¹ Basi nsita ya mambo aza naumvwile lizuwi nga likata walibhumba likata ya bhantu kumulu ya landa, “A tasiwe okovu, bhutukufu, nim aka ni vya leza wetu. ² Lipungulo bhakuwe nibhwa kisinka ninsambu, pantu wamupingula wabhukambuwe mukulu wainonene kyalo kwabhukambuwe bhakuwe wakita kulipiziya kwa milopa yabha bhomvi bhakuwe, inzi waitilile wene mwene” ³ Kwa mala ya bhubili bhalandile, “Atasiwe viyunsi kufuma kwakuwe muyayaya ni muyayaya” ⁴ Bhaliya bhakalamba makumi abhili na bhana ni bheliya viyumbe vikosele vina bhafukeme ni kumupupa leza wikele mukitebhe kya bhukolo. Bhabhanga bhali mukulanda, eviyo sile. Atasiwe!” ⁵ Penka lizuwi lyafumine mukitebhe kya bhukolo, lyalanda, “Mutasiya leza wetu, memuwe bhaziya bhakuwe bhonse, memuwe, bhali bhamukinda, bhonse bhasili nabhupingulo ni bhali namaka” ⁶ Kenta panaumvwile lizuwi nga lizuwi lya libhumba likata lya bhantu, nga lizuwi lyakatuto kamenda engi, nga eveliya vimbulumiya vya nkubha, vya landa, ’atasiwe!” pantu Bhwana leza wetu, wamaka, uwimanine juu ya bhonse, wamanine. ⁷ Kabhili tupupe ni kutona nikumupela bhutukufu pantu bhuwinga nikusansamuka kwa mwana wa Mukoko kwaiza, ni bhibhi na bhuwinga uwikele sawa.” ⁸ Wapinguiluwe kuvwikwa kitani kiweme niwene ng’umba (Kitani kiweme ni lwendolwasambu yam isa) ⁹ Malaika walnda ni nene, “Lemba aza bhapaluwa bhaliya bhakupiluwe kukukinda kubhuwinga bhwa mwana wa Mukoko.” Eveliya vyonka wangalanine, “ezi milandu yakisinka yaleza” ¹⁰ Nafukamine tanzi yamaulu pakuwe namupepo, inzi wang’gana, “Tekukita evi! Nene ni muziya mwinobhe niwalupuwa lobhe ukwete bhutemuwe bhwa yesu. Mupepe leza pantu bhutemuwe bhwa Yesu ni mupasi wabhu kasesema” ¹¹ Kabhili namwene kumulu kwaizuka, nakenta kubhanga kwali ni fulasi wasuwe! Ni eliya ubhanga wamuselele wakutuwa wakisinka ni kisinka. Kupingula kwa nsambu nikukita bhita. ¹² Menso akuwe nga eveliya musaniko wamulilo, ni pamulu mutuwe pakuwe pali tazi ingi. Alinilina lyandikilwe pamulu pakuwe lisimanine muntu ingawene mwine. ¹³ Uvwele ngubho yabhikilwe mumilopa, ni lina lyakuwa wakutiluwe mulandu wa leza. ¹⁴ Balukale bhakumulu bhabhanga bhamukonkele juu ya fulasi wasuwe, bavwikiluwe ngubho iweme, yasuwe iweme bhwino. ¹⁵ Mukanuwa kakuwe mwafuma kipanga kinonekele kili kyaipaya bhakukyalo, nawe wakabhemanina kwa mfimbo ya kyuma. Nawe watika vyombo vyakumininamo kwa kipuko kikata kyaleza, waimana pamulu bhonse. ¹⁶ Nawe walembuwa pamulu nghubo yakuwe ni mulitanta iyakuwe lina, MFUMU YA MFUMU NI BHWANA WA BHABHWANA. ¹⁷ Namwene Malaika waimene pakonha wab hakutile kwa lizuwi likata toni tonse tulitwapupuka mumulu, “Ize kolong;ane pamo kukyakuliya kikata kyaleza. ¹⁸ Ize muliye nama ya mfumu,nama ya majemadali, nama ya bhantu bhakulu, nama ya fulasi ni bhali bhasela pafulasi ni nama ya bhantu bhonse, bhali mukisinka ni bhaziya, nibhasili bhamana ni bhamaka” ¹⁹ Namumwene nama ni mfumu wa kyalo pamoni bhalukale bhabhp. Bhabhanga bhaipangile juu ya kukita bhita ni umo waselele pafulasi nibha lukale bhakuwe. ²⁰ Nama wakwetuwe nakasesema wa kuwe wa bhufi wakitile isiyala mumaka akuwe, kwa isiyala ezi wabhabhepele bhaloa bhapokelele chapa ya nama ni kuipupa mikisi yakuwe. Bhonse bhabhili bhapozeluwe bhakosele mumulilo uliwalema wa kibhiliti. ²¹ Bhaliya bhasyele bhaipaluwe kwakipanga kwa fumine mukaniwa mwa umo ubhanga waselele pamulu fulasi. Toni tonsie bhalile minzolo ya mibhili yabho.