¹ Paulo na Timotheo, abhakozi bha Yesu Kristo, omulibhalinya abhasoloilwe omulimukama abhakwikala Filipi, hamo na abhalebhelezi hamo naabhalebhelezi hamo na abhaheleza. ² Echisa chibhe hamo naimwe nemilembe ekuluga owakatonda tata waitu no mukama Yesu Kristo. ³ Ninsima Katonda wange obhundikubhaijuka imwe mwena. ⁴ Bhuli kusabha nimbaijuka mwena, ningila amasemelelwa kinkubhasabhila. ⁵ Nyine ebhisimo bhungi alwokubha hamo omukulangilila kwema echilo cho kubhanza necha mbwenu. ⁶ Nyine amazima ogwo ayabhandize omulimo ogu najakugendelela kugugobheseleza, mpaka ahachilo cho Mukama Yesu Kristo. ⁷ Nikwo kwehulila aigulu yanyu mwena alwokubha nabha tekamu omwoyo gwange, alwokubha imwe twambeile amo omuchisa no mukukomwa kwange, no kujulilwa no kugobheselezibwa okulangilila. ⁸ Katonda nomujulizi wange, okunyine iliho aigulu yanyu mwena omunda yo olukundo lwa Yesu Kristo. ⁹ Nisabha, engonzi zanyu zigendelele muno muno omubhumanyi na magezi gona. ¹⁰ Nisabha alwebhi mugile obhubhasa no Kutorana ebhi bhilungi muno nimbasabhila mubhe bhalungi atabha chakubha tweijela achilo cha Yesu Kristo. ¹¹ Mwijuzibwe echilabha cha mazima echikuluga ali Yesu Kristo, abhulikwela no halsiliza Katonda. ¹² Mbenu bhatai bhange, ninyenda mumanye, ebhintu ebhikokile akwange bhikozile obhulangilizi' mbungendelela muno. ¹³ Alwecho okumwa kwange omuli Kristo, bhikamanyika na bhabhile mbalinda ikulu yona na bhuli muntu. ¹⁴ Na bhataibhange bhaingi abhali omuli Mukama alwokukomwa kwange bhakagendelela kwechuza no kulangilila bhataine bhutini. ¹⁵ Omumazima abhandi mbagamba Kristo chonka bhaine eyagiko ne ndwano, na abhandi emianda milungi. ¹⁶ Bhalinya abhakulangilila Kristo omungozi nibhamanya okuntekilwaha omukujulila no kulangilila. ¹⁷ Sana abhandi mbalangilila Kristo omukwenyenda ne bhitekelezo bhibhi, bhonene mbamanya ngu mbanyongela obhusasi bweminyororo yange. ¹⁸ Ahwebhi tinkubhilebha, emianda eji kelabha eliyebhisubha anga eli yamazima, Kristo nalangililwa, na lwechi ninsemelelekwa! ego ninsemelelelwa. ¹⁹ Alwokubha nimanya echi chija kundetela okukomolalwa kwange. Echintu echi nchija kubhaho alwamasabha ganyu no kujunwa kwo mwoyo gwa Yesu Kristo. ²⁰ Okuntegeleize omumazima, gona tindabhone nsoni, ninja kugila obhumaza bhona nkebhilo byona ninteggeleza kubha Kristo naja kuheisilizibwa omumubhili gwange, omunholola anga omulufu. ²¹ Alwokubha nyawe, kwikalaho ni Kristo nokufa ne mpelwa. ²² Chonka, kinakwikala omumubhili nzala echilabha omulimo gwange, alwecho tinkumanya nichihi echindorana. ²³ Alwokubha nisindikwa muno ombitekelezo bhibhili. Ninyenda nteisulane no mubhili mbehamo na kristo, nechintu echsonga muno muno. ²⁴ Nokusigala omumubhili nacho nechensonga omulimwe. ²⁵ Nyine amazima alyechi, nimanya ninja kusigala bokugendelela hamo naimwe mwena, alwo kugendelela na masemelelwa nemilembe yanyu. ²⁶ Nechi nchija kuleta amasemelelwa gahango omuli Kristo yesu alwange nchija kusubha kutekaho, aalwokubha yengonzi znge nyawe naimwe. ²⁷ Nimwetagibwa kwikala omuli Kristo nemigendele yanyu milungi ekwetagibwa omukulangilila, mukole mutyo kindaija kubhalebha anga nobhundabha ntaizile, mpulile kubha mwemeleilege omumwoyo gumo ninyengomba kuhulila mwine omwoyo gumo, nimuhiga omwesigo gwobhulangilizi omubhumo. ²⁸ Mtatina chintu chonachona echikukwa nabhangi bhanyu abho mbenda kwita. Sana imwe nobhulokozi kuluga alikatonda. ²⁹ Alwokubha imwe muheibwe alwa Kristo, ti kwesiga kwonka no kwitwa kubhi alwa wenene. ³⁰ Alwokubha mcheine endwano zilinya nkezimalabhile akwange bahati nimzihulila.