¹ Kombola pkwa m'wanamuche ariyeunulwa na ahohoe,niwahenzao kahi za jeri na si mimi hacheye ela na arau osi waimanyayo jeri. ² Pkwasababu ya jeri iriyo ndani yehu na indiyodumu nafi kare na kare. ³ Neema,rehema na amani zindakala nafi kombola kwa Mulungu Baba na kombola kwa Jesu Masihi,Mwana wa Baba,kahi za jeri na uhenzo. ⁴ Ninahamirwa vibomu kumanya pkwamba kahi za ahoho angu wanenenda kahi za jeri,here viratu hurivyohochera lagizo riri kula pkwa Baba. ⁵ Na vivi nakwambira uwe,mwanamuche,si kwamba nakwandikira amuri mbisha ela niiratu ya kula mwanzo,kwamba hunahenzekana huhenzane fifi kwa fifi.Na uu ndio uhenzo,huhenzekanao hukale nao kulengana na amriye. ⁶ Ii ndiyo iratu amuri,here murivyoisikira kula m'wanzo,pkwamba munahenzekana pkwenenda kahi za iyo. ⁷ Pkwa kukala akengi anji wadzenera kahi za urim'wengu,na kawaungama kukala Jesu Masihi wekudza kahi za mwiri.Yuyu ndiye mulongo na mkahala Masihi. ⁸ Dziloleni mwimwi enye mukale kam'wangamiza mambo garatu hurigo gahendera kazi,ili kwamba muweze kunoswa kwa kamili. ⁹ Yoyosi aendereraye mbere na kakala kahi za mafunzo ga Masihi,kana Mulungu.Iye akalaye kahi za mafunzo yuna Baba na Mwana pia. ¹⁰ Chikala mutu yunadza pkwenu na kareha funzo riri, musimuhenzeze kahi za nyumba zenu na musimulamuse. ¹¹ Pkwakukala amulamusaye nikukala yuham'wenga naye kahi za mahendo mai. ¹² Ninago manji gakuwandikira,na sihenzere kugandika pkwa karatasi na wino.Lakini nina makuluhiro gakudza pkwenu na kusumurira uso pkwa uso,pkwamba kuhamirwa kwehu kukamilike. ¹³ Ana a mwenehu wenu mtsagulwa wanawalamusa.