¹ Mwitegelezye mukubha oti mutizakubha mukugema vigemo vinu mbele ye bhantu kubha oti bhabhabhone omwo mwe kugemela kulweyo mutakupandika mpela kufuma mwisefwe we mwilunde. ² Oti oloulabhuka kuzya kutanga luhambo utakafula mpembe nolo kwikumilizya mwenekili katiomwo bhibhelezya bhakugemelanga mumasalililo gabho ne mumazila eno bhakukobha bhantu bhabhakumilizye. nekubhabhwilamukubha bhamazile kupandika mpelayabho kufuma mubhantu. ³ Oti oloulabhuka kuzya kutangaluhambolwako witegelezye oti nolo kubhokokwako kwe lumanso kutakamanya esyosilimo mukubhoko kwe bhulyo. ⁴ Oti luhambolwako lubhe lwe mukapuzyo ngenaho so wako oyo akubhonanga mukapuzyo akukuha mpelayako. ⁵ Oloulabhukizya kusalila utakabha te bhibhelezya omwo bhakugemelanga abhe bhalibhusime kwimilila mumabalabala ne mumasalililo nehampelo ye nzila mukukobha bhabhonwe ne bhantu oti nekubhabhwila bhakubha bhamazile kupandika mpela yabho. ⁶ Oloulabhukizya kusalila ingila munumba ne wegeke muzigogwako ne usalile mubhutonzi bhe mwa so wako oyo alimukapuzyo ngenaho sowako oyo akubhonanga mukapuzyo akukuha mpelayako. ⁷ Nahene oloulabhukizya kusalila utakabha ukusubhilizya mihayo ezilyane kati bhanamahanga omwo bhakugemelanga mukwiganika oti bhakudegelekwa kulwemihayoyabho eyobhekuyomba kubha minki. ⁸ Ngenahe utakiza kubha kati abhone kulwekubha so wako ekumanya agowekukobha nolo usyalikugamubhwila. ⁹ Nahe oloukusalila salila oti isefwe wemwilunde izinalyako lifuhulwe. ¹⁰ bhwamibhwako bhize agowekusima gagemwe ahahabhwelelo kati omwo hali mwilunde. ¹¹ utuhe eyabhulelo silibhwa sye kila lusiku. ¹² Utubhelebhwila mabhigitu kati omwo twekubhabhelabhwila abho bhalinebhubhi hiawitu. ¹³ Ne utakatuleka tukiza kugemezibhwa utusizye tutakiza kusanzya ne mubhi syetani kulwekubha bhwami nebhako ne nguzuzyonane nikuzyo bhwelelo ne bhwelelo [amina] ¹⁴ Olo mulabhabhelabhwila bhantu mabhigabho ne isenwe we mwilunde alakabhabhela bhwila mabhi ginu. ¹⁵ Olo mutekubhabhela bhwila bhantu mabhigabho isenwe we mwilunde atenkabhabhela bhwila mabhi ginu. ¹⁶ Nekandi mwagone gona olo ulimumafungo bhusyobhwako bhutakabha bhwe bhupinihale kati omwo bhibhelezya bhakugemelanga, bhakumininkazyanga bhusyo bhwabho mukukobha bhantu bhabhamanye mukubha oti bhali mumafungo nekubhabhwilamukubha nhana bhamazile kupandika mpelayabho. ¹⁷ Olo obhe ulimumafungo siga mafuta mumutwegwako ne wivugute bhusyo bhako. ¹⁸ Mweyo bhantu bhatakumanywa mukubha oti ulimumafungo ikubha tuhu hali so oyo ali mukapuzyo nge akukumanwya mukubha ulimumafungo nekubha so oyo akubhonanga mukapuzyo akukuha mpela yako. ¹⁹ Mutakabha mukwibhikila nsabhoa aha mubhwelelo bha dudu ne bhukelebhe bhukukenagulanga ne bhivi bhakubhomolanga ne kwibha. ²⁰ Alahe mwibhikile nsabho yinu mwilunde eyo oti nolo bhadudu nolo bhukelebhe bhutenkakenagula ne bhivi bhatenkabomola bhalibha. ²¹ Kulwekubha nsabho yako aho ili nge ne mwizo gwako aho kulakazya kubha. ²² Linso ne mwangalazima gwe mubhili ololinso lyakonihanga mubhiligwona gukwokala mwangalazima. ²³ Ololinsolyako lilabha ibhi mubhiligwakogwonane kukwokala lizima,olo mwangalazima ogwogulimukatiyako gulabha lizima nke likubha lizima ikulu nabhasi!. ²⁴ Ataliho muntu oyo enkabhatumamila {bhisyebhuzya} bhabhili kulwekubha akumugayaho umwi ne akumusimaho umwi nolo akubha halumwi ne umwi nekandi oyoundi akumugailizya. Mutenkamutumamila Mungu ne nsabho. ²⁵ Mutakizakubha ne bhwobhahe mu maishaginu mukwiganikaoti mukulyasi ne mukunwasi nolo mibhili zinu oti mukwambala si nahe bhuhanga bhutekukila silibhwa ne mubhilil gutekukila syambalwa? ²⁶ Mulinge mukubha oti noni ezyo zikulalanga mwigulya zitakuhambanga nolo zitakwimbulanga nolo zitakubhikanga mwibhikilo alahe isenwe we mwilunde akuzihanga silibhwa imwe mutali bhebhumanike mwa Mungu kukila noni? ²⁷ Nende umwiwinu mukwikoya koyela oyo enkakulehya kubhoko kwamwe nolo Maisha gamwe? ²⁸ Ne kusi mwekubha ne bhobha kuvyambalwa? Hani mugiganike malabho ge mumalale omwo gakukulilanga. Katakutumamanga ne gatakwilisyanga. ²⁹ Nsyabhabhwilamukubha oti nolo Sulemani mwikuzyo lyamwelyonane atalambikwa kati omwo gakwambikilangwa ago malabho. ³⁰ Olo ikabha Mungu ekugambika matutu ge mumalale ago gakulamanga lusiku lumwine igloo galatagwa mumalilo atakubhabhegezya mikulumuno imwe bhe kuzumya kudone.? ³¹ Nahelelo mutakabha ne kwobhaha mukwiganika kubha mukulya si ne mukunwa si nolo mukwambala si. ³² Kulwekubha bhana mahanga bhakugakoyelanga agone gona ne isenwe wemwilunde ekumanwya mukubha oko mwekugakobha agone gona. ³³ Mutange mubhukobhe bhwami bhwe mwilunde sihamwi ne nhanayahe mbela hanuma nagone gandi mukugahebhwa gabhe ginu. ³⁴ Nahelelo utakabha ne kwibhugilizya kubhwobha mumwizo gwako kulusiku lwigolo gigolo galimanizye menekili. Kulwekubha bhulilusiku lukubhanga ne makoye galwo lwenekili.