¹ Mbwenu, omwoyo nagamba obwatu ati, "akanya akalikwija abandi abhantu bhalalekela omwesigo, kwe tonda kuhuliliza emyoyo ezilikubheiya nokwegesa ebyegeso hechisetani, ² omubhisubha norwougo lwabantu, bhalayochwa omuliro bonebonka insenkazi yomtimayabho. ³ Bhabhatanga kutasya nokukwata ebyakulya bilinya Mungu ebhiyatonzile bhabhikolese ahakusima omulibhonene abhesiga nabhakumanya amazima. ⁴ Aharwokubha bhuli chintu chonene Mungu akaehitonda ni chirungi italiho chilinya echitukuhebwa ahakusima tichisaine kuchanga. ⁵ Aharwokubha, kisemezibwe kulabhila echigambo cha Mungu ahamuhanda gwamasabha. ⁶ Kolabhita ebigambo ebhi omumaiso ga bheneso olabha omukozi mlungi wa Yesu Kristu. Ahakubha umezibwe, ahabhigambo gumwesigo na emyegs milungi eyokuhondera. ⁷ Chonka uyange emigani yensi elikwendwa na bhakaikuru. Ahakuko lotyo, yeyegese iwe obhufura. ⁸ Ahakubha ubhumanyizo byoomubhili busaine kake, chonka obhufura bhusaine muno ahabhintu bhona Kubhika echilagililo ahakanya akahali na kanya akalikwija. ⁹ Amakuru aga na gokwesiga kandi gasaine kwikilizibwa kwo. ¹⁰ Aharwobha, echi nitwetesa no kukora emilimo na mani geingi mno. ahakubha twine obhumaza ahali Mungu alikulora wenene nomulokozi wa bhantu bhona chonka bhalinya abhali kumwesiga. ¹¹ Obhigambe nokubyegesa ebhintu ebhi. ¹² Omuntu wenawena atagaya obhusigazi bwawe. Ahanyuma, obhe echilebhelwaho omubhantu bhoona abhekwesiga, omu kugamba, omukuyenda, omumwezigo nomubhurungi. ¹³ Akanya akindaija weikale omu kusoma, nokutanga nomu kwegesa. ¹⁴ Utagaya emigisha eliomunda yawe eiwaheibwe kulabhula omukusurulirwa, ahakutelwaho emikono nabhaazehe. ¹⁵ Obhihwatege ebhintu ebhi, oikale omuliebhi ngu okukula kwawe kweleke abantu bhona yelinde muno emigendele yawe ne miegeso. ¹⁶ Weikale omu bintu ebhi. Ahakubha, ahakukolotyo noyelokola lwe na bhalinya abhali kukuhuliliza.