¹ Yakobo, entumwa ya kantonda no omkoma Yesu Kristo, aha hanganda ikumi nei bhili ezengirenagire, kulungi. ² Bharumuna bhange, ka mukulabha omubhilengeso ebyoku noku, muchibhale kuchili echelaa. ³ Mumanye okulengwa kwo kwesiga, kwanyu okwo kuleta okugumisiliza. ⁴ Okugumisiliza kuhikilize omulimo gwa kwo, mubhone kubha abhaikilizi abha gobheleire. Tihalebhelelwa chonachona. ⁵ Chonko omulinywe kalabha alimu omubhulwa magezi, asabhe katonda agabhila bhoona naho, alabha amagezi. ⁶ Kandi osabhe akwesiga, otamulengesz, orwokubha akusabha nalengesa nasana iyengo omunyanja, elitwwarwa omuya go oku noku. ⁷ Omumazima omuntu ogwo atamanya amasabhage kigalaikilizwana katonda. ⁸ Omuntu ogwo nabha aine emitima ebhili, tayemeleilege omumihanda ye yoona. ⁹ Balumuna, omunaku chiseine ayesimile okwemelela ahigulu. ¹⁰ Chonka mulumuna omugeiga omugeiga chiseine oyetoye ahakukehesibwa aliwenine, rubha aliwaho nko olwaso obunyansi. ¹¹ Eizobha lituruka no okwocha kwalyo, lihotola obunyansi, olwaso lwa bwo ruragara, obhulungi bwaho bhula gala, nikwo chili abhatungi bhalihotoka amilimo yabho. ¹² Yeine omugisha omuntu ayegumikiliza abhilengeso, kubha kalimala kusinga ebhilengeso, alihebwa ekalinda yo obhulola katonda euyasubiize abha mwenda. ¹³ Omuntu akulengesibwa atagambisibwa, kubha echilengezo echo nchilunga owa katonda, kubha katonda talengesibwa chibhi, kandi wenene talengesa muntu. ¹⁴ Bulumuntu alengesibwa okwogomba kwe kubhi okumunyulula hale. ¹⁵ Nikwo okwegombakwekubhi kumtwaza enda, echibhi chizalwa, abwamafuge echibhi chikula no kuzara okufa. ¹⁶ Bhalumuna bhange, abhagonzibwa mtahabhiswa. ¹⁷ Echitungwa chona na amatungwa gona agagobhile galuga ahiguru, bhisongoka ahansi kuluga ahiguru ahili ise webhilikwaka, ahi wenine taliho echihinduka nko kwo bhona ebichu bhihinduka. ¹⁸ Katonda akatulonda itwe nokutuha echi gambo cha mazima itubhe emijigeju ye ebhitondwa bye. ¹⁹ Barumuna bhange abhagonzibwa, nimuchimanya , bulimuntu ayanguhe kuhulila, atabha wabwangu owokuhulila nokutamwa. ²⁰ Kubha echiniga chomuntu tichileta obhugololoki Katonda. ²¹ Nikwo, mwiveho ebhibhi ne ebhihanga ro byoona ebisagulilainne, omubhuchulezi mwikilize echigambo echabyeilwe omunda yanyu, echine obhubhasa kulokola emiyoyo yanyu. ²² Ikiliza echigambo, mtachikiliza bhusa, akwebheiya amyoyo yanyu. ²³ Kubha omuntu wenawena ahulila echigambo atachikoleile omulimo ninko omuntu ayelebha obuso bwe omunde belwamu. ²⁴ Ayelinganiza no obhuso bwe, agenda ahakuja, no omukanya kake ayebwa okwakusana. ²⁵ Oli ya okulebhelele omuhangwa Mkama Katonda oguhikilile, omuhango gwo obuhunguzi, akaikala nakura atyo, ogu ti muhuzi a yeebwa, ogu alagila omugisha omukukora kwe. ²⁶ Omuntu kayetekeleza okwo alimyadini naho tasobhola kutanga olulimi lwe, abheiya omwoyo gwe ne dini ye ni bhusa. ²⁷ Edini eliningi edemeile omumeiso ga Katonda iseitwe niyesi: kubela enfuzi na abhafeleilwe bhaibha bhabho omunaku zaboo, nokwelinda ne ebyensi.