¹ Bhalʉko lwane, Ndɨʉnowalemwa kʉmabhɨ gakwe, bhano mlɨ nibhuchindɨkwa, mndamchincha meal kʉbhutekanu. M, mbe mkʉlyangalɨla mtamingɨla mntyo. ² mlisendela bhugonywa, ʉvino mkʉtɨmɨdya ɨshalia ɨya kwa yeesu ʉmtenga ³ Ndɨ kʉlɨ ʉnoakʉlilola ɨya kʉtɨ ʉmfwai nikʉ asimfwai, akʉlikobha ʉmkola. ⁴ chɨla wedo afime ʉmlɨmo bhwakwe. Akubha alimanyile ʉmkola nyene, bila kʉlyelengany'a. ⁵ chɨla mntʉ alʉsenda ʉmwanda bhwakwe ʉmkola. ⁶ ʉmwanafunzi amneene amasoga gonse ʉkalondo wakwe. ⁷ ʉmlengi atakʉchɨtɨlwa ʉmwala. Chɨla chɨno akʉtaga ʉmntʉ, ʉchɨno alʉkʉmbʉla. ⁸ chɨla wɨno akʉtaga ɨmbedu kʉkafumo akabhononi alʉkʉmbʉla ʉbhononi, eelo ʉno akʉtaga embedu kʉmoodo swepa, alʉkʉmbʉla ʉbhʉpanga ʉbhwa kʉfwa na kʉfwa ʉkʉfuma kʉlɨ moodo swepa. ⁹ Tʉtamakatala ʉkũchɨta ɨvisoga, tʉlʉkʉmbʉla kʉwakati ʉbhʉsoga ndɨtʉtafwa ʉmoodo. ¹⁰ ʉvivyonyene, panotwabha nifwasi, tʉchɨte amasoga chɨla mntʉ. Tʉchɨte amasoga sana sana bhano bhalɨ mwimaani. ¹¹ lolini ʉbhukʉlʉ ʉbhwa ntʉme bhʉno nalɨmyandɨkile kwibhoko lyane namkola. ¹² Bhale bhano bhakʉchɨta amasoga mkʉlola ʉmtele ʉbhano bhakʉkomeledya mchentʉlwe. Bhakʉchɨta vivyo chɨleka bhatingila mmachulo agamsalaba ʉbhwa kwa mtenga. ¹³ Nante bhano bhachentwilwe bhatakʉlemasha ɨshalia. Ibadala yakwe bhakʉvubha mchentʉlwe chɨleka bhalɨkʉmɨdye ɨmitele. ¹⁴ ɨtamafumɨla ndikumye eelo ndɨnalikumya kʉmsalaba ʉbhwa kwa mwene ʉmtenga. kʉbhwela bhwake ʉbhwelelo bhulɨ mmachuulo kʉlɨ nene nikʉbhwelelo bhonse. ¹⁵ vino asichɨntʉ ʉkʉchentʉlwa ni kʉtokʉchentʉlwa. Ibadala yakwe ʉbhuvyadi ʉbhupya ʉvisoga sana. ¹⁶ Bhonse bhano bhakwikala mlɨlaga, bhabhe natee kʉmwi ni rehema ɨbhe pamwi nabho, kʉmwi ni izilaeli ɨya kwa mlengi. ¹⁷ ʉkʉfuma insayii ʉmtʉ wense wense atamangamadya, vino nʉmilwe amasonye agakwa yesu ʉmtenga mtele bhwane. ¹⁸ ɨntongwe idya kwa mwene yesu ʉmtenga ɨbhe pamwi ni myodo yiinu, bhalʉʉko lwane. Endita.