¹ UYuuda umdya uwakwa Yeesu kilisitu, ni walukolwake, Yako bo kubhale bhano bhisilwe, abhanyomwibhwa, kulitaata umlengi, ni bhano bhasungilwe kubhwela bhwa kwa Yeesu kilisitu. ² Inkumbu ni bhutekanu ni bhunyomwi, bhongediwe ukwinu. ³ Bhanyomwibhwa pano nalinkuchita chila katampa ukubhandikila umwemu ubhukuludi bhwitu bhonse, nalindazimike ukubhandikila chileka mbhayangule mpotanile ubhwaminifu ni iimani ino mwali mpilwe lumwine kubhaamini. ⁴ Kubhwela abhantu bhamwi bhalibhalingidye kubhubhisa pakate yinu-abhantu bhano bhali bhalibhatulilwe indubhi kubhwela bhwa hukumu -abhantu bhano asibhatakatifu bhano bhakulukabhula ichogongo cha kwa Mlengi witu chibhe ubhufisadi, ni kumkana uMweene Yeesu kilisitu. ⁵ Uluno nkunyomwa ukubhidukidya umwemu pamwi ni yakuti mwali mmanyile kubhukamilifu iyakuti Umwene abhakulwile abhantu ukufuma kunsi iya Misili, chileka abhangamize bhale bhano bhatakubhela. ⁶ Ni bhamalaika bhano bhatakitula ienzi yabho abhakolane bhamaleka ubhwikadi bhwabho umlengi amabhatula kuminyororo iya kufwa na kufwa, mkate ni giza, kubhwela bhwa hukumu iya lusiku lule ulukulu. ⁷ Kuti vile Sodoma ni Gomola ni inse dino dilibhidile, dine nadyo dingilwe kubhupundu kulonda itamaa ino asiya kafumo. Bhalibhalingidwe kuti chikolano icha bhale bhano bhakutempa kuhukumu iya kufwa na kufwa. ⁸ Nanti vivyo kundile yilenyene abhalota ndoto alabha nabho bhakulufifya imitele yabho, ni kukana ubhukulu, bhakupala ubhufe kuli mdeebha. ⁹ Nanti mikaeli umalaika umkulu, pano aliakupatana ni Lyogo ni kulikulibhudya nawe ubhwela ubhwa mtele ubhwa kwa Muusa, atali aedidye ukuleta ihukumu iya bhufe kulimkola, ila ali atakile ati, "Umlengi akukangule!" ¹⁰ Eelo abhantu bhakuleta ubhufe kuchonse chonse chino bhatamanyile.Ni chile chino bhatamanyile- chino ivikalakasi vino vinsina masala vikulumanya ku(silika)-alaga gano gabhanonile. ¹¹ Ole yabho! Bhano bhakupita mndila yakwa Kaini, ni kulonda amabhi agakwa Balaamu. bhakatekemela kubhuasi bhwaka Kora ¹² Ebha umiamba mkulivudya kwinu ni bhunyomwi, bhalivudya bila nsoni, bhakulilyisha abhakola nyene.Ni malunde gano gansina mandi, galisendwa ni mza, imiti ino itakwite viyabho ino ifwile lubhili, ino iipilwe imisisi ¹³ Ni mabhimbi aga pwani agalyangu gano gakufumya insoni dyabho bhakolane, ni ntongwa dino dikuyegyega dino ubhufifu bhwakwe bhutudilwe kubhwela bhwabho kufwa na kufwa. ¹⁴ uEnoko, uwa saba kuorodha ya kwa Adamu, alealagwile kubhakola ihukumu "Tontoma!umwene aidile ni makumi kwa makumi agabhatakatifu bhakwe. ¹⁵ Chileka achite ihukumu kuchila mntu ni kutula ihatia kbhonse bhano bhatakumlondela Umlengi kundila dyabho dyonse, bhano bhachisile kundila dino asidyachitakatifu ni kumapadi gonse agabhukali vino asbhatakatifu bhakaganena kulimkola. ¹⁶ Ebha ubhale bhano bhakunung'unsa, kunyukuntika bhano wakulonda itamaa dyabho idya bhubhi, bhanobhakulipilika ifaida yabho ukukobha abhandi. ¹⁷ Ila umwemu, bhanyomwi, idukilini amazwi gano galagilwe ikali ni bhadya bhakwe umwene Yeesu kilisitu. ¹⁸ Bhapadile ukwinu, "kumiaka dyakusilila kulubha ni bhantu abhabyeda bhano bhakulonda itamaa dyabho asidyachitakatifu." ¹⁹ Abhantu alabha ubhalegunkani, bhakutabhaliwa ni tamaa dyakufumo, na bhansina miodo. ²⁰ Lakini umwemu, mlitwile kuimani yinu takatifu, kuti vino mkulomba ukupitila umoodo sweepa. ²¹ Lilangidyini ukupitila ubhunyomwi ubhwaka Mlengi, mdindile inkumbu dyaka mweene witu uYeesu kilisitu vino akulubhapa ubhapanga bhwa kufwa na kufwa. ²² Langidyini inkumbu kulibhale bhano bhali ni bhuyeyebhadu. ²³ Bhapolini ni bhandi mkubhasomola ukufuma mnilo. Kubhandi langiddyini ikumbu mkusima, mtubhe nanti idwalo lino lyakafifwa ni mtele. ²⁴ Eelo sasa uno akobhwile ukubhatula mtakumpa ni kushala mwimilile kunkolelo yabhukulu bhwakwe pansina bhuyeyebhadu ukubha na bhuzangu ubhukulu. ²⁵ Kulimlengi wengwa umwipula ukupitilakuli Yeesu kilisitu umweene witu, ubhutukufu bhubhe kwakwe, umwikolo ni bhukobhodu ni maka pano ditali diide impitiko dyonse, ulono kufwa na kufwa. Chibhe vivyo.