'ola?" ²⁹ Mwenye munda achamba, sevyo, wakati munang'ola magugu mundagang'ola hamwenga ngano. ³⁰ Garichani gakule hamwenga mupaka wakati wa mavuno. Wakati wa mavuno nindanena kwa avunaji, kwanza gang'oleni magugu na gafungeni mahiha na kugaocha, lakini kusanyani ngano kwenye pala rangu." ³¹ Kisha Jesu, achivombozera mufano munjine, achamba, "Ufalume wa Mulunguni unafanana na mbeyu ya harradali ambayo mutu wehala na kuinyala kahiza mundawe. ³² Mbeyu ii hakika ni tite kuriko mbeyu injine zosi. Lakini imeraho kukala bomu kuriko mimera yosi ya bustani, kukala muhi chasi kwamba tsongo wa angani kudza na kujenga chitsunzi kahiza makodzage." ³³ Achivambira mufano munjine keheri, "Ufalume wa Mulunguni ni here chachu iratu iriyo halwa ni mwanamuche na kutsanganya kwa vipimo vihahu kwa unga mupaka virurumuke. ³⁴ Gago gosi Jesu weganena kwenye umati kwa mufano. Na hasiho mufano kagombere chochosi kwao. ³⁵ Ii yekala kwamba chiratu chirichogoma kunenewa kuchirira kwa mujumbe chiweze kutimi, haratu arihogomba, "Nindafugula kinywa changu kahiza mufano nindagomba mambo gaga garigoka gadzifichwa hangu misingi ya urimwengu." ³⁶ Kisha Jesu wevaricha umati na kwenda nyumbani. Anafunzie vemwendera na kwamba, "Hufafanulire mufano wa magug mundani." ³⁷ Jesu wejibu na achamba, "Anyalaye mbeyu mbidzo ni mwana wa Adamu. ³⁸ Munda ni urimwengu, na mbeyu mbidzo, kukala ni ana a mufalume. ³⁹ Na mavuno ni mwisho wa urimwengu, na avunaji ni malaika. ⁴⁰ Here viratu magugu gakusanyavyo na kuochwa moho, vivyo ndivyo indivyokala mwisho wa urimwengu. ⁴¹ Mwana wa Adamu andahuma malaikawe, na kukusanya kombola kahiza ufalumewe mambo gosi garigosababisha dhambi na varatu vatendao maasi. ⁴² Wandavatsuha vosi kahiza tanuru ya moho ambako kundakala na chiriro na kusaga meno. ⁴³ Ndiho atu enye haki vandiho ng'ala here jua kahiza ufalume wa paba yao iye ariye na masikiro na asikie. ⁴⁴ Ufalume wa Mulungu ni here hazina iliyofichwa mundani. Mutu achiyona na kuificha kahiza furahaye achenda kuza vyosi arivyokala nayo, nakugula munda. ⁴⁵ Keheri ufalume wa Mulunguni hehe mutu ahendaye biashara atafutaye lulu yeye thamani. ⁴⁶ Wakati arihoyoni iratu yenye thamani, wekwenda achikuza chila chitu arichokala nacho na ichiigwa. ⁴⁷ Ufalume wa Mulunguni nihere nyavu ndani ya bahari, na kwamba kukusanya viumbe vyachila aina. ⁴⁸ Urihojala avuvi veuvuha ufukweni kisha vachisagala hotsi vachikusanya vitu vidzo ndani ya vyombo, lakini visivyo na thamani vyetsuhiwa kure. ⁴⁹ Indakala namuna ii kahiza mwisho wa dunia. Malaika vandadza nakuatenga atu aovu kukiza miongoni mwa enye haki. ⁵⁰ Na kuvatsuha ndani ya tanuru ya moho, ambaho kundakala na maombolezo na susaga meno. ⁵¹ Mudzifahamu mambo gosi gaga? Anafunzi vemujibu, "Ndevyo." ⁵² Kisha Jesu achivajibu, "Chila mwandishi ambaye adzikala mwanafunzi wa ufalume anafanana na mwenye nyumba ombozaye kahiza hazinaye vitu visha na vyakapindi. ⁵³ "Ichikala Jesu arihomarikiza mifano yosi, iyo, achiruka kahiza sehemu iyo. ⁵⁴ Kisha Jesu achifika kahiza mukoawe na achivafundisha atu kahiza sinagogi matokeoge nikukala veshangaa na kwamba, "Nihiko mutu yuyu arikopata hekima bomu na miujiza ino? ⁵⁵ Mutu yuyu seye mwana wa seremali? Mariamu seye mameye? Nanduguze seye Yakobo, Yusufu, Simoni na Yuda? ⁵⁶ Na dadaze funao haha hehu? Be mutu yuyu adzigapatahi gano gosi?" ⁵⁷ Wevatsukiza, lakini Jesu wevambira, "Mujumbe kakosa kukala na heshima isihokala kwao na kahiza intsi yao, ⁵⁸ na kawezere kuhenda miujiza kwa sababu kavakarire na imani naye. Mwana wa Adamu andahuma malaikawe, na kukusanya kulaiza ufalumewe mambo gosi garigosababisha dhamba na varatu atenda maasi.