¹ Ii ni mara ya hahu kwamba nadza kwenu, "Chila shitaka lazima rithibitiswe ni mashahidi eri au ahahu. ² Nevambira kare vo vario henda dambi kabila na kwa anjine vosi wakati niriho kala kuko mara ya hiri, na nanena kehere. Nindiho kudza keheri, sindavavumirira. ³ Navaambira ninwi gaga kwakukala munaushahidi kwamba masihi wanena kuchirira mimi. Iye si mudaifu kwenu, badalaye iye ni mwenye nguvu ndani yenu. ⁴ Kwa kukala wesulubishwa kahi za udaifu, ela yumoyo kwa nguvu za Mulungu. Kwa kukala siswi fudaifu ndaniye ela fundaishi naye kwa fudaifu ndaniye, ela fundaishi naye kwa nguvu za Mulungu kahikahi yenu. ⁵ Dzipelelezeni enye kwonekala mukahi za imani. Dzipimeni enye khamugudua kukala Jesu masihi yu dani yenu? Iye yumumo, vinjinevyo kala khamudza hakikishwa. ⁶ Na nina uhakika kukala ninwi mundagundua kukala siswi khafukahalirwe. ⁷ Sasa fwa voya kwa Mulungu kukala musidze mukahenda chochosi chi. Sivoya kukala siswi fukale fwaonekane fweshinda majezo. Badalaye navya kukala muweze kuhenda chiricho sawa; Idzahofwaweza kuonekana here fweshinda jaribu. ⁸ Kwakukala khafuweza kuhenda rorosi chinyume na jeri, ele nikwa ajili ya jeri tu. ⁹ Kwa kukala funahamirwa wakati fundiho kaladaifu nanwi muchikala na nguvu fwavoya pia kukala muweze kuhendwa akamilifu. ¹⁰ Nagaandika mautu gaga nichikala nikure nanwi, ili kwamba wakati ninchikala hamwenga nanwi sihitaji kuvonyesa ukari ninwi kahi za kuhumirira uwezo wangu, ambago Bwana arigonipa mimi nivajenge na sikuvabwaga. ¹¹ Bai sasa, ndugu, hamirwani! Hendeni kazi kwa ajili ya kuvyirwa, mwenjizwe moyo, fikiriani sawasawa, muishi kwa amani, na Mulungu wa uhenzo na amani andakala hamwenga nanwi. ¹² Lamusanani chila mumwenga kwa busu takatifu. ¹³ Atakatifu vosi a Mulungu vavalamusa. ¹⁴ Neema ya Bwana Jesu masihi, uhenzo wa Mulungu, na ushirika wa roho mweri ukale hamwenga nanwi yosi.