¹ Niyali ikata yamwenekele kumulu; mwanakazi ubhanga wavimbiluwe na kobho, kabhili walini kwezi pansi pamaulu akwe; ni tazi ya ntanda likumi na ibhili ibhanga yalipamutuwe pakuwe. ² Kabhi abhanga waimisi kabhili ubhanga walila juu yam isa yakuvyala mumisa yakuvyala. ³ Ni yali inge yamwenekele kumulu; kenti kubhanga kwali ni kizoka kyakasi kikala kabhili kibhanga kyali nimituwe sabha ni masengo likumi, kabhili kubhanga kili ni tazi sabha kumituwe vyakuwe. ⁴ Mukila wakuwe wakulike seluji imo untanda kumulu. Ni kizoka waimene ntanzi ya mwanakazi ubhanga wakebha kuviyala, inzi pantu nsita waviyele, avinde kumuteleka mwana wakuwe. ⁵ Wavyele mwana, mwalalume, wene wakemanina mataifwa yonse kwa mfimbo ya kyuma. Mwana wakuwe wabhusiziwe kumulu kwa leza nikuvitebhe vyakuwe vyabhukolo, ⁶ Ni mwanakazzi wabhutukile kululambe, fwasi eliya leza pabhanga wateyaniziye fwasi juu yakuwe, inzi avinde kukwasiwa kwa nsiku 1,260. ⁷ Kabhili kubhanga kwali ni bhita kumulu. Mikaeli ni Malaika bhakuwe bhaumene ni oliya kizoka, nawe kizoka mukulu ni Malaika bhakuwe bhaumene nabho. ⁸ Inzi kizoka tabhanga wali ni maka akata kuvinda kwa eviyo tebhanga yalipo kabhili fwasi kumulu juu ya yakuwe ni bhamalaika bhakuwe. ⁹ Kizoka mukulu oliya kizoka wakale wakutuwa mulwani ao satano wene uliwabhepa, kyalo kyonse wapozwa pansi mukyalo, ni Malaika wakuwe wanapozeluwe pansi pamo nakuwe. ¹⁰ Kabhili naumvwile lizuwi likata kufuma kumulu. “Lenu okovu waiza maka nibhukolo bhwa leza wetu, ni bhuvinde bhwa kristu bhwakuwe pantu uliwasitakana walupuwa lwetu wapozuwa pasitakana walupuwa lwetu wapozuwa pansi wene wabhasi sitalike ntanzi yaleza wetu kobha ni bhusiku. ¹¹ Bhamuvindile kumilopa ya mwana wa Mukoko mikwa mulandu wabhutemuwe bhwabho, pantu tebhatonene sana maisaya abho mpaka kufuwa. ¹² Kwa eviyo, lumbuleni, memuwe kumulu, ni bhonse bhekele mukati kakuwe. Inzi waiyaya kyalo ni bali pantu mubhifi wakoloka kwenu. Waizuluwaa na kipuka kikata, pantu umanine ati alininsita yaipile. ¹³ Nsita kizoka pamanine ati wapozuwa papakyalo, wamukonkele mwanakazi oliya abhanga waviye;e mwana mwalalume. ¹⁴ Inzi mwanakazi wapeluwe mapapi abhili mukulu inzi pantu avinde kuiluka mpaka kufwasi yateyanziwe juu yakuwe koliya kukasebha, fwasi yasile kuvinda kutumwa, kwa nsita nsita ni nusu nsita fumeliya yasivinda kufika ozo kizoka. ¹⁵ Kizoka waitilile menda kufuma mukanu mwakuwe nga mumana, inzi wakitile mva yakumwipaya. ¹⁶ Inzi bhulongo bhamukwasiziye mwanzakazi. Yatupukwile kanuwa kakuwe ni kuteleka mumana oliya wakufwila kizoka kufuma mukanuwa mwakuwe. ¹⁷ Kabhili kizoka wamufipiluwe mwanzakazi nawe wabhukile nikukita bhita niluvyalo lwakuwe lonse bhaliya bhalibhakindika amuri ya leza ni kukwasianaiya bhetemuwe juu ya Yesu. ¹⁸ Kabhili kizoka waimene pamulu musenga mumbali menda.