¹ Kihalabhileho emiaka ikumi nena, nkaganda kandi Yelusalemu hamo na Barnaba. Kandi nkatwara Tito hamo nanye. ² Nkagenda aharwokubha Mungu akanyeyeleka ahalinye ngu chisaine kugenda. Nkataho omumaisogabho evanjeli eina bheile ninjilanga omubhantu bhensi. Nkakorantyo, ahakumanya nti nkabha ntakwiruka nanga nkairuka bhusa. ³ Chonka Tito eyabhaile alinanye akabha ali muyunani, bhakamjimba kusilamulwa. ⁴ Echintu echo chihabhaho ahakubha bheneise bhebhisubha bhakaija, omuchinama kubhuzabhuza obwikalago obhutwabheile twiine omuli Kristu Yesu. Bhakegomba kutukola itwe kubha abhatwarwa bhomuku. ⁵ Tikulayeihilemu kubhakunila nesaa emo, ahongu evanjeli yamazima yeikale etyo itahindurwa. ⁶ Chonka bhalinya abhagambirwe ngubhakabhabhali abhebhembezi, tibhalesile empongano zabho. Zonazona, owange, chonachona echabhaile ni bhakola chikabha chitaeine mugaso ahalinye. Mungu takwenda okweyenda kwabhantu. ⁷ Ahanyuma bhakabhona ngu nyesigilwe kulangilila evanjeli ahali bha linya abhatasila miwe. Chikabhachili chiti Petro alangilile evanjeli omubhasilamwilwe. ⁸ Ahakubha Mungu akakola emililimo omunda ya Petro ahabwentumwa ahalibhalinya abhasilamwilwe kandi akakora emilimo omunda yangu omubhantu bhamahanga. ⁹ Akanya Yakobo, Kefa na Yohana kibhamanyikile kubha bhakomeka ekanisa, bhakamanya echisa echinaheibwe, inye bhahatwekwasa omubhumo nyawe na Barnaba . Bakakora ibhi bgu itwe tugende omubhantu bhamahanga, kandi ngu tubhase kugenda omuli bhalinya abhasilamwilwe. ¹⁰ Kandi bhahatwenza itwe kubhaijuka abhanaku. Inye kandi nkabha ninyegomba kukora echintu echi. ¹¹ Akanya Kefa kiyaizile Antiokia nkamuhaleanisa anazimazima ahalwokubha akabha ahabhile. ¹² Bitya abhantu bhahe kibhabheile bhatakaizile kuluga owa Yakobo, Kefa akabha alyanabo abhantu bhamahanga. Chonka abha abhantu kibhaizile akalekela, nokugenda kuruga omubhantu bhamahanga. Akabha natina abhantu abhakwenda kusilamulwa. ¹³ Omukuyendeleza, abhayahudi abhandi bhakebwata hamo nobwangi obwo hamo na Kefa. Echa negilaho bhikabha bhiti, na Barnaba akatwalwa nobwangi bwabho. ¹⁴ Chonka kinabweine kubha wakabha bhatakuhondeka evanjeli yamazima nkamugambila Kefa omumaiso gabho bhona, "Imwe muliabhayuda chonka nimwikala nemize yabhantu bhamahanga kandi mwakwikeile nemize yabhayuda. Kubhaki ninubhajimba abhantu bhama hanga kutula nkabhayuda? ¹⁵ Itwe abhali abhayuda bhubhuzalwa kandi tutuli "Bhantu bhamahanga abhamafu." manya, oti, taliho alibhalilwa amazima ahabhihorwa byomuku, .Ahanyanaye, mbabhalirwa amazima ahamwesigo omunda ya yesu Kristu. ¹⁶ Tukaija omumwesigo omunda ya Kristu Yesu ahongu tubhalirwe mazima omumwesigo omunda ya Kristo na tabhikorwa byomuku. ahabhikorwa byomuku taliho omubhili ogulibhalirwa amazima. ¹⁷ Chonka nkukutuli kumuhiga Mungu ahakubhalirwa amazima omunda ya Kristu, nitwesanga itwe twabheile abhamafu, ngu Kristu akakorwa omzana wanafunzi tikwao chili! ¹⁸ Ahalwokuba kindayombeka ilindo lyange aheigulu yukulinda omuku, indo linamazile kuiyaho, ninyeyeleka inye okunyisile omuku. ¹⁹ Kulabhila ahamuku nkafa ahabwomuku ahalyecho chisaine kubaho ahabwa Mungu. ²⁰ Mbambirwe hamo na Kristu. Tinye kandi alikurola, sana Kristu natura omunda yange. Amaisha agondihutura ahamubhili nintura ahamwesigo omunda ya omwana wa Mungu, akanyenda, yayeihaho ahabwange. ²¹ Tinkihakanisa echisa cha Mungu, ahakubha amazima galiho kulabhila ahamuku, aho Kristo yakubha afelesile busa.