¹ Otine ne kukuandikila ayane baluba ne ye kabili mukukwibukizya mubwenge, ² Kungoko wibukile magambo ago galayombwa banabii batakatifu kungoko ye ilagilo lye Mukama witu mukomozi kuhitila batumwa bamwe. ³ Mumanie mukuba balegani balakiza ku nsiku zye kuhelezya kubalega imwe, bakuzya kulonda omwo be kutogelwa abe. ⁴ Bakuteta oti gulihi ogwo muhayo mulabwilwa oti Mukama winu ala sube kandi? Bisenwe balafwile lelo vintu vili omulyane vilasumbilwa kale na kale. ⁵ Baligeme kuba oti basuhite mukuba nsi ne ilunde viligela kuhitila minzi aho kalenakale, ku igambo lye Mungu, ⁶ Ne kandi kuhitila igambo lyamwe ne minzi galaba bwelelo ku itungo elyo, kwiigambo lye Mungu nsi ila lobela, ⁷ Kwotine ilunde ne nsi zilatuzilwe kungoko ye mulilo ku igambo elyo ataliho oyo alakazikumya ku lindilila lusiku lwe muhelo gwe nsi, mukuhela bantu abo batekuzumya Mungu. ⁸ Badugu mwitegelezye elyane igambo mukuba lusiku lumwi ku mukama ne kati myaka sihumbi. Ne myaka sihumbi ne kati lusiku lumwi. ⁹ Itali oti Mukama ekugema hadohado mukulindilila kuhika kwe igambo elya kati omwo bantu be kwiganikila. Lelo awe ne mwiyomelezya kungoko yinu awe atekutogwa nolo muntu umwi abule, lelo ekuikubwa ku sola itungo kungoko bantu bagwe mumagulu kumu sababwila. ¹⁰ Lelo wibukile mukuba lusiku lwe Mukama lwe kwiza kati mwivi, ilunde lilakahita mukuyoga mukwikindimula. vintu vyona vilakaziga ku mulilo. Nsi ne vintu vyona evyo vilimo vilakolekezibwa (kufundukulwa). ¹¹ Mukuba vintu vyona vilakazizibwa kunzila ye mulilo. Nge kuyomba ulakaba muntu si? Umpilukile Mungu wikale sitakatifu. ¹² Wonvwe widegeleke ne umanie bwangu kuwiza kwe lusiku lwe Mungu lusiku olwone ilunde lilakahya ne kuzizibwa ne mulilo ne vintu vyona vilakaba kati minzi ku luhumbi lwe mulilo. ¹³ Mukwizigizibwa ne Mukama twlinzile ilunde nindi ihyahya ne nsi nhyahya, bantu be mu nhana bala kahangama. ¹⁴ Badugu batogwa mukuba twekulindilila bwizigizibwa bwe vintu evyo twiyomelezye tube minso, kuleka kusontwa ku mabi, ne tube ne mpola sihamwi nage. ¹⁵ Twitegelezye ne kwiyomelezya kwe Mukama witu kubulokozi, kati mtogwa mu bwenge obwo alahebwa. ¹⁶ Paulo ala lomela agone gona mu baluba zyamwe. Vilimo vintu evyo ne vigume kuvimania. Bantu batali ne isima ne bukomele bavibihizye vintu evyo, ne kati omwo bekugemela kumandiko mukuzya kuhela kwabo. ¹⁷ Ngoti lelo batogwa mukuba oko nge mwekugania ago. Mwilinde benekili mutiza kuhavibwa ne bubehi bwe balulujngania ne kubuzya bunhana. ¹⁸ Lelo mukule mu neema ne bumania bwe Mukama mukozi witu Yesu Kristo. Ikuzyo lili nawe nsiku zyona. Amina.