¹ Paulo, Silwano na Timotheo kwi ikanisa lya Bhathesalonike kumwa Kubhe bhabha na Guku Yesu Kristo. Rubhango na kuhola ibhe ninwe. ² Hanahana tulimulumbila kumwa Kubhe muda gose kunguno inwe wose. Ahatuli bhakanya kulomba giswe. ³ Kwisi tulizukila vuduhu koya milimo yinwe ya mwisanizyo, hoyene muliyitumama yinwe ya kutogwa, na vujamu winwe mwisigizyo hanwa Guku Yesu Kristo. ⁴ bhadugu hatogiwe na Kubhe, kumanyile lwito lwinu. ⁵ Kwisi mu kutanizya kwiswe Mhola ya Chelu yikizile kuwinwe mu mihayo duhu, sumbwa savasava mugati na nguvu na mu Roho Nsondo na mu vokale wa kumanicha, kitisi mulimanicha isyo twasimizaga mugati ninwe kunguno yinwe. ⁶ Mwalibhantu bhakutulondela ifwebna Guku, kiti isi mwalipokele ilagano kumakoye kulubhango iyo ilifumila kwa Roho Nsondo. ⁷ Na syenisyo gamwe, mubhabha mfano kuwose kumakedonia na akaiya abho bhazumya. ⁸ Kwisi kufuma kuwinwe muhayo gwa Guku gwatanizivilwe, ng'o mu Makedonia na Akaiya duhu, sumbwa isanizyo linwe kumwa Kubhe lyakumukile hosehose, syenisyo iswe tukafundile kuyomba muhayo gumo kunguno yalyo. ⁹ Kwisi abhebhasabha bhalitangazya wizilo wiswe wali wa kinehe katiyinu. Bhalisunsumulila isi mwamgalu kila Kubhe kufuma kunzila ya sanamu na kumtumamila Kubhe uyompanga ne wa nhana. ¹⁰ Na mulimulindila kufuma kwilunde, mwana wakwe, Yesu , homwene wamuhembukaja ku vafwile, jhomwene akutukomola kukisila kilakiza.