¹ nkʉtaka ntɨ ʉbhʉsoga ʉmpyani ʉmwana, atelakaine ni mtʉmwa, nante vino akʉsabha insabho dyonse. ² eelo, alɨ pansɨ ɨya bhangalɨdi nibhadhamini mpaka pano alabhɨkilwe ni taata wakwe. ³ vino nensu nyene, panotwalɨ ʉtwebhana tealɨ ʉtwebhatʉmwa kʉshalia ɨdya kʉbhwelelo. ⁴ eelo pano bhwafika ʉmda ʉbhukolanyene, ʉmlengi alatʉmile mwane, ʉmvyalwa ʉwamkota kʉndɨla ɨya shalia ⁵ alachɨsila ga chɨleka abhakʉlʉle bhano bhale pansɨ nishalia chɨleka tʉkolane nibhana. ⁶ vino ʉmwemu ʉmwebhana, ʉmlengi alamtʉmile ʉmoodo swepa ʉmwane mmyodo yɨɨtʉ ʉmoodo ʉnoakwɨtwa atɨ, "Abba, Baba." ⁷ kʉchɨnsumu chɨ asiwamtʉmwa lʉndɨ ʉwa mwana. ndɨwe mwana ʉwampyani kʉndɨla ɨya kwa mlengi. ⁸ Nantɨ pano, mwalɨmtammanyile ʉmlengi, mwalɨ ʉmwebhatʉmwa kʉkafʉmo kano asimlengi ʉwakapanga, ⁹ ndɨmwakammanya ʉmlengi nikʉmanyɨka ni mlengi, kʉchi mkʉchinka lʉndɨ kʉndɨla idyakʉnsidi idya bhʉgonywa dino asinsoga? bhule mkʉnyomwa ʉkʉbha ʉmwabhatʉmwa lʉndɨ? ¹⁰ mkʉngofya sana vino mkʉlemasha ɨnsikʉ amajira, ʉkʉsulama ʉkwa myedi ni myaka. ¹¹ nkʉpa ʉkʉtɨ vino nalyamadya chaka. ¹² nkʉmiyangʉla bhalʉko lwane ɨyakʉtɨ mbe kʉtɨ vino ndɨ, nantɨ vino ndɨ kʉtɨ vino mlɨ mtalɨ mndovidye. ¹³ mwalɨ mmanyile ɨyakʉtɨ yalɨ ʉbhʉlwile ʉbhwa mtele nalɨ milʉmbʉshididye amazwi agakwa mlengi. ¹⁴ nantɨ vino ɨhali yane ɨya mtele yalɨ yamibhika mntyo, mtalɨ mwa nsʉsʉla nantɨ kʉnkana. mwalɨ mwansʉngana kʉtɨ malaika abha kwa mlengi, kʉtɨ ʉlɨ nayeesu namkolanyene. ¹⁵ eelo sasa, ʉkʉzanga kwinu kʉlɨpee?vino nkʉkomekesha ɨyakʉtɨndɨkobholike, mwalɨmwipe aminso giinu mpe ʉnene. ¹⁶ nabha ʉneadui winu vino nkʉminena agakapanga? ¹⁷ bhakʉmivubha kukatampa, askʉmasoga. bhakʉmipagula ʉnene nemu chɨleka mbalondele abhakola. ¹⁸ ʉvisoga ʉkʉbha ni katampa kʉvintʉ ɨvisoga, asipano ndɨ apimpi nemu. ¹⁹ Bhana bhane bhache bhache, ndɨ nimabhavi kʉbhwela bhwinu mpa ʉmtenga alengwa ʉkwinu. ²⁰ nyomwile ʉkwikala pamwi nemu nkabhule izwi lyane, vino ndɨ nimashaka nemu. ²¹ mnene, ʉmwemu bhano mkʉnyomwa ʉkʉbha pansɨ ni shalia, mtakʉpɨlɨka vino ɨshalia ɨkʉvwanga? ²² vino iandikwe ɨtɨ ʉabulahamu alalɨ ni bhana abhachonsi bhabhɨlɨ, ʉmwi kʉlɨ wele ʉmkota ʉmtʉmwa niwɨndɨ kʉmkota uno alɨ hulu. ²³ nantɨ vivyo, wele ʉmwana ʉwamtʉmwa alavilwe kʉndɨla ɨya mtele tʉpʉ, eelo wele ʉwa mkota alavilwe kʉndɨla iya kwahidiwa. ²⁴ ɨvintʉ vii ʉndavisobhola kʉchɨkolano, vino abhakota bha bhakolaine ni mapʉlɨkano gabhɨlɨ. lɨmwɨ ʉkʉfuma kʉmwamba sinai. kʉkʉvyalwa abhana bhano ʉbhatʉmwa ewe ʉlɨ hajiri. ²⁵ ʉhajiri ʉlɨ mwamba sinai bhʉno bhulɨ kʉ Arabuni. Bhukʉkolekanwa ni yelusalemu ɨya lono, vino ʉmtʉmwa pamwi ni bhana bhakwe. ²⁶ Ndɨuvivyo eyelusalemu ɨnoɨlɨpɨyʉlʉ ʉhulu, ʉlɨ mayɨɨ witʉ. ²⁷ vino ɨandikwe, ɨtɨ"zangini, mkota ʉno ʉwe tasa ʉnoutakʉvyala.alwa ngʉla kwizwi mkʉzanga, ʉnoutakʉvyala. Bhano ʉbhana mgʉmba bhalɨnagala, ʉkʉlʉta bhano bhasakilwe. " ²⁸ ʉmwebhana abhaahadi vino ʉmwebhana Isaka. ²⁹ ʉnoalavilwe kʉndɨla ɨya mtele alamchudile wele ʉnoalavilwe kʉndɨla ɨya moodo. Ʉvino chɨlɨ ³⁰ Amaandɨko gakʉtaka bhule?"mtɨshini ʉmkota ʉmtʉmwa pamwi ni mwana ʉmonsu. Vino ʉmwana ʉmkota atandɨ apyane pamwi nimkota ʉwapakada. " ³¹ Ndɨ ʉvinochɨlɨ, bhalʉko lwane, ʉtwensʉ asitwebhana abhamkota ʉmtʉmwa, eelo ʉtwebhana abhapakada.