¹ Kabhili namona isiala inge kumulu, ikata kabhili yakupapiya; kubhanga kwali ni Malaika sabha bhali ni kumona sabha, ene abhanga yali kumana kwa mpeleziyo muwazo kipuka kya leza kibhanga kyasininkiziwe. ² Namwene keliya kyapalene nga bhali ya masani ibhanga yatiyainguluwe na mulilo, kabhili yaimene pambali pabhali inzi kwa bhaliya bhabhanga bhavindile kukila yaoloya nama ni mikisi yakuwe, ni pamulu namba iliyasininkizya lina lyakuwe. Bhabhanga bhakwatilile vinanda vibhapeuwe na leza. ³ Bhabhanga bhaimba lwimbo lwa musa, muziya ya leza, nilwimbo la mwana wamukoko; “lwendo lobhe ni lukata kabhili lwa kupapiya, Bhwana leza, uliwapingula vyonse wakisinka ni nzila yobhe niyakisinka mfumu wamataifwa. ⁴ Nani alikukutina wewe Bhwana nikupupa lina lyobhe? Pantu wewe bhunke niwa kukupupa ntanzi yobhe pantu uweme ni lwendo lobhe limanikile. ⁵ Basi pa nsita eviyo nakentele, nifwasi yabhatakatifu sana, pabhanga pali niliyemo yabhutemuwe, ibhanga yakakwite kumulu. ⁶ Kufuma pamewe sana bhaizile Malaika sabha bhali bhaumana sabha, bhavwele maubho aweme, kitani yabheka nimusipi wa noso kuzyunguluka nkulo yabho. ⁷ Umo wabho wabhaliya viyumbe bhali ni bhukose bhana wafumiya kwa Malaika sabha ma sani sabha ya noro abhanga aizuzi kipuka kyaleza wikele muyayaya ni muyayaya. ⁸ Fwasi yabhutakatifu sana kwaizulile vyiunsi kufuma kubhupalo bhwa leza ni kufuma kumaka akuwe. Tekuli ata kwa sabha kwa Malaika sabha payasininkizi ziwe.