¹ Ahanyuma yebhintu ebhi nkalebhangu, omulyango gukabha guchingwile omwiguru. Lihija ilaka elyokubhanza niligamba nanye nkeryenzamba, ndijira liti "Ijaaha, ninjakukweleka ebhilibhaho ebhi kibhilirugao. ² Aho nao nkabha ndi omumwoyo, nkalebha akabha aliho necchitebhe chobhukama omwigru nomuntu ochisuntamile. ³ Omo eyabheile achisumtamile akabhoneka nkeibhale lya yaspi na akiki. Akabha aliho nomuhangazima gwetorweile ocho echitebhe cho obhukama. Omuhangazima gukabhoneka nke zumaridi ⁴ Kwetolola echitebhe chobhukama akabha aliho ebhitebhe ebhidi gabhili na bhina, na bhabheile bhasitamile bhilinya ebhitebhe bhyobhukama bhakabha bhali abhagurusi gabhili na bhana bhajwekilwe ebhijwaro bhilikwela ne ebhirunga bhye dhahabu ahamitwe yabho. ⁵ Kuruga omuchitebhe cho abhukama akabha niarugamu emilabhyo yenkubha nokuhinda. Ebhimuli musanju bhikabha nibhyaka omumeiso gechitebhe, ebhimuli ne myoyo musanju ya Katonda. ⁶ Kandi omumeiso gechitebhe chobhukama akabha eliho enyanja eyabheile nelebherwamu nkendebhelwamu. Bhona abhayetorweile echitabhe cho bhukama akabha aliho abheine obhulora bhana, abheijwile ameiso ommeiso ne enyuma. ⁷ echitondwa owambele awobhurola akabhali nkentale, owakabhili eine obhulora akabhali nkenyana, echitondwa owa kasatu owobhurola akabhayeine ubhuso nkobhwo muntu, no olihiya owobhurola owa kana akabhali nkechinyonyi echikutunta. ⁸ Ebhitondwa ebhyobhurola bhina bhuli chimo chika bhahine amapapa mukaga, bheijwiile ameiso geiguru na ahansi. Echiro nomusana tibhakulekela kugamba, "orikwera,orikwera, orikwela, ni Mukama Katonda, owobhusobhorozi bhwona, ayabheile aliho, nakukwija kubhatao" ⁹ Bhuli kanya ebhitondwa ebhyobhulola kibhahereize echitinisa, na anakune, nokusima ommeiso giyabheile asutamile ahalyecho chitebhe, wenene aliho eila lyona. ¹⁰ Abhagurusi gabhili na bhana bhakalamya ommeisoge eyabheile asitamile echitebhe chombhukama. Bhakeinama ahansi akwa wenene aliho eilya lyona nokutambika ahansi ebhirunga bhyabho ommeiso ge echitebe chobhukama nibhagamba bhati. ¹¹ "Mukama Ruhanga weitu niwe osemereile kuebwa echitinisa na amakune na amani. Alwakubha okatonda ebhintu bhyona, nomungonzi zawe, bhikakha bhilio Kandi okabhitonda.