¹ Yabhanga aho Yesu alabha atikila kufuma mulugulu idale ikulu lye bhantu lilamulondezya. ² Muntu umwi we mbizi Aliza alamwisenga mubhutonzi bhwamwe alamubhwila oti mukamawane olo ulatogwa nekusabha umpunizye aga malwele”. ³ Yesu alagolola kubhokokwamwe alamukumika alayomba usile malwelegako, nembizi yamwe ilasilanekusila. ⁴ Yesu alamubhwila oti utakizakumubhwila muntu tyoyowona golola nzila imwinaimwi kuzya halimugabhizi ne uzye upunwye luhambo kati omwo ilalagilizibhwa ne Musa ne bhibhonelezye” ⁵ Aha Yesu ahika Kapernaumu muntu mukulu umwi we bhasilikale alizahawamwe alamwikumbilizya. ⁶ alamubhwila oti mukamawane muzyanawane alikaya nawe alele nekandi ne mulemale ne alinemanegelo makulu muno.” ⁷ Yesu alamubhwila oti nkwizayo nize musizye". ⁸ oyo muntu mukulu webhasilikale alamubhwila oti mukamawane ntekwenda kukwagalazya oti wize kaya wane byo yombamuhayotuhu ne muzyanzwane alusila. ⁹ Kulwekubha onene mwenekili ndinebhantu bhakulu eyone hamilimo kutumamilanga nekandi ndimukulu we bhasilikale olondamubhwila umwiwabho oti zya halebhe nawe atakukemanga nolooti iza aha akwizanga ne muzyana wane olondamubhwila oti gema oti akugemanga kati omwo inamubhwilila. ¹⁰ Aha Yesu alabha imvwa namuna eyone alakumya muno ngenaho alabhabhwila abho bhamulondezyanga oti nsyali kubhona kuzumya kukulu namuna eya nolo mubha Israeli kutaliho. ¹¹ Nekubhabhwi la oti bhinki bhalakiza kufuma kiya ne bhandi mweli nabhe bhalakikalisya sihamwi ne Abrahimu, Isaka, ne Yakobho mubhwami bhwemwilunde. ¹² Alahe bhana bhe mubhwami bhalakatagilwa mulizima lye helu ngeneyo kulakabha kulila ne kusya mino.” ¹³ Yesu alamubhwila mukulu we bhasilikale oti nuzye lelo ne ibhe katyomwo wazumigizye ne muzyana alasila mwikanza elyone. ¹⁴ Aha Yesu alabha ingila munumba ye mwa Petro alamusanga nina bhukwe ali allele nawe ali ne muswiza ne manegelo makulu muno. ¹⁵ Yesu alamukumika hakubhoko ne muswiza gulamuvwako alabhuka alamu tekela syekulya. ¹⁶ Aha yabha kagolo bhalamuletela bhantu bhinki bhe bhwingilwe ne misambwa nawealabhasizya. ¹⁷ Ne munamuneyone galahikilizibhwa ago galigayombilwe ne muhangizi Isaya, ”awenemwenekili alagabhusya malwelegitu sihamwi ne bhukokolo bhwitu." ¹⁸ Ilabha aha Yesu abhona bhantu bhinki bhamupilime alabhalagila kuzya lubhahilundi lwe Nyanza ye galilaya. ¹⁹ mwanndisi umwi alamwizako ne alamubhwila oti [mwalimu] nkukulondezya tyahohona aho wekuzya. ²⁰ Yesu alamubhila oti namihabhwa zili ne mapango gekwibhisamo ne noni ziline vyali, alahe one mwana we muntu atali ne hekulazya nolo mutwe gwamwe.” ²¹ Muhemba umwikandi alamubhwila oti mukama ntahyembela nzye muzike muzyele wane.” ²² Yesu alamubhwila oti nilondezye ne ubhaleke bhafu bhazike bhafu bhabho.” ²³ Yesu alabha ingila mubhwato bhahemba bhamwe nabhe bhalamulondezya bhalingilamo mwobhwo bhwato. ²⁴ Yabhelaho muyaga mukulu gulabhukamo munyaza kuhika bhwato bhulafundikilwa ne mahuli. Mumakanza agonegona Yesu ali mutulo. ²⁵ Bhahemba bhamwe bhalamuzyako ne bhalamuhalamusya eno bhakumubhwila oti “ Mukama tulokole twekuyabhala!” ²⁶ Yesu alabhabhwila oti nekusi mwekwobhaha imwe bhekuzumya kudo? Ngenaho alahalamuka ne alaguhangizya muyaga ne Nyanza hanuma vilabha vyalembela. ²⁷ Bhantu bhalakwatwa ne ndendebhazi bhalayomba mukubha oyane ne mntu si kuhika ilabha oti Nyanza ne muyaga vyekumwimvwa?” ²⁸ Yesu alabha ahika lwande lundi lwe nsi ye Magadala, Bhagosya bhabhili abho bhali bhalingilwe ne misambwa bhalasanzya nage. Nabhe bhapunanga mumavizila nabhe bhali bhalambemuno ne ataliho nolo muntu umwi oyo ahitanga mweyo nzila. ²⁹ bhalabha bhamubhona Yesu bhalahamuka bhakuyomba mukubha, Itwakuhubhya si obhe Yesu mwana we MUNGU? Nekusi wiza kutuyabhazya eno makanzagitu gekuyabhazibhwa gasyali kuhika?” ³⁰ Lyaliho idale ikulu lye ngulubhe likudima hihinabho, ³¹ masabhwa galamubhwila Yesu oti olo ukatubhingamo mwabha bhantu utuzumilizyelelo tuzye twingile mwelyo idale lye ngulubhe.” ³² Yesu alabhabhwila oti nemuzye masambwa galabhavwako ne galazya kwingila mwelyo idale lye ngulubhe ilabha ngulubhe ahazyabhonayabha otine idale lyonane lililukila munyanza ne kufwilamo. ³³ Bhandimi bhe ngulubhe bhalabha bhabhona yabha namuna eyone bhalilukakuzya kaya nabhe bhalazya kuganenelezya gonane ago bhalabhona ne munomuno kweyo ilabhilongela abho bhali ne masambwa. ³⁴ Syalo syonane siliza kumusanganila Yesu, ne bhalamwikumbilizya mukubha apunemo mumuzengo gwabho.