¹ Kabhili namwene lyuly lya lenu ni kyalo kya lenu pantu liulu lyatendeko ni kyalo kya ntendeko vya pitile kale, ni menda teya bhanga yalipo kabhili. ² Namwene muzi upalilwe, yeluzalema ya lenu wasiyokele pansi kufuma kumulu kwa leza wateaniziwe ngasibhwinga wapentelwe juya mulumwe wakwe. ³ Naunvwile lizuwe likata kufuma mukutebhe kya, bhukolo lya landa, “Kenya! Kukikala kwa leza kulipamo ni bhantu bhakwe ni leza mwine wakabha nabho ni kuya wali leza wabho. ⁴ Wakapukusa kila mensozi kufuma mumenso abho, kabhilitepakabha pali mfuwa kabhili kulosiya, ao kulila ao misa mambo akale apatile. ⁵ Wene inzi ubhanga waikele pamulu kitebhe kya bhukolo walandile, “Kenta! Nakita mambo onse kuyaali alenu. “Walandile, Lemba inzi pantu milandu ezi niya kisinka ni kisinka” ⁶ Wang’anine, “Mambo aza yasinikizwa! Nene ni wantendeko niwampelezio, tendeko ni mpelezio. Kwa onse uliwamona kiaka nikampela vya kumina bhilakalama kufuma mukufulumiya kwa menda abhukose. ⁷ Wene aliwavinda wakapiana mambo aza, kabhili nakabha nalileza wakwe, nawe wakabha mwanawane. ⁸ Inzi ngakinsibhili kwa bhamwenzo, bhasizumine bhali bhafipiya, bhangi pani, bhabhukambwe, bhandozi, bhapepa mikisi nib ha bhufi bhonse, fuasi yabho yakabha yali ni mukizibha kya mlilo ni kibhiliti uziwaziziya. Eviya iziyomfuwa ya bhubhili” ⁹ Umo wa Malaika sabha waizile kwane, wene ubhanga wali ni masani sabha abhanga aizuzi kuumana sabha kwa mpeleziyo kabhili walandile, “iza panu ndekukulanga na bhwinga, mukazi wa mwana wamukoko” ¹⁰ Kabhili natweme kule kimupasi kukapili kakata kapelle wandangile muzi uweme, yeluzalema wakoka pansi kufuma kumulu kwa leza. ¹¹ Yeluzalema ubhanga wali ni bhupalo, bhwa leza nikuwama kwakwe ubhanga waling akita kya mutenge, ngalibhuwe lya kizino kuweme layasipi. ¹² Ubhanga wali ni kibhumba kukata kya lepele kyali ni milyango likumi na ibhili, pamo ni Malaika likumi na bhabhili pamilyango pabhanga pali palembwele mena ama kabhila likumi nabhili ya bhana izilaeli. ¹³ Bhwengo bhwakutula kobha kubhanga kwali ni milyango itatu, bhwengo bhwakukusi milyango itatu, bhwengo bhwa kuzikakoloha milyango itatu. ¹⁴ Wakabhakuya wali muzi uli ni misinzi likumi na ibhili, ni pamulu pakwe pabhanga pali ni mena likumi na bhili abhasambi likumi abhabhili bhamwana wamukoko. ¹⁵ Wene watendele ni nene ubhanga wali ni kipimo kya mfimbo kyakitilwe kwa noro yakupimina kumuzi, milyango yakwe ni kibhuma kyakwe. ¹⁶ Muzi wakulilwe mulabha; kulepa kwakwe kubhanga kwali saw ani kuitana kwakwe wapimine muzi kwa kipimo kya mfimbo stadia 12,000 kwa kulepa (kulepa kwakwe, kutana, ni kulenduka vyapalene) ¹⁷ Eveliya vyonka wapimine kibhumba kyakwe, kutana kwakwe kubhanga kwali zila 144 kwa bhipimo vya kimuntu (vyene penka bhipimo vya Malaika) ¹⁸ Kibhumba kibhanga kyakuliwe kwa yasipi nao muzi noro iweme, ngaeveliya kizino kiweme. ¹⁹ Misinzi ya kibhumba ibhanga yapentelewe ni kila namuna ya libhuwe lya mutengo. Lyatendeko libhanga lyali ya sipi; iyabhubhili libanga lyali yakuti ni nsamawi lya bhutatu libanga lyali kalikendoni niliyahuna zumalidi, ²⁰ Niliyabhusano salidoniki, niliya sita iyali akiki, ni lya sabha lyabhanga lyali Kristoloto, ni lya munane lyakutwa zabalajadi, lya kenda lya kutwa yakuti ya mandiano, niyalikumi lyakutwa Krisoplaso, nalikumi nakamo lyakutwa iyakinto, lyalikumi na tubhili lyakutwa amesisito. ²¹ Eliya milyango likumi na ibhili ibhanga yali lulu likumi na ibhili, kila mulyango wakitilwe kufuma kululu limo. Meta ya muzi ibhanga yali noro iweme, yamwenekele nga kizino. ²² Nsiyamwene kipwilo kyonse mukati kamuzii, pantu bhwana leza watwimanina juu ya vyonse, ni mwana wa Mukoko ni kipwilo kyakwe. ²³ Muzi towakebhele kabha ao kwezi inzi kwanika ju yakwe pantu bhufumu bhwa leza bhwasanikile juu yakwe, ni lampi yakwe ni mwana wa Mukoko. ²⁴ Bhakukyalo khakenda bhamusaniko wa muzi ozo. Ni nfumu ya kyalo bhakaleta makola abhomukati kakwe. ²⁵ Milyango yakwe teikazaluwa nsita kobha, kabhili tepakabha bhukisu paliya. ²⁶ Bhakaleta makola ni mukinzi kubhakukyalo mukati mwakwe, ²⁷ Kabhili tekuli kifitile kyakengila mukati mwakwe wala onse aliwakita vintu vyonse vya mufipiya ao kubhepa; inzi nibhaliyasiye menabho alembelwe mukitabhu kya bhukose kya mwana wa Mukoko.