¹ Hano urusiko urwu kumunya rwahikire, Mariamu Magdarena (na) Mariamu nyoko wabho Yakobo, (na) Salome, bhakaghora amaghuta amarangasu, okoreke bhaghende kohaka omobhere ughwa Yesu. ² Kunkyo shiri iyu urusiko orotange ku shinsiko umuhungate, hano iryobha ryatore bhakaghya kombehera. ³ Bharashamerana abhene ko bhene, "Nawe aratuhiringitiriho reghena tosohe mombehera?" ⁴ Enkagha eno bhamahireho mbaroshe, reghena rera rihiringitibhwi, naho ninene ryarenge. ^{6 5} Bhakasoha mombehera bhakarora umumura aibhohire isumati endabhu, aikae bhoryo, bhakaroghoribhwa. Akabhatebhya, "Motakobhoha.Moratuna Yesu, Mnazareti, ono yabhambirwe. Aryokire!Tahanohe. Maha hara bharenge bhamotore. ⁷ Naho moghende,motebhi abhana bhegha bhaye igha atangatire kughya Galilaya.iyo moramomahe,kyaigho yarenge abhatebhiri." ⁸ Bhakemoka no okokenya kurwa mombehera; Bhararighita no okoroghora. Tebhaghambire kyokyonswe ko monto wowonswe ora ko bhora mbobhohire bhokong'u. ⁹ (Uhite: Ibhyorokeryo bhya kare tebhena Marko 16: 9_20) Inkyo shiri ku urusiko orotange urwu shinsiko muhungate, kurwa hano yaryokire,yatakaini (na) Mariamu Magdalene. ono yarusiri ebhehwe muhungate. ¹⁰ Yaimokire akatebhya bhara bharenge nabho, enkagha eno bhakuranga bhararama. ¹¹ Bhakaighwa igha mmohoru (na) oroshwe nawe, naho tebhamwitabhereyihe. ¹² Hano amang'ana ghano akamahekana aneitubho yende hano bhaghendanga kurwa mu bhyaro. ¹³ Bhakakyora nu kughya kotebhya bharikyabho, nabho tebhaitabhereyihe. ¹⁴ Yesu nho yiyorokiriko abhanabhegha bhaye ikomi no omwe hano bharyanga mwighari, akabhamera kobhora bhora bhakong'iri enkoro no ukwanga kwitabherya, bhora murikyabho yabhatebhyangaigha aryokire kurwa mobhaku. ¹⁵ Akabhatebhya, "Mwinare mukyaro kyonswe,no okotebherya eng'ana ko bhento bhyonswe. ¹⁶ Wowonswe ora yaitabherya no ukusubhwa nareryokibhwa, koora atakwitabherya narekengerwa ikina. ¹⁷ Ebherengyo bheno mbirighya ko bhoonswe bhano bhakwitabherya. Kohetera irina ryane mbarirusya ebhehwe. Mbareghamba ebheghambo ebhehya. ¹⁸ Mbareghotanga shinshoka (na) amabhoko, ghweki mbarinywanga kera ekento keno kikwita tekerebhanyaharahe. Mbaretora abharoye amabhoko aghu ubhuhwenya". ¹⁹ Hano Omonene Yesu yamare kushumansha nabho, akagheghwa kughya ighoro mwisaro, era aikaye kobhoko bhoryo bhwa Waryobha. ²⁰ Abhana bhegha bhakarwaho bhatebherya kera hase, no Omonene we abhimereye ko emeremo ghyoonswe bharahikya eng'ana era kokemanyeryo keno bhanakyo.